സുരേഷ് ഗോപിക്കും രാജ്നാഥ് സിംഗിനും റോസാപ്പൂ നൽകി പ്രതിപക്ഷം; ചിരിപൊട്ടി രാഹുൽ
ഡൽഹി: അദാനി വിഷയം ചർച്ച ചെയ്യണമെന്ന് ആവശ്യപ്പെട്ട് പാർലമെന്റിൽ വ്യത്യസ്ത പ്രതിഷേധവുമായി കോൺഗ്രസ്. കോൺഗ്രസ് എം പി രാഹുൽ ഗാന്ധി പ്രതിരോധ മന്ത്രി രാജ്നാഥ് സിംഗിന് റോസാപ്പൂവും ഇന്ത്യൻപതാകയും നൽകി. സംഭവത്തിന്റെ വീഡിയോ സോഷ്യൽ മീഡിയയിൽ വൈറൽ ആണ്. രാജ്നാഥ് സിംഗ് വന്നിറങ്ങുമ്പോൾ രാഹുൽ ഗാന്ധി അടുത്തേക്ക് പോയി റോസാപ്പൂവും പതാകയും അദ്ദേഹത്തിന് നേരെ നീട്ടുന്നത് കാണാം.
അപ്പോഴേക്കും രാഹുൽ ഗാന്ധി പൊട്ടിച്ചിരിയുടെ വക്കിൽ എത്തിയിരുന്നു. രാജ്നാഥ് സിംഗ് ഒരുതരത്തിലും പ്രതികരിക്കുന്നില്ല." ഞങ്ങൾ ബി ജെ പി സുഹൃത്തുക്കൾക്കായി കാത്തിരിക്കുകയാണ്. അവർക്ക് ഇന്ത്യൻ പതാകയും റോസാപ്പൂവും നൽകാൻ ഞങ്ങൾ ആഗ്രഹിച്ചു. രാഷ്ട്രമാണ് ഏറ്റവും പ്രധാനം എന്ന സന്ദേശം നൽകാൻ ഞങ്ങൾ ആഗ്രഹിച്ചു " കോൺഗ്രസ് എം പി മാണിക്കം ടാഗോർ പറഞ്ഞു. സുരേഷ് ഗോപി ഉൾപ്പെടെ ഉള്ളവർക്ക് പ്രതിക്ഷ എം പിമാർ റോസാപ്പൂവും പതാകയും നൽകിയിരുന്നു.
യു എസിൽ അദാനിക്കെതിരായ കൈക്കൂലി ആരോപണത്തെക്കുറിച്ചുള്ള ചർച്ചകൾ കേന്ദ്രസർക്കാർ ഒഴിവാക്കുന്നുവെന്ന് ആരോപിച്ച് പാർലമെന്റിന് പുറത്ത് പ്രതിപക്ഷ പ്രതിഷേധത്തിനിടെയാണ് സംഭവം. നവംബർ 20 ന് സമ്മേളനം ആരംഭിച്ചത് മുതൽ ഈ വിഷയത്തിൽ ചർച്ച വേണമെന്നാവശ്യപ്പെട്ട് പ്രതിപക്ഷം പ്രതിഷേധിക്കുന്നുണ്ട്. വ്യത്യസ്തം ആയ പ്രതിഷേധങ്ങളാണ് പ്രതിപക്ഷം നടത്തുന്നത്.
ഗൗതം അദാനി ഉൾപ്പെടെയുള്ള ഏഴ് പേർക്കെതിരെയാണ് കുറ്റാരോപണം. ഇവർ യു എസിലെ നിക്ഷേപകരെ കബിളിപ്പിച്ചെന്നും ഉദ്യോഗസ്ഥർക്ക് കൈക്കൂലി നൽകിയെന്നും യു എസ് സെക്യൂരിറ്റീസ് ആൻഡ് എക്സ്ചേഞ്ച് കമ്മീഷൻ ആരോപിച്ചു. അദാനി, അനന്തരവൻ സാഗർ അദാനി, അദാനി ഗ്രീൻ എനർജിയുടെ എക്സിക്യൂട്ടീവ്, അസുർ പവർ ഗ്ലോബൽ ലിമിറ്റഡിന്റെ എക്സിക്യൂട്ടീവ് ആയ സിറിൽ കബനീസ് എന്നിവർക്കെതിരെ തട്ടിപ്പിനും ഗൂഢാലോചനയ്ക്കും വഞ്ചനയ്ക്കുമാണ് കുറ്റം.
മൾട്ടി ബില്യൺ ഡോളർ പദ്ധതികൾ വാഗ്ദാനം ചെയ്ത് വ്യാജവും തെറ്റിദ്ധരിപ്പിക്കുന്നതുമായ പ്രസ്താവനകൾ നടത്തി യു എസ് നിക്ഷേപകരെയും ആഗോള ധനകാര്യ സ്ഥാപനങ്ങളെയും കബളിപ്പിച്ചതായി പറയുന്നു. 265 മില്യൺ ഡോളർ കൈക്കൂലി നൽകിയതായി കുറ്റപത്രത്തിൽ പറയുന്നു. ഇരുപത് വർഷത്തിനുള്ളിൽ ഈ കരാറുകളിൽ നിന്ന് 200 കോടി ഡോളർ ലാഭമുണ്ടാക്കാൻ ഉന്നമിട്ടെന്നും പറയുന്നു.
Click it and Unblock the Notifications
Sign in with Google