Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന്‍ ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പ്രധാനമന്ത്രി സ്ഥാനാര്‍ത്ഥിയെ കുറിച്ചല്ല, രാജ്യത്തെ പ്രശ്‌നങ്ങള്‍ ചര്‍ച്ചയാക്കൂ; മാധ്യമങ്ങളോട് രാഹുല്‍
പാനിപ്പത്ത്: കോണ്‍ഗ്രസിന്റെ മുഖ്യമന്ത്രി സ്ഥാനാര്‍ത്ഥികളെയും പ്രധാനമന്ത്രി സ്ഥാനാര്‍ത്ഥികളെയും കുറിച്ചുള്ള ചര്‍ച്ചകള്‍ തള്ളി രാഹുല്‍ ഗാന്ധി. ഇതെല്ലാം ജനങ്ങളുടെ ശ്രദ്ധ തിരിക്കാനുള്ള ശ്രമങ്ങള്‍ ആണ് എന്ന് രാഹുല്‍ ഗാന്ധി പറഞ്ഞു. ഭാരത് ജോഡോ യാത്രയുടെ പകിട്ട് നശിപ്പിക്കാനാണ് ഇത്തരം ചോദ്യങ്ങള്‍ ചോദിക്കുന്നതിന്റെ ഉദ്ദേശ്യമെന്നും രാഹുല്‍ ഗാന്ധി കൂട്ടിച്ചേര്‍ത്തു.
ഈ വര്‍ഷം പല സംസ്ഥാനങ്ങളിലും നടക്കാനിരിക്കുന്ന നിയമസഭാ തെരഞ്ഞെടുപ്പുകളില്‍ മുഖ്യമന്ത്രി സ്ഥാനാര്‍ത്ഥികളെക്കുറിച്ചുള്ള മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം. യാത്രയുമായി ബന്ധപ്പെട്ട് സോഷ്യല്‍ മീഡിയയില്‍ വലിയ ചര്‍ച്ച നടക്കുന്നുണ്ട്. പക്ഷേ ദേശീയ മാധ്യമങ്ങള്‍ അതൊന്നും കാണുന്നില്ല. ആരാണ് മുഖ്യമന്ത്രിയെന്നും പ്രധാനമന്ത്രിയെന്നും ചോദിച്ച് ശ്രദ്ധ തിരിക്കാനുള്ള ശ്രമങ്ങളാണ് നടക്കുന്നത്.
ഈ രാജ്യം യുവാക്കളോട് കള്ളം പറയുകയാണ്. ഞാന്‍ കണ്ടുമുട്ടിയ ആയിരക്കണക്കിന് യുവാക്കള്‍ മെഡിക്കല്‍, എഞ്ചിനീയറിംഗ്, പ്രതിരോധ സേനകളില്‍ കരിയര്‍ തുടരാന്‍ ആഗ്രഹിക്കുന്നുവെന്ന് പറഞ്ഞു, എന്നാല്‍ അവരില്‍ 10% മാത്രമേ ഈ മേഖലകളില്‍ എത്തുകയുള്ളൂ എന്നതാണ് സത്യം. എല്ലാ ദിവസവും അവരുടെ ഹൃദയം തകരും, അവരുടെ സ്വപ്നങ്ങള്‍ തകരും, രാഹുല്‍ ഗാന്ധി ചൂണ്ടിക്കാട്ടി.
ഈ ആളുകളുടെ തൊഴിലിനെക്കുറിച്ച് സര്‍ക്കാര്‍ ചിന്തിക്കുന്നില്ലെന്നും അദ്ദേഹം കൂട്ടിച്ചേര്‍ത്തു. ഈ രാജ്യത്ത് കോടീശ്വരനായി മാറിയ ഒരു ചെറിയ മെക്കാനിക്കിന്റെ പേര് പറയൂ? സമൃദ്ധമായ തലത്തിലേക്ക് ഉയരാന്‍ ചെറുകിട വ്യവസായങ്ങളെ ആണ് ശക്തിപ്പെടുത്തേണ്ടത്. രാജ്യം കഴിവുകളെ ബഹുമാനിക്കാന്‍ തുടങ്ങുന്ന ദിവസം യഥാര്‍ത്ഥ സൂപ്പര്‍ പവറായി മാറും എന്നും അതുവരെ ഇതൊരു പൊള്ളയായ രാജ്യമായി തുടരും എന്നും അദ്ദേഹം പറഞ്ഞു.
രാഹുല്‍ ഗാന്ധി എത്ര കിലോമീറ്റര്‍ നടന്നുവെന്ന് ആളുകള്‍ പറയുന്നു, എന്നാല്‍ ഈ രാജ്യത്തെ കര്‍ഷകന്‍ എത്ര കിലോമീറ്റര്‍ നടന്നുവെന്ന് ആരും പറയുന്നില്ല എന്നും അദ്ദേഹം പറഞ്ഞു. എന്റെ നടത്തം കര്‍ഷകരോടോ തൊഴിലാളികളോടോ താരതമ്യപ്പെടുത്താവുന്നതല്ല എന്നും രാഹുല്‍ വ്യക്തമാക്കി. ഇത്തരം ചോദ്യങ്ങള്‍ ഒരു പത്രസമ്മേളനത്തില്‍ അഭിസംബോധന ചെയ്യാന്‍ പ്രധാനമന്ത്രി ഇരിക്കുമോ?
വിവിധ ജാതികളിലും മതങ്ങളിലും പെട്ട ആളുകള്‍ക്കിടയില്‍ ബി ജെ പി വിദ്വേഷം വളര്‍ത്തുകയാണ് എന്നും എന്നാല്‍ കോണ്‍ഗ്രസ് ഇത് ചെയ്യുന്നുണ്ടോ എന്നും അദ്ദേഹം ചോദിച്ചു. 2024 ലെ ലോക്‌സഭാ തെരഞ്ഞെടുപ്പില്‍ രാഹുല്‍ ഗാന്ധി പ്രധാനമന്ത്രി സ്ഥാനാര്‍ത്ഥിയാകുമോ എന്ന സംശയങ്ങള്‍ക്കിടെയാണ് ചോദ്യം തള്ളി അദ്ദേഹം രംഗത്തെത്തിയിരിക്കുന്നത്. നേരത്തെ 2024 ലെ പൊതുതെരഞ്ഞെടുപ്പില്‍ രാഹുല്‍ ഗാന്ധിയെ പ്രധാനമന്ത്രി സ്ഥാനാര്‍ത്ഥിയായി ഉയര്‍ത്തിക്കാട്ടാന്‍ ഭാരത് ജോഡോ യാത്ര ഒരു ഒഴികഴിവല്ലെന്ന് മുതിര്‍ന്ന കോണ്‍ഗ്രസ് നേതാവ് ജയറാം രമേശ് പറഞ്ഞിരുന്നു.
