ഗുജറാത്ത് സർക്കാരിന് തിരിച്ചടി;ലവ് ജിഹാദ് നിരോധന നിയമത്തിലെ വ്യവസ്ഥകൾ നടപ്പാക്കാനില്ലെന്ന് ഹൈക്കോടതി

Updated: Thursday, August 19, 2021, 21:03 [IST]

അഹമ്മദാബാദ്; ഗുജറാത്ത് സർക്കാർ കൊണ്ടുവന്ന 'ലവ് ജിഹാദ്' നിയമത്തിലെ ചില വകുപ്പുകൾ റദ്ദ് ചെയ്ത് ഗുജറാത്ത് ഹൈക്കോടതി. നയമത്തിലെ ആറ് നിബന്ധനകൾ നടപ്പാകാനാവില്ലെന്ന് ഹൈക്കോടതി ഇടക്കാല ഉത്തരവിൽ വ്യക്തമാക്കി.ചീഫ് ജസ്റ്റിസ് വിക്രംനാഥ് ജസ്റ്റിസ് ബിരേണ്‍ വൈഷ്ണവ് എന്നിവരുടെ ബെഞ്ചിന്റേതാണ് ഉത്തരവ്.നിയമത്തിലെ വ്യവസ്ഥകള്‍ ബലപ്രയോഗത്തിലൂടെയോ വഞ്ചനാപരമായ മാര്‍ഗങ്ങങ്ങളിലൂടെയോ അല്ലാതെ നടക്കുന്ന മിശ്ര വിവാഹങ്ങള്‍ക്ക് ബാധകമാകില്ലെന്ന് കോടതി പറഞ്ഞു.

വ്യക്തികളുടെ തിരഞ്ഞെടുക്കാനുള്ള സ്വാതന്ത്ര്യവും മത സ്വാതന്ത്ര്യവും ലംഘിക്കുന്നതാണ് നിയമം എന്ന് ചൂണ്ടിക്കാട്ടി മുഹമ്മദ് ഈസ എം ഹക്കീം എന്നയാൾ നൽകിയ ഹർജിയിലാണ് കോടതി വിധി പുറപ്പെടുവിച്ചത്. നിയമത്തിലെ ആറ് നിബന്ധനങ്ങൾ നടപ്പാക്കാനാകില്ല. കാരണം രണ്ട് വ്യത്യസ്ത മത വിഭാഗങ്ങളിൽ പെട്ടവർക്ക് സ്വന്തം താത്പര്യ പ്രകാരം വിവാഹം ചെയ്താൽ അത്തരം വിവാഹങ്ങളെ നിയമവിരുദ്ധമായ മതപരിവർത്തനത്തിനായുള്ള വിവാഹങ്ങൾ എന്ന് വിളിക്കാൻ കഴിയില്ല,കോടതി വ്യക്തമാക്കി.

ഏപ്രിലിലായിരുന്നു ഫ്രീഡം ഓഫ് റിലീജ്യസ് ആക്ട് 2003 ഭേദഗതിബില്ല് ഗുജറാത്ത് നിയമസഭ പാസാക്കിത്. ബജറ്റ് സമ്മേളനത്തിലായിരുന്നു നിയമം പാസാക്കിയത്. തെറ്റിധരിപ്പും സമ്മർദ്ദം ചെലുത്തിയുമുള്ള മതം മാറ്റം തടയുമെന്നും പേരുമാറ്റി ഹിന്ദുപെൺകുട്ടികളെ വഞ്ചിക്കാൻ ശ്രമിക്കവർക്കെതിരെ കർശന ശിക്ഷ നടപ്പാക്കുമെന്നും പ്രഖ്യാപിച്ചായിരുന്നു സർക്കാർ നടപടി. വിവാഹത്തിന് വേണ്ടി മതപരിവർത്തനം നടത്തിയാൽ 3 വർഷം മുതൽ 10 വർഷനം വരെ കഠിന തടവും അഞ്ച് ലക്ഷം രൂപ പിഴയുമാണ് ശിക്ഷ.

യുപിയിലായിരുന്നു ആദ്യമായി ലവ് ജിഹാദ് നിയമം കൊണ്ടുവന്നത്. ബലമായോ ഭീഷണിപ്പെടുത്തിയോ നടത്തുന്ന മതപരിവര്‍ത്തനത്തിന് ഒന്ന് മുതല്‍ 5 വര്‍ഷം വരെ തടവും 15,000 രൂപ പിഴയും ചുമത്തുമെന്നതാണ് നിയമത്തിലെ വ്യവസ്ഥ. പട്ടികജാതി/ പട്ടികവര്‍ഗ്ഗ വിഭാഗത്തിലെ പെൺകുട്ടികളെയോ സ്ത്രീകളേയോ മതപരിവര്‍ത്തനം നടത്തിയാല്‍ 3 മുതല്‍ 10 വരെ തടവും 25,000 രൂപ പിഴയും ചുമത്താമെന്നും നിയമത്തിലെ വ്യവസ്ഥയിൽ പറയുന്നു.അതേസമയം യുപിക്ക് പിന്നാലെ പിന്നീട് മധ്യപ്രദേശ്, ഹരിയാന, കർണാടക തുടങ്ങിയ സംസ്ഥാനങ്ങളും സമാന നിയമം നടപ്പാക്കിയിരുന്നു.