'രാഹുൽ ഗാന്ധി രാജ്യത്തെ പ്രതീക്ഷയുടെ കിരണം', പ്രശംസിച്ച് പിഡിപി നേതാവ് മെഹ്ബൂബ മുഫ്തി
പ്രിയങ്കാ ഗാന്ധിയും കോണ്ഗ്രസ് അധ്യക്ഷന് മല്ലികാര്ജ്ജുന് ഖാര്ഗെയും രാഹുലിനൊപ്പമുണ്ടായിരുന്നു.
ശ്രീനഗര്: ഭാരത് ജോഡോ യാത്രയ്ക്കിടെ കോണ്ഗ്രസ് നേതാവ് രാഹുല് ഗാന്ധിയെ പ്രശംസിച്ച് പിഡിപി നേതാവ് മെഹ്ബൂബ മുഫ്തി. ഒരു പ്രതീക്ഷയുടെ കിരണം രാഹുല് ഗാന്ധിയില് രാജ്യം കാണുന്നുണ്ടെന്ന് മെഹ്ബൂബ മുഫ്തി പറഞ്ഞു. രാഹുല്, നിങ്ങള് പറഞ്ഞു, കശ്മീരിലേക്ക്, നിങ്ങളുടെ വീട്ടിലേക്കാണ് വന്നത് എന്ന്. ഇത് നിങ്ങളുടെ വീട് തന്നെയാണ്. ഗോഡ്സെയുടെ പ്രത്യയശാസ്ത്രം പിന്തുടരുന്ന ആളുകള് ജമ്മു ആന്ഡ് കശ്മീരില് നിന്നും ഈ രാജ്യത്ത് നിന്നും തട്ടിയെടുത്തവ തിരിച്ച് പിടിക്കുമെന്നാണ് പ്രതീക്ഷ. ഗാന്ധിജി പറഞ്ഞത് അദ്ദേഹത്തിന് ജമ്മു ആന്ഡ് കശ്മീരില് പ്രതീക്ഷയുടെ കിരണം കാണാന് സാധിക്കുന്നുണ്ട് എന്നാണ്. ഇന്ന് രാജ്യത്തിന് പ്രതീക്ഷയുടെ കിരണം രാഹുല് ഗാന്ധിയില് കാണാന് സാധിക്കുന്നു, മെഹ്ബൂബ മുഫ്തി പറഞ്ഞു.
ഭാരത് ജോഡോ യാത്രയ്ക്ക് ശേഷം രാഹുല് ഗാന്ധി മറ്റൊരു യാത്ര കൂടി തുടങ്ങണമെന്ന് ജമ്മു കശ്മീര് മുന് മുഖ്യമന്ത്രിയും നാഷണല് കോണ്ഫറന്സ് നേതാവുമായ ഒമര് അബ്ദുളള ആവശ്യപ്പെട്ടു. രാജ്യത്തിന്റെ പടിഞ്ഞാറന് ഭാഗത്ത് നിന്നും കിഴക്കന് സംസ്ഥാനങ്ങളിലേക്ക് വേണം രാഹുല് ഗാന്ധിയുടെ അടുത്ത യാത്രയെന്ന് ഒമര് അബ്ദുളള പറഞ്ഞു.
ഭാരത് ജോഡോ യാത്രയുടെ ഈ അവസാന നിമിഷത്തിന്റെ തന്റെ പേരിലും അച്ഛന്റെ പേരിലും തന്റെ പാര്ട്ടിയുടെ പേരിലും രാഹുല് ഗാന്ധിയെ അഭിനന്ദിക്കുന്നു. ഈ യാത്ര ഒരു വിജയമായിരുന്നു. ഈ രാജ്യത്തുളളത് ബിജെപിയെ ഇഷ്ടപ്പെടുന്ന ആളുകള് മാത്രമല്ല, സാഹോദര്യം ഇഷ്ടപ്പെടുന്ന ആളുകള് കൂടിയുണ്ട് എന്ന് ഭാരത് ജോഡോ യാത്ര കാണിച്ച് തന്നു. ഇനി രാഹുല് പടിഞ്ഞാറ് നിന്ന് കിഴക്കോട്ട് ഒരു യാത്ര നടത്തണം എന്ന് അഭ്യര്ത്ഥിക്കുകയാണ്. ആ യാത്രയില് രാഹുലിനൊപ്പം താനുമുണ്ടാകും, ഒമര് അബ്ദുളള പറഞ്ഞു.
ഇത് ചരിത്രപരമായ ഒരു യാത്ര ആയിരുന്നുവെന്ന് ആര്എസ്പി നേതാവ് എന്കെ പ്രേമചന്ദ്രന് പറഞ്ഞു. വിധ്വംശക ശക്തികള്ക്ക് എതിരെ പൊരുതാനാകുന്ന ഏക നേതാവ് താനാണ് എന്ന് രാഹുല് ഗാന്ധി തെളിയിച്ചിരിക്കുന്നുവെന്നും പ്രേമചന്ദ്രന് കൂട്ടിച്ചേര്ത്തു. ഇന്ന് ജമ്മു കശ്മീരില് വെച്ച് ഭാരത് ജോഡോ യാത്ര അവസാനിക്കുമ്പോള് പിന്തുണയുമായി ഡിഎംകെ, എന്സി, പിഡിപി, സിപിഐ, ആര്എസ്പി, മുസ്ലീം ലീഗ് എന്നീ പ്രതിപക്ഷ പാര്ട്ടികള് എത്തിയിരുന്നു. അവസാന ദിവസത്തെ യാത്ര ഷെര് ഇ കശ്മീര് ക്രിക്കറ്റ് സ്റ്റേഡിയത്തില് നിന്നാണ് രാഹുല് ഗാന്ധി ആരംഭിച്ചത്.
കഴിഞ്ഞ വര്ഷം സെപ്റ്റംബര് ഏഴിന് കന്യാകുമാരിയില് നിന്നുമാണ് രാഹുല് ഗാന്ധി ഭാരത് ജോഡോ യാത്ര ആരംഭിച്ചത്. അഞ്ചോളം മാസങ്ങള് കൊണ്ട് രണ്ട് കേന്ദ്ര ഭരണപ്രദേശങ്ങളും നിരവധി സംസ്ഥാനങ്ങളും രാഹുല് ഗാന്ധി നടന്ന് തീര്ത്തു. അതിനിടെ 12 പൊതു യോഗങ്ങളും നൂറിലധികം ചെറു യോഗങ്ങളും 13 വാര്ത്താ സമ്മേളനങ്ങളുമുണ്ടായി. ഇന്ന് രാഹുല് ഗാന്ധി പാന്തചൗക്കിലെ ഭാരത് ജോഡോ യാത്ര ക്യാമ്പ് സൈറ്റില് ദേശീയ പതാക ഉയര്ത്തിയിരുന്നു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google