Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കുടുംബത്തിലെ 'ബോസ്' മുത്തശ്ശിയായിരുന്നു: രാഹുല്‍
ഭോപ്പാല്‍: സ്ത്രീ ശാക്തീകരണമില്ലാതെ ഇന്ത്യയ്ക്ക് വന്‍ ശക്തിയാകാന്‍ കഴിയില്ലെന്ന് കോണ്‍ഗ്രസ് വൈസ് പ്രസിഡന്റ് രാഹുല്‍ ഗാന്ധി. ഒരു കുടുംബത്തില്‍ നിന്നാണ് സ്ത്രീ ശാക്തീകരണം ആരംഭിക്കേണ്ടത്. തന്റെ കുടംബത്തിന്റെ മേലധികാരി ദാദി(മുത്തശ്ശി) ഇന്ദിരാഗാന്ധിയായിരുന്നെന്ന് രാഹുല്‍ പറഞ്ഞു. രാജ്യത്തിന്റെ വിവിധ ഭാഗങ്ങളിലായി നിന്നുള്ള 250 വനിതകളോടുള്ള സംവാദത്തനിടെയാണ് രാഹുല്‍ ഇക്കാര്യം പറഞ്ഞത്.
തന്റെ കുടുംബത്തില്‍ പപ്പ(രാജീവ് ഗാന്ധി)യെക്കാളും അങ്കിളിനെക്കാളും(സഞ്ജയ് ഗാന്ധി) മേലധികാരം മുത്തശ്ശിക്കായിരുന്നു. അടക്കിപിടിച്ച ഒരു ചിരിയോടു കൂടിയാണ് രാഹുല്‍ ഇക്കാര്യം പറഞ്ഞത്. വനിതാ ശാക്തീകരണം എന്നത് ഒരു വലിയ യുദ്ധമാണ്. രാജ്യത്ത് അമ്പത് ശതമാനം വരുന്ന സ്ത്രീകളില്‍ ശാക്തീകരണമില്ലാതെ ഇന്ത്യയ്ക്ക് ഒരു വന്‍ ശക്തിയാകാന്‍ കഴിയില്ല- രാഹുല്‍ ഗാന്ധി പറഞ്ഞു.
നിയമനിര്‍മാണ സഭകളില്‍ 33 ശതമാനം വനിതാ സംവരണം മാത്രമല്ല വനിതാ സംവരണ ബില്‍ ലക്ഷ്യമിടുന്നതെന്നും അടുത്ത അഞ്ച്- പത്ത് വര്‍ഷത്തിനുള്ളില്‍ പകുതിയോളം കോണ്‍ഗ്രസ് മന്ത്രിമാര്‍ വനിതകളായിരിക്കുമെന്നു രാഹുല്‍ വ്യക്തമാക്കി. ലോക്‌സഭാ തിരഞ്ഞെടുപ്പ് പ്രകടന പത്രിക തയ്യാറാക്കുന്നതിന് നേരിട്ട് വിവരങ്ങള്‍ ശേഖരിക്കുന്നതിന് വേണ്ടിയാണ് സംവാദം നടത്തിയത്.
നേരത്തെ എഐസിസി യോഗത്തില്‍ പ്രസംഗിക്കവെ കോണ്‍ഗ്രസ് ഭരിക്കുന്ന പകുതി സംസ്ഥാനങ്ങളിലും വനിതാ മുഖ്യമന്ത്രിമാരെ നിര്‍ത്തുമെന്ന് രാഹുല്‍ പറഞ്ഞിരുന്നു. യുവാക്കളെ പോലെ തന്നെ കൂടുതല്‍ സ്ത്രീകളും മുഖ്യധാരാ രാഷ്ട്രയീത്തിലേക്ക് കടന്നവരണം. യുവാക്കള്‍ക്കും സ്ത്രീകള്‍ക്കും ഒരുപോലെ പ്രാധാന്യം നല്‍കുന്നതിന് കോണ്‍ഗ്രസിന് കഴിയുമെന്നും അദ്ദേഹം പറഞ്ഞു.
