Click it and Unblock the Notifications
Just In
Don't Miss
-
IPL 2024: സഞ്ജു റിസ്കെടുക്കണം! അശ്വിന് ടീമില് വേണ്ട, ഈ കാരണങ്ങള്, പകരം ഈ താരം -
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
സ്ത്രീധന പീഡനക്കേസില്‍ രാധേ മായെ പ്രതിയാക്കിയില്ല
മുംബൈ: സ്ത്രീധന പീഡനക്കേസുമായി ബന്ധപ്പെട്ട് ചോദ്യം ചെയ്യപ്പെട്ട ആള്‍ദൈവം രാധേ മായെ കേസില്‍ പ്രതിയാക്കിയില്ല. കണ്ടിവാലി പോലീസ് പ്രാദേശിക കോടതിയില്‍ സമര്‍പ്പിച്ച കുറ്റപത്രത്തില്‍ രാധേ മായുടെ പേരില്ലെന്ന് പോലീസ് ഉദ്യോഗസ്ഥനായ സുഖ്‌വിന്ദര്‍ കൗര്‍ അറിയിച്ചു. കഴിഞ്ഞവര്‍ഷമാണ് രാധേ മായെ പോലീസ് ചോദ്യം ചെയ്തത്.
രാധേ മായെ ചോദ്യം ചെയ്‌തെങ്കിലും കാര്യമായ തെളിവുകള്‍ അവര്‍ക്കെതിരെ കണ്ടെത്താന്‍ കഴിഞ്ഞിട്ടില്ലെന്ന് പോലീസ് പറയുന്നു. അതുകൊണ്ടുതന്നെ അവരെ പ്രതി ചേര്‍ത്തിട്ടില്ല. ആറു പേരാണ് കേസില്‍ പ്രതികളായിട്ടുള്ളത്. പരാതിക്കാരിയുടെ ഭര്‍ത്താവിനെ കൂടാതെ ഭര്‍ത്താവിന്റെ ബന്ധുക്കളും കേസില്‍ പ്രതികളാണ്.
മുപ്പത്തിരണ്ടുകാരിയായ സ്ത്രീയാണ് കഴിഞ്ഞിവര്‍ഷം രാധേ മാ ഉള്‍പ്പെടെയുള്ളവര്‍ക്കെതിരെ പോലീസില്‍ പരാതി നല്‍കിയത്. ആള്‍ ദൈവം രാധേ മായുടെ നിര്‍ദ്ദേശ പ്രകാരം തന്നെ സ്ത്രീധനത്തിന്റെ പേരില്‍ ഗാര്‍ഹിക പീഡനത്തിന് ഇരയാക്കിയെന്നാണ് പരാതി. രാധേ മായുടെ ഭക്തരാണ് പരാതിക്കാരിയുടെ ഭര്‍തൃകുടുംബം.
പിന്നീട് രാധേ മായെ പോലീസ് കസ്റ്റഡിയിലെടുത്ത് ചോദ്യം ചെയ്തിരുന്നു. എന്നാല്‍, സ്ത്രീയുടെ ആരോപണമെല്ലാം അവര്‍ നിഷേധിച്ചു. പിന്നീടവര്‍ക്ക് ഹൈക്കോടതിയില്‍ നിന്നും മുന്‍കൂര്‍ ജാമ്യവും ലഭിച്ചു. രാധേമായ്‌ക്കെതിരായ സ്ത്രീധന പീഡന പരാതിക്ക് പിന്നാലെ പല ആരോപണങ്ങളും അവര്‍ക്കെതിരെ ഉയര്‍ന്നിരുന്നു.
