• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഇന്‍ഫോസിസ് മലയാളി ടെക്കിയുടെ കൊലപാതകം; പ്രതി ആത്മഹത്യയ്ക്ക് ശ്രമിച്ചു

  • By Anwar Sadath

പൂനെ: ഇന്‍ഫോസിസിലെ മലയാളി ടെക്കി കോഴിക്കോട് സ്വദേശിയായ രസീല രാജുവിനെ കൊലപ്പെടുത്തിയ കേസില്‍ അറസ്റ്റിലായ സെക്യൂരിറ്റി ജീവനക്കാരന്‍ ഭാബെന്‍ സൈക്കിയ ആത്മഹത്യയ്ക്ക് ശ്രമിച്ചു. രസീലയെ കൊലപ്പെടുത്തിയശേഷമായിരുന്നു ആത്മഹത്യാ ശ്രമം. പിന്നീട് ഇതില്‍ നിന്ന് പിന്മാറുകയായിരുന്നെന്ന് ഇയാള്‍ പോലീസിന് മൊഴി നല്‍കി.

എന്നാല്‍, സൈക്കിയയുടെ മൊഴി പോലീസ് തള്ളിക്കളഞ്ഞു. ഇത് സഹതാപം പിടിച്ചുപറ്റാനുള്ള പ്രതിയുടെ തന്ത്രമാണെന്നാണ് പോലീസ് വിലയിരുത്തല്‍. കൊലപാതകം മുന്‍കൂട്ടി തീരുമാനിച്ചതല്ലെന്നു കാണിക്കാനായിരുന്നു പ്രതിയുടെ ശ്രമം. ഇതിലൂടെ ശിക്ഷ ഇളവു ലഭിക്കാനായിട്ടാകണം പ്രതിയുടെ മൊഴിയെന്ന് പോലീസ് വിലയിരുത്തി.

രസീലയെ കൊലപ്പെടുത്തിയശേഷം കമ്പനിയൂടെ റൂഫിന് മുകളില്‍ കയറി ചാടാനായിരുന്നു ശ്രമം. എന്നാല്‍, താഴെ ഒരു സെക്യൂരിറ്റി ജീവനക്കാരനെ കണ്ടതോടെ മനസുമാറ്റി മുറിയിലേക്ക് പോവുകയായിരുന്നെന്നാണ് ഇയാള്‍ പോലീസിനോട് പറഞ്ഞത്. താമസസ്ഥലത്തുനിന്നും സ്വദേശമായ അസമിലേക്ക് പോകാനായി റെയില്‍വേ സ്‌റ്റേഷനിലേക്ക് തിരിക്കുകയുമായിരുന്നു സൈക്കിയ. ഇവിടെവെച്ചാണ് ഇയാള്‍ പോലീസ് പിടിയിലാകുന്നത്.

സംഭവത്തെക്കുറിച്ച് നാട്ടില്‍ അമ്മയെ ഫോണില്‍ അറിയിച്ചിരുന്നതായും സൈക്കിയ പറഞ്ഞു. അമ്മ പോലീസില്‍ കീഴടങ്ങാനാണ് നിര്‍ദ്ദേശിച്ചത്. അതേസമയം, സൈക്കിയയുടെ ഇത്തരം മൊഴികളൊന്നും തങ്ങള്‍ മുഖവിലയ്‌ക്കെടുക്കില്ലെന്ന് പോലീസ് പറഞ്ഞു. കൊലപാതകത്തില്‍ അയാള്‍ക്കെതിരെ വ്യക്തമായ തെളിവുകള്‍ ലഭിച്ചിട്ടുണ്ട്. ആ തെളിവുകളുമായി മുന്നോട്ടു പോകുമെന്നും പോലീസ് ഉദ്യോഗസ്ഥര്‍ വ്യക്തമാക്കി.

English summary
Pune Infosys techie murder: Guard tried to commit suicide, police say sympathy ploy
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more