India
  • search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കാണ്‍പൂര്‍ സംഘര്‍ഷം; ഇടി മുഹമ്മദ് ബഷീറിനെ കസ്റ്റഡിയിലെടുത്ത് യുപി പൊലീസ്, പുലര്‍ച്ചെ വിട്ടയച്ചു

Google Oneindia Malayalam News

ലക്‌നൗ: മുതിര്‍ന്ന മുസ്ലീം ലീഗ് നേതാവും എം പിയുമായ ഇ ടി മുഹമ്മദ് ബഷീറിനെ കസ്റ്റഡിയിലെടുത്ത് യു പി പൊലീസ്. കാണ്‍പൂര്‍ സംഘര്‍ഷത്തില്‍ പരിക്കേറ്റവരെ കാണാന്‍ പോയപ്പോഴാണ് ഇ ടി മുഹമ്മദ് ബഷീറിനെ കസ്റ്റഡിയിലെടുത്തത്. ഇന്നലെ അര്‍ധരാത്രിയോടെയാണ് സംഭവം.

പൊലീസുകാര്‍ തടഞ്ഞതിനെ തുടര്‍ന്ന് റോഡിലിരുന്ന് പ്രതിഷേധിച്ചെങ്കിലും യു പി പൊലീസ് വഴങ്ങിയില്ല എന്ന് ഇ ടി മുഹമ്മദ് ബഷീര്‍ വ്യക്തമാക്കി. മുതിര്‍ന്ന ഉദ്യോഗസ്ഥരുടെ അഭ്യര്‍ത്ഥന മാനിച്ച് ദല്‍ഹിയിലേക്ക് തല്‍ക്കാലം മടങ്ങുകയാണ് എന്ന് അദ്ദേഹം ഫേസ്ബുക്കില്‍ അറിയിച്ചു. സംഭവത്തില്‍ ലോക്‌സഭാ സ്പീക്കര്‍ക്ക് പരാതി കൊടുക്കുമെന്നും ഇ ടി മുഹമ്മദ് ബഷീര്‍ പറഞ്ഞു.

പ്രവാചക നിന്ദക്കെതിരെ പ്രതിഷേധിച്ചതിന് യു പി പൊലീസിന്റെ വേട്ടയാടല്‍ നേരിട്ട മനുഷ്യരെയും മറ്റു ബന്ധപ്പെട്ടവരെയും നേരില്‍ കാണാനാണ് കാണ്‍പൂരിലെത്തിയത് എന്ന് ഇ ടി മുഹമ്മദ് ബഷീര്‍ പറഞ്ഞു. എന്നാല്‍ അര്‍ധരാത്രി യു പി പൊലീസ് പല ന്യായങ്ങള്‍ പറഞ്ഞ് ഇവരെ തടയുകയായിരുന്നു. യു പി പോലീസിന്റെ ഈ ജനാധിപത്യ വിരുദ്ധമായ നടപടിക്കെതിരെ പ്രതിഷേധം തുടരും എന്നും അദ്ദേഹം പറഞ്ഞു.

അത് ശരി.. ഈ ചിത്രത്തിന് ഇത്രേം അര്‍ത്ഥമുണ്ടായിരുന്നല്ലേ...; അഞ്ജു കുര്യന്റെ ചിത്രങ്ങള്‍ കണ്ടോ

ബി ജെ പി നേതാക്കളുടെ പ്രവാചക നിന്ദാ പരാമര്‍ശത്തിന് പിന്നാലെ കാണ്‍പൂരിലുണ്ടായ സംഘര്‍ഷത്തില്‍ പരിക്കേറ്റവരെ കാണാനാണ് ഇ ടി മുഹമ്മദ് ബഷീര്‍ എം പിയും സംഘവും ഉത്തര്‍പ്രദേശിലെത്തിയത്. കസ്റ്റഡിയില്‍ എടുത്ത ശേഷം പുലര്‍ച്ചെ ആറ് മണിയോടെ ഡല്‍ഹിയില്‍ എത്തിച്ചാണ് യു പി പോലീസ് തങ്ങളെ വിട്ടയച്ചത് എന്നും ഇ ടി മുഹമ്മദ് ബഷീര്‍ കൂട്ടിച്ചേര്‍ത്തു.

പ്രവാചക നിന്ദക്കെതിരേ പ്രതിഷേധിച്ചതിന് കാണ്‍പൂരില്‍ പൊലിസ് വേട്ടയാടിയവരെ നേരില്‍ കാണുന്നതിനായി അധികൃതരെ മുന്‍കൂട്ടി അറിയിച്ചാണ് ഇ ടി മുഹമ്മദ് ബഷീര്‍ എത്തിയിരുന്നത്. എം പി എന്ന നിലയില്‍ തന്റെ ഔദ്യേഗിക കൃത്യ നിര്‍വഹണത്തിന്റെ ഭാഗമായാണ് സന്ദര്‍ശനം എന്ന് ജയില്‍ അധികൃതര്‍ അടക്കമുള്ളവരെ അറിയിച്ചിരുന്നു എന്നും ഇ ടി മുഹമ്മദ് ബഷീര്‍ കൂട്ടിച്ചേര്‍ത്തു.

'സ്വപ്‌ന സുരേഷ് വാടക ഗര്‍ഭധാരണം വാഗ്ദാനം ചെയ്തു', എല്ലാത്തിനും പിന്നില്‍ സ്വപ്‌നയുടെ വക്കീലെന്ന് ഷാജ് കിരണ്‍'സ്വപ്‌ന സുരേഷ് വാടക ഗര്‍ഭധാരണം വാഗ്ദാനം ചെയ്തു', എല്ലാത്തിനും പിന്നില്‍ സ്വപ്‌നയുടെ വക്കീലെന്ന് ഷാജ് കിരണ്‍

cmsvideo
    Saritha Nair's Allegation | പിണറായിക്കെതിരെ പിസി ജോര്‍ജിന്റെ ഗൂഡാലോചനയെന്ന് സരിത | *Kerala

    എന്നാല്‍ സ്ഥിതിഗതികള്‍ മോശമാണെന്നും, സഹകരിക്കണമെന്നും ആവശ്യപ്പെട്ട് എം പിയെ പൊലീസ് വാഹനത്തില്‍ സുരക്ഷിത കേന്ദ്രത്തിലേക്ക് കൊണ്ടുപോകുകയായിരുന്നു എന്നാണ് യു പി പൊലീസ് വൃത്തങ്ങള്‍ പറയുന്നത്. 35 കിലോ മീറ്റര്‍ അകലെയുള്ള ഹെഡ് ക്വാട്ടേഴ്സിലേക്ക് മാറ്റാന്‍ ആയിരുന്നു പൊലീസ് ശ്രമിച്ചത് എന്നും എന്നാല്‍ ഇതിനിടെ പോലീസ് വാഹനത്തില്‍ നിന്നും ഇറങ്ങിയ എം പി റോഡിലിരുന്ന് പ്രതിഷേധിക്കുകയായിരുന്നു എന്നും പൊലീസ് പറഞ്ഞു.

    English summary
    Prophet remarks and kanpur clash UP police take ET Mohammad Basheer into custody, later released
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X