Click it and Unblock the Notifications
Just In
Don't Miss
-
IPL 2024: സഞ്ജുവിനോട് കളി നടക്കില്ല, ശശാങ്കിനെ പൂട്ടിയത് ഇങ്ങനെ; കിടിലന് ക്യാപ്റ്റന്സി -
'അമ്മയെ എങ്ങനെ കൺവിൻസ് ചെയ്യിപ്പിച്ചു?, ഇതെങ്ങനെ നിനക്ക് സാധിച്ചു?'; പേളിയുടെ വീഡിയോ കണ്ട് അമ്പരന്ന് അമല പോൾ! -
സൂക്ഷിച്ചോളൂ, ദിവസവും കണ്മഷി ഇട്ടാല് കണ്ണിന് ഈ പ്രശ്നങ്ങളൊക്കെ വരാം -
ജിംനിയുടെ ശവപ്പെട്ടിയില് അവസാന ആണിയടിക്കാന് ഥാര് 5 ഡോര്! ആവേശമായി പുതിയ സ്പൈ ചിത്രങ്ങള് -
എന്താണ് എമർജൻസി ഫണ്ട്? എങ്ങനെയൊക്കെ പ്രയോജനപ്പെടുത്താം? -
വിദേശ യാത്ര പിന്നെയും എളുപ്പമായി... ഡയറക്ട് ഫ്ലൈറ്റ് ഈ നഗരങ്ങളിലേക്കും.. ബക്കറ്റ് ലിസ്റ്റിലെ ഇടങ്ങൾ കാണാനിറങ്ങ -
ഇന്നാ പിടിച്ചോ അടുത്ത ഓഫർ; ഗാലക്സി ടാബ് എസ്9 എഫ്ഇ സീരീസിന് 8000 രൂപ ഡിസ്കൗണ്ടുമായി സാംസങ്
സിന്ധുവിനും സാക്ഷിയ്ക്കും ദിപയ്ക്കും ഖേല്‍രത്‌ന, ടിന്റുവും ദീപികയും പുറത്ത് ..
ദില്ലി: റിയോ ഒളിംപിക്‌സില്‍ ഇന്ത്യയുടെ അഭിമാനമായി മാറിയ പിവി സിന്ധു, സാക്ഷി മാലിക്,ദിപ കര്‍മ്മാകര്‍ , ഷൂട്ടിങ് താരം ജിത്തു റായ് എന്നിവര്‍ക്ക് ഖേല്‍രത്‌ന പുരസ്‌കാരം. ഖേല്‍രത്‌ന സാധ്യതപട്ടികയിലുള്‍പ്പെട്ടിരുന്ന മലയാളി കായികതാരങ്ങളായ ടിന്റു ലൂക്കയും (അത്‌ലറ്റ്) സ്‌ക്വാഷ് താരം ദീപിക പളളിക്കലിനും പുരസ്‌കാരം ലഭിച്ചില്ല.
വനിതാ ഗുസ്തിയില്‍ വെങ്കലമെഡല്‍ നേടി സാക്ഷി റിയോയില്‍ ഇന്ത്യയ്ക്ക് ആദ്യമെഡല്‍ നേടിക്കൊടുത്തിരുന്നു. ബാഡ്മിന്റണ്‍ വനിതാ സിംഗിള്‍സില്‍ വെള്ളി നേടിയാണ് പി.വി സിന്ധു രാജ്യത്തിന്റെ അഭിമാനമായത്. ജിംനാസ്റ്റിക്‌സില്‍ ഇന്ത്യയെ പ്രതിനീധീകരിച്ച് ദിപയും റിയോ ഒളിമ്പിക്‌സില്‍ 10 മീറ്റര്‍ എയര്‍ പിസ്റ്റളില്‍ ഫൈനലിലെത്തിയ ജീത്തുവും മികച്ച പ്രകടനം കാഴ്ച്ചവച്ചിരുന്നു.
ക്രിക്കറ്റ് താരം അജിങ്ക്യരഹാനെ ,ബോക്‌സിങ് താരം ശിവ ഥാപ്പ, ഷൂട്ടിങ് താരം അപൂര്‍വ്വി ചന്ദേല, സൗമ്യജിത്ത് ഘോഷ് (ടേബിള്‍ ടെന്നിസ്), വിആര്‍ രഘുനാഥ്(ഹോക്കി), സുബ്രതാ പൗള്‍ (ഫുട്ബാള്‍), റാണി (ഹോക്കി) തുടങ്ങിയവരുള്‍പ്പെടെ 15പേര്‍ അര്‍ജ്ജുന അവാര്‍ഡിനര്‍ഹരായി.
കായിക രംഗത്തെ സംഭാവനകള്‍ കണക്കിലെടുത്ത് നല്‍കുന്ന രാജ്യത്തെ ഏറ്റവും വലിയ പുരസ്‌കാരമാണിത്. ദേശീയ കായിക ദിനമായ ആഗസ്ത് 29 നു രാഷ്ട്രപതി പ്രണബ് മുഖര്‍ജി അവാര്‍ഡ് സമ്മാനിക്കും. കഴിഞ്ഞ വര്‍ഷം ടെന്നിസ് താരം സാനിയ മിര്‍സയ്ക്ക് ഖേല്‍രത്‌ന പുരസ്‌കാരം ലഭിച്ചിരുന്നു. ഖേല്‍ രത്നയ്ക്ക് ഏഴരലക്ഷവും അര്‍ജ്ജുന അവാര്‍ഡിന് അഞ്ച് ലക്ഷം രൂപയുമാണ് പുരസ്കാരതുക.
