• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഫാറൂഖ് അബ്ദുല്ലയ്‌ക്കെതിരെ 27 കുറ്റങ്ങള്‍; മൂന്ന് എഫ്‌ഐആര്‍, കശ്മീര്‍ നേതാവിന് ഉഗ്രന്‍ പൂട്ട്

ശ്രീനഗര്‍: കശ്മീര്‍ മുന്‍ മുഖ്യമന്ത്രിയും ശ്രീനഗര്‍ എംപിയുമായ ഫാറൂഖ് അബ്ദുല്ലയെ പൊതുസുരക്ഷാ നിയമം (പിഎസ്എ) ചുമത്തി അറസ്റ്റ് ചെയ്തതിന് പിന്നാലെ അദ്ദേഹത്തിനെതിരായ കുറ്റങ്ങള്‍ വിശദീകരിക്കുന്ന റിപ്പോര്‍ട്ട് കശ്മീര്‍ സര്‍ക്കാര്‍ തയ്യാറാക്കി. 21 പേജുള്ള റിപ്പോര്‍ട്ടില്‍ ഫാറൂഖ് അബ്ദുല്ല ചെയ്ത കുറ്റങ്ങള്‍ എടുത്തുപറയുന്നു.

27 കുറ്റങ്ങളാണ് അദ്ദേഹത്തിനെതിരെ ചുമത്തിയിരിക്കുന്നത്. 16 പോലീസ് റിപ്പോര്‍ട്ടുകള്‍ ഫാറൂഖ് അബ്ദുല്ലയ്‌ക്കെതിരെയുണ്ട്. കൂടാതെ മൂന്ന് എഫ്‌ഐആറുകളും. കശ്മീരിന് പ്രത്യേക അധികാരം നല്‍കിയിരുന്ന ആര്‍ട്ടിക്കിള്‍ 35എ അനുകൂലിച്ച് സംസാരിച്ചതും കുറ്റകരമായ രേഖകളില്‍ ഉള്‍പ്പെടുത്തിയാണ് പുതിയ റിപ്പോര്‍ട്ട് തയ്യാറാക്കിയിരിക്കുന്നത്.

ആധാറിന് പുറമെ പുതിയ കാര്‍ഡ്; നിര്‍ദേശവുമായി അമിത് ഷാ, ജനസംഖ്യാ കണക്കെടുപ്പ് ആപ്പ് വഴി

മൂന്ന് തവണ കശ്മീര്‍ മുഖ്യമന്ത്രിയായിരുന്ന ഫാറൂഖ് അബ്ദുല്ല ഓഗസ്റ്റ് അഞ്ച് മുതല്‍ വീട്ടുതടങ്കലിലാണ്. ഈ മാസം 14നാണ് അദ്ദേഹത്തിനെതിരെ പിഎസ്എ ചുമത്തിയത്. ഗുപ്കാര്‍ റോഡിലെ അദ്ദേഹത്തിന്റെ വസതിയിലാണ് താമസിപ്പിച്ചിരിക്കുന്നത്. വീട് താല്‍ക്കാലിക ജയിലാക്കി മാറ്റിയിരിക്കുകയാണ് അധികൃതര്‍. 82കാരനായ ഫാറൂഖ് അബ്ദുല്ലയുടെ പ്രായം കണക്കിലെടുത്താണ് വീട്ടില്‍ തന്നെ താമസിപ്പിച്ചിരിക്കുന്നത്.

ശ്രീനഗര്‍ ജില്ലയിലും താഴ്‌വരയിലുമായി പ്രശ്‌നങ്ങളുണ്ടാക്കാന്‍ ഇദ്ദേഹം ശ്രമിച്ചുവെന്നാണ് ആരോപണം. കേന്ദ്രസര്‍ക്കാരിനെതിരായ വികാരം സൃഷ്ടിക്കാന്‍ ശ്രമിച്ചു. രാജ്യത്തിന്റെ ഐക്യം തകര്‍ക്കാന്‍ ശ്രമിച്ചുവെന്നും പുതിയ റിപ്പോര്‍ട്ടില്‍ പറയുന്നു. 2016 ഡിസംബറില്‍ ഫാറൂഖ് അബ്ദുല്ല നസീംബാഗ് ഹസ്രത്ബാലില്‍ നടത്തിയ പ്രസംഗവും അദ്ദേഹത്തിനെതിരെ പിഎസ്എ ചുമത്താന്‍ കാരണമായിട്ടുണ്ട്. കശ്മീര്‍ വിഘടനവാദികളുടെ കൂട്ടായ്മയായ ഹുറിയത്ത് കോണ്‍ഫറന്‍സിനോട് തന്റെ പാര്‍ട്ടിയില്‍ ചേരാനും കശ്മീരിന് വേണ്ടി നിലകൊള്ളാനും ആവശ്യപ്പെടുന്നതാണ് പ്രസംഗം.

ഹൗഡി മോദിയില്‍ മോദി പ്ലിങ്!! ഹൂസ്റ്റണ്‍ പ്രസംഗ വേദിയില്‍ നിറഞ്ഞത് നെഹ്‌റുവും ഗാന്ധിയും

തീവ്രവാദത്തെ പ്രോല്‍സാഹിപ്പിച്ചുവെന്നും അദ്ദേഹത്തിനെതിരെ ആരോപണമുണ്ട്. കഴിഞ്ഞ ജൂലൈയില്‍ അദ്ദേഹം നടത്തിയ പ്രസംഗമാണ് ഇതിന് കാരണമായി ചൂണ്ടിക്കാട്ടുന്നത്. ആര്‍ട്ടിക്കിള്‍ 370 താല്‍ക്കാലികമായിരുന്നുവെങ്കില്‍ ജമ്മു കശ്മീരിന്റെ ഇന്ത്യയുമായുള്ള ബന്ധവും താല്‍ക്കാലികമായിരുന്നുവെന്നാണ് ഫാറൂഖ് അബ്ദുല്ല അന്ന് പ്രസംഗിച്ചത്.

English summary
PSA against Farooq Abdullah: J&K dossier has 27 charges, 3 FIRs
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more