രാജ്യം കോവിഡ് പ്രതിസന്ധിയിൽ, കേന്ദ്രം പോരാടുന്നത് ട്വിറ്ററിന്റെ ബ്ലൂ ടിക്കിനുവേണ്ടി: രാഹുൽ ഗാന്ധി
മോദി സർക്കാർ ബ്ലൂ ടിക്കിനായുള്ള പോരാട്ടത്തിലായതിനാൽ വാക്സിൻ ആവശ്യമുള്ളവർ സ്വയം പര്യപ്തരാവേണ്ടി വരുമെന്നും രാഹുൽ
ന്യൂഡൽഹി: ട്വിറ്ററിനെതിരായ പ്രതിഷേധങ്ങളിൽ കേന്ദ്ര സർക്കാരിനെ വിമർശിച്ച് കോൺഗ്രസ് നേതാവ് രാഹുൽ ഗാന്ധി. രാജ്യത്ത് കോവിഡ് വാക്സിൻ ക്ഷാമത്തിനിടയിലും കേന്ദ്ര സർക്കാർ പോരാടുന്നത് ട്വിറ്ററിന്റെ ബ്ലൂ ടിക്കിനുവേണ്ടിയാണെന്ന് രാഹുൽ ഗാന്ധി ട്വിറ്ററിൽ കുറിച്ചു. മോദി സർക്കാർ ബ്ലൂ ടിക്കിനായുള്ള പോരാട്ടത്തിലായതിനാൽ വാക്സിൻ ആവശ്യമുള്ളവർ സ്വയം പര്യപ്തരാവേണ്ടി വരുമെന്നും രാഹുൽ പറഞ്ഞു.
ഉപരാഷ്ട്രപതി വെങ്കയ്യ നായിഡുവിന്റെയും ആർഎസ്എസ് അധ്യക്ഷൻ മോഹൻ ഭാഗവതിന്റെയും ട്വിറ്റർ ഹാൻഡിലുകളിലെ ബ്ലൂടിക്ക് വെരിഫിക്കേഷൻ ഒഴിവാക്കിയത് വിവാദമായിരുന്നു. ട്വിറ്റർ അടക്കമുലൃള്ള സമൂഹമാധ്യമങ്ങളിൽ ട്വിറ്ററിനെതിരെ വിമർശനവുമായി രംഗത്തെത്തി. ഒരു വ്യക്തിയുടെയോ സ്ഥാപനത്തിെൻറയോ അക്കൗണ്ട് ആധികാരികമാണെന്ന് സൂചിപ്പിക്കുന്നതിനാണ് ട്വിറ്റർ നീല വെരിഫിക്കേഷൻ ബാഡ്ജ് നൽകുന്നത്.
എന്നാൽ ജനുവരി 22 ന് നിലവിൽ വന്ന ട്വിറ്ററിന്റെ പുതിയ വെരിഫിക്കേഷൻ പോളിസി അനുസരിച്ച് ആറ് മാസത്തിൽ കൂടുതൽ ഉപയോഗിക്കാതിരുന്നാലോ, അക്കൗണ്ടിൽ നൽകിയിരിക്കുന്ന വിവരങ്ങൾ അപൂർണമാണെങ്കിലോ ആ അക്കൗണ്ടിന്റെ വേരിഫിക്കേഷൻ നഷ്ടമാവുകയും ബ്ലൂടിക്ക് അപ്രത്യക്ഷമാവുകയും ചെയ്യും.വെങ്കയ്യ നായിഡുവിന്റെയും മോഹൻ ഭാഗവതിന്റെയും ട്വിറ്റർ ഹാൻഡിലുകൾക്ക് സംഭവിച്ചതും അത് തന്നെയാണ്.
ഗ്ലാമറസ് ലുക്കിൽ സാക്ഷി ദ്വിവേദി; പുതിയ ചിത്രങ്ങൾ ഏറ്റെടുത്ത് സോഷ്യൽ മീഡിയ
Recommended Video