കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഗ്ലാമര്‍ ദെെവത്തിനെതിരെ ഭക്തന്‍, രാധേ മാ തന്നെ വശീകരിക്കാന്‍ ശ്രമിച്ചെന്ന്...

  • By നിള
Google Oneindia Malayalam News

ദില്ലി: ഭക്തിയും അന്ധവിശ്വാസവും ഇന്ത്യയില്‍ ഏറ്റവും വലിയ വില്‍പനച്ചരക്കാണ്. അതുകൊണ്ടു തന്നെയാണ് സ്വയം പ്രഖ്യാപിത ആള്‍ദൈവങ്ങള്‍ പലരും ഇവിടെ അരങ്ങു വാഴുന്നതും. ആരൊക്കെ അഴിക്കുള്ളിലായാലും ആള്‍ദൈവങ്ങളുടെ കാലു വണങ്ങാനും സിംഹാസനത്തില്‍ വാഴിക്കാനും ആളുകള്‍ പിന്നെയുമുണ്ടാകും.

കുറച്ചു കാലങ്ങളായി വിവരമൊന്നും ഇല്ലാതിരുന്ന വിവാദ ആള്‍ദൈവം രാധേ മാ വീണ്ടും വാര്‍ത്തകളിലിടം നേടുകയാണ്. രാധേ മായുടെ ഭക്തനായിരുന്ന സുരേന്ദര്‍ മിത്തലാണ് ഇപ്പോള്‍ ഈ ഗ്ലാമര്‍ ആള്‍ദൈവത്തിനെതിരെ പരാതിയുമായി രംഗത്തു വന്നിരിക്കുന്നത്. രാധേ മാ തന്നെ വശീകരിക്കാന്‍ ശ്രമിച്ചെന്നും എതിര്‍ത്തപ്പോള്‍ ശപിച്ചെന്നുമാണ് പരാതി.

എതിര്‍ത്തു, ശപിച്ചു

എതിര്‍ത്തു, ശപിച്ചു

രാധേ മാ തന്നെ വശീകരിക്കാന്‍ ശ്രമിച്ചെന്നും എതിര്‍ത്തപ്പോള്‍ ശപിച്ചെന്നുമാണ് വിശ്വഹിന്ദു പരിഷത് പ്രവര്‍ത്തകന്‍ കൂടിയായ സുരേന്ദര്‍ മിത്തല്‍ പറയുന്നത്. ഇത് രണ്ടു വര്‍ഷം മുന്‍പ് താന്‍ പറഞ്ഞിരുന്നുവെന്നും അന്ന് മാധ്യമങ്ങളില്‍ അത് വലിയ വാര്‍ത്തയായിരുന്നുവെന്നും സുരേന്ദര്‍ പറയുന്നു.

ശിക്ഷിക്കണം

ശിക്ഷിക്കണം

സുരേന്ദര്‍ മിത്തലിന്റെ അഭിഭാഷകന്‍ രാധേ മായ്‌ക്കെതിരെ നോട്ടീസ് അയച്ചിട്ടുണ്ട്. രാധേ മാക്കെതിരെ ഉടന്‍ നടപടി വേണമെന്നും സുരേന്ദര്‍ പറയുന്നു. ഇങ്ങെ മുഖം മൂടിയണിഞ്ഞ ആള്‍ദൈവങ്ങളുടെ തനിസ്വരൂപം പുറത്തു വരണമെന്നും സുരേന്ദര്‍ വ്യക്തമാക്കി. സുരേന്ദറിന്റെ പരാതിയുടെ അടിസ്ഥാനത്തില്‍ എന്തുകൊണ്ട് കേസ് എടുത്തില്ല എന്ന് കപൂര്‍ത്തല ജില്ലാ കോടതിയോട് ഹരിയാന ഹൈക്കോടതി ആരാഞ്ഞിരുന്നു.

രാധേ മാ

രാധേ മാ

പീഡനക്കേസുകള്‍ അടക്കം പോലീസ് കേസുകളും ഇഷ്ടം പോലെയുള്ള ആള്‍ദൈവമാണ് രാധേ മാ. രാഹുല്‍ മഹാജന്‍ ട്വിറ്ററിലൂടെ രാധേ മായുടെ പല ചിത്രങ്ങളും പുറത്തുവിട്ടതോടെ ഇവരെക്കുറിച്ചുള്ള പല അറിയാക്കഥകളും പുറത്തു വന്നു.

ഗ്ലാമര്‍ താരം

ഗ്ലാമര്‍ താരം

മേക്കപ്പ് വാരി പൂശിയാണ് രാധേ മായുടെ നടത്തം. ചുണ്ടില്‍ കടുംനിറമുള്ള ലിപ്സ്റ്റിക്, മിന്നുന്ന കടും നിറമുള്ള വസ്ത്രങ്ങള്‍ ഇവയെല്ലാമണിഞ്ഞാണ് രാധേ മാ പ്രത്യക്ഷപ്പെടുക. സണ്ണി ലിയോണിനൊപ്പം ഐറ്റം ഡാന്‍സിന് ചുവടു വെച്ചും രാധേ മാ വാര്‍ത്തകളിലിടം നേടിയിരുന്നു.

ദുര്‍ഗാദേവിയുടെ അവതാരം

ദുര്‍ഗാദേവിയുടെ അവതാരം

ദുര്‍ഗാദേവിയുടെ അവതാരമായിട്ടാണ് രാധേ മായേ ഭക്തര്‍ കാണുന്നത്. ബോളിവുഡ് താരങ്ങളടക്കം രാധേ മായുടെ ഭക്തരുടെ ലിസ്റ്റില്‍ ആയിരങ്ങളുണ്ട്.

English summary
Radhe Maa tried to seduce me, kept saying 'I love you' before cursing
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X