സ്നേഹസമ്മാനം; കെ സി വേണുഗോപാലിന് ഇന്നോവ ക്രിസ്റ്റ സമ്മാനിച്ച് രാഹുൽ ഗാന്ധി
ന്യൂഡൽഹി: കോൺഗ്രസിന്റെ സംഘടന ചുമതലയുള്ള ജനറൽ സെക്രട്ടറിയും ആലപ്പുഴ എം പിയുമായ കെ സി വേണുഗോപാലിന് കാർ സമ്മാനിച്ച് രാഹുൽ ഗാന്ധി. താൻ ഉപയോഗിച്ചിരുന്ന ടാെയോട്ട ഇന്നോവ ക്രിസ്റ്റ കാറാണ് കെ സിക്ക് രാഹുൽ ഗാന്ധി നൽകിയത്. ഈ കാറിലാണ് കെ സി വേണുഗോപാൽ ലോക് സഭാ സമ്മേളനത്തിന്റെ ആദ്യം ദിവസം എത്തിയത്.
നേരത്തെ ടൊയോട്ടയുടെ എത്തിയോസ് കാറാണ് കെ സി വേണുഗോപാൽ ഉപയോഗിച്ചിരുന്നത്. അതേ സമയം പാർട്ടി നടത്തിയ ക്രമീകരണം മാത്രമാണ് ഇതെന്നാണ് കെ സി വേണുഗോപാൽ പറഞ്ഞത്. പാർട്ടി ആവശ്യങ്ങൾക്കായി മാത്രമെ ഈ കാർ താൻ ഉപയോഗിക്കുകയുള്ളൂ എന്നാണ് കെ സി പറഞ്ഞത്. മാതൃഭൂമിയോടായിരുന്നു പ്രതികരണം.
' ഇത് എ ഐ സി സി തന്ന കാറാണ്. രാഹുൽ ഗാന്ധിയുടെ കാർ ഞങ്ങൾ മാറ്റി. രാഹുൽ ഉപയോഗിച്ച കാർ എ ഐ സി സിക്ക് വിട്ടുതന്നു. അത് ഞാൻ പാർട്ടിയുടെ ആവശ്യത്തിന് വേണ്ടി ഉപയോഗിക്കുന്നു. പാർട്ടിയുടെ കാറാണ്, കെ സി വേണുഗോപാൽ പറഞ്ഞു. കെ സി വേണുഗോപാലും രാഹുലും അടുത്ത സുഹൃത്തുക്കൾ കൂടിയാണ്.
അതേ സമയം 18ാം ലോക് സഭയുടെ സമ്മേളനം നടക്കുകയാണ്. പ്രധാനമന്ത്രി മോദി ഉൾപ്പെടെ ഉള്ള അംഗങ്ങൾ സത്യപ്രതിജ്ഞ ചെയതു. പ്രപധാനമന്ത്രി മോദിയാണ് ആദ്യം സത്യപ്രതിജ്ഞ ചെയ്തത്. ലോക് സഭയിൽ എം പിമാരുടെ സത്യപ്രതിജ്ഞ പുരോഗമിക്കുകയാണ്. കേരളത്തിൽ നിന്നുള്ള എം പിയും കേന്ദ്ര മന്ത്രിയുമായ സുരേഷ് ഗോപി സത്യപ്രതിജ്ഞ ചെയ്തു. കേരളത്തിൽ നിന്നുള്ള മറ്റ് എം പിമാരുടെ സത്യപ്രതിജ്ഞ വൈകുന്നേരം നാല് മണിയോടെയാകും നടക്കുക.
Click it and Unblock the Notifications
Sign in with Google