ബിജെപി എംപിക്ക് പ്രിയങ്കാ ഗാന്ധിയുടെ ചൂടന്‍ മറുപടി; നേതാവിന്റെ 'സുന്ദരി' തന്നെ ചിരിപ്പിച്ചുകൊല്ലും

തന്നെ അധിക്ഷേപിച്ച എംപിയുടെ വാക്കുകള്‍ സ്ത്രീകളോടുള്ള ബിജെപിയുടെ മനോഭാവമാണ് തെൡയിക്കുന്നതെന്ന് അവര്‍ പ്രതികരിച്ചു.

ലക്‌നൗ: ബിജെപി എംപി വിനയ്കത്യാരുടെ ലൈംഗിക പരാമര്‍ശത്തിനെതിരേ കോണ്‍ഗ്രസ് നേതാവ് പ്രിയങ്കാ ഗാന്ധി. തന്നെ അധിക്ഷേപിച്ച എംപിയുടെ വാക്കുകള്‍ സ്ത്രീകളോടുള്ള ബിജെപിയുടെ മനോഭാവമാണ് തെൡയിക്കുന്നതെന്ന് അവര്‍ പ്രതികരിച്ചു.

രാജ്യത്തെ ജനസംഖ്യയുടെ പകുതി വരും സ്ത്രീകള്‍. അവരോടുള്ള ബിജെപിയുടെ മനോഭാവമാണിത്. വിനയ് കത്യാരുടെ വാക്കുകള്‍ തന്നെ ഏറെ ചിരിപ്പിച്ചുവെന്നും പ്രിയങ്ക പറഞ്ഞു.

പ്രിയങ്കാ ഗാന്ധിയേക്കാള്‍ സൗന്ദര്യമുള്ള സ്ത്രീകള്‍ ബിജെപിയിലുണ്ടെന്നായിരുന്നു വിനയ് കത്യാരുടെ പരാമര്‍ശം. പ്രിയങ്ക അത്ര സുന്ദരിയൊന്നുമല്ല. പ്രിയങ്കയേക്കാള്‍ സുന്ദരിയാണ് തങ്ങള്‍ക്കൊപ്പമുള്ള സ്മൃതി ഇറാനി. അവര്‍ പോവുന്നിടത്തൊക്കെ വന്‍ ജനക്കൂട്ടമാണ്. ഇറാനിക്ക് സൗന്ദര്യം മാത്രമല്ല, പ്രിയങ്കയേക്കാള്‍ പ്രസംഗിക്കാനുള്ള കഴിവുമുണ്ടെന്നും കത്യാര്‍ പറഞ്ഞു.

ഉത്തര്‍പ്രദേശ് നിയമസഭാ തിരഞ്ഞെടുപ്പ് പ്രചാരണത്തിന് നേതൃത്വം നല്‍കുന്നവരുടെ പട്ടിക കഴിഞ്ഞദിവസം കോണ്‍ഗ്രസ് പുറത്തിറക്കിയിരുന്നു. പ്രിയങ്കാ ഗാന്ധി ഉള്‍പ്പെടെയുള്ള 40 പേരുടെ പട്ടികയാണ് പരസ്യപ്പെടുത്തിയത്. ഇതിന് തൊട്ടുപിന്നാലെയായിരുന്നു ബിജെപി നേതാവിന്റെ പ്രതികരണം.

നമ്മുടെ രാഷ്ട്രീയക്കാരുടെ നാണം കെടുത്തുന്ന മനസ്സിലിരിപ്പാണ് ബിജെപി നേതാവിന്റെ വാക്കുകളില്‍ തെളിയുന്നതെന്ന് പ്രിയങ്കയുടെ ഭര്‍ത്താവ് റോബര്‍ട്ട് വദ്ര പറഞ്ഞു.

English summary

Taking senior BJP leader Vinay Katiyar's sexist remarks in her stride, Priyanka Gandhi today said the controversy exposes the BJP's mindset towards "the better half population of India". "Haha haha! He's right, they do! And if that's all he sees in my colleagues who are each strong, brave, beautiful women that have battled through all sorts of hardships to get where they are, then he makes me laugh even more. Because he exposes the BJP's mindset towards the better half of the population of India," Priyanka said.