ബിജെപി സ്ഥാനാർത്ഥിക്കെതിരെ പ്രതിഷേധം: പട്യാലയില് കർഷകന് കുഴഞ്ഞുവീണ് മരിച്ചു
പട്യാല: പഞ്ചാബില് വീണ്ടും കർഷക മരണം. പട്യാല ലോക്സഭ മണ്ഡലത്തിലെ ബി ജെ പി സ്ഥാനാർത്ഥി പ്രണീത് കൗറിനെതിരെ പ്രതിഷേധം നടത്തുന്നതിന് ഇടയില് കർഷകന് കുഴഞ്ഞ് വീണ് മരിക്കുകയായിരുന്നു. രാജ്പുരയ്ക്ക് സമീപമുള്ള സെഹ്റയിൽ ബി ജെ പി സ്ഥാനാർത്ഥി പ്രചരണത്തിന് എത്തിയപ്പോഴായിരുന്നു കർഷകരുടെ പ്രതിഷേധം.
സ്വകാര്യ വാഹനത്തില് പ്രദേശത്തേക്ക് വന്നിറങ്ങിയ പ്രണീത് കൗറിനെതിരെ കർഷകർ വലിയ തോതില് പ്രതിഷേധം ഉയർത്തുകയായിരുന്നു. കനത്ത സുരക്ഷ ഒരുക്കിയ പൊലീസ് കർഷകരെ തള്ളി മാറ്റി നേതാവിനെ മുന്നോട്ട് കൊണ്ടുപോകുകയായിരുന്നു. ഇതിനിടെയാണ് 45 കാരനായ സുരീന്ദർപാൽ സിംഗ് കുഴഞ്ഞ് വീഴുന്നത്. സംഭവ സമയത്ത് വലിയ പൊലീസ് സന്നാഹം പ്രദേശത്ത് ഉണ്ടായിരുന്നെങ്കിലും അവർ ഒന്നും ചെയ്തില്ലെന്ന് കർഷക നേതാവ് തേജ്വീർ സിംഗ് ആരോപിച്ചു.
സുരീന്ദർപാൽ സിംഗിനെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല. സംഭവസ്ഥലം സന്ദർശിച്ചിട്ടുണ്ടെന്നും വിശദാംശങ്ങൾ അറിയാന് ശ്രമിക്കുകയാണെന്നും കിസാൻ മസ്ദൂർ സംഘർഷ് കമ്മിറ്റി ചീഫ് സർവാൻ സിംഗ് പന്ദേർ പറഞ്ഞു. അതേസമയം സംഭവത്തില് പ്രതികരിക്കാന് പ്രണീത് കൗർ ഇതുവരെ തയ്യാറായിട്ടില്ല.
പഞ്ചാബ് മുൻ മുഖ്യമന്ത്രിയും കോണ്ഗ്രസ് നേതാവുമായ അമരീന്ദർ സിങ്ങിൻ്റെ ഭാര്യയായ പ്രണീത് കൗർ വ്യാഴാഴ്ചയാണ് ബി ജെ പിയിൽ ചേരുന്നത്. പാർട്ടി വിരുദ്ധ പ്രവർത്തനങ്ങളും ബി ജെ പിക്ക് പിന്തുണയും നൽകിയെന്നാരോപിച്ച് കഴിഞ്ഞ വർഷം ഫെബ്രുവരിയിൽ പട്യാലയിൽ നിന്നുള്ള എംപിയായ പ്രണീതിനെ കോൺഗ്രസ് സസ്പെൻഡ് ചെയ്തിരുന്നു. പാർട്ടി ദേശീയ ജനറൽ സെക്രട്ടറി വിനോദ് താവ്ഡെ, നേതാവ് തരുൺ ചുഗ്, സുനിൽ ജാഖർ എന്നിവരുടെ സാന്നിധ്യത്തിലായിരുന്നു കൗറിൻ്റെ ബി ജെ പി പ്രവേശനം.
1999 ലാണ് പ്രണീത് കൗർ ആദ്യമായി കോണ്ഗ്രസ് ടിക്കറ്റില് പട്യാലയില് നിന്നും മത്സരിക്കുന്നത്. 2004 ലും 2009 ലും അവർക്ക് വിജയം നേടാന് സാധിച്ചു. 2014 ല് എ എ എപിയുടെ ധരം വീര ഗാന്ധിയോട് പട്യാലയില് ആദ്യമായി പ്രണീത് ആദ്യമായി പരാജയപ്പെട്ടു. എന്നാല് 2019 ല് ഇതേ ധരം വീര ഗാന്ധിയെ പരാജയപ്പെടുത്തി പ്രണീത് കോണ്ഗ്രസിന് വേണ്ടി സീറ്റ് തിരിച്ച് പിടിച്ചു. 1.62 ലക്ഷത്തിനായിരുന്നു പ്രണീതിന്റെ വിജയം.
അമരീന്ദർ സിങ് കോണ്ഗ്രസിനോട് ഇടഞ്ഞത് മുതലാണ് പ്രണീതും പാർട്ടിയില് നിന്നും അകലുന്നത്. ബി ജെ പി സ്ഥാനാർത്ഥിയായി പ്രണീത് പട്യാലയില് നിന്നും ജനവിധി തേടുമ്പോള് എ എ പിയുടെ ബല്ബിർ സിങാണ് പ്രധാന എതിരാണ്. പ്രണീത് കോണ്ഗ്രസ് വിട്ട് ബി ജെ പിയില് എത്തിയപ്പോള് ധരം വീര ഗാന്ധി ഇതിനിടയില് എ എ പി വിട്ട് കോണ്ഗ്രസിലെത്തി. ഇദ്ദേഹത്തേയാണ് കോണ്ഗ്രസ് ഇത്തവണ സ്ഥാനാർത്ഥിയാക്കിയിരിക്കുന്നത്. ശിരോമണി അകാലിദളിന് വേണ്ടി നരീന്ദർ കുമാർ ശർമ്മയും മത്സര രംഗത്തുണ്ട്.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google