ഭാരത് ജോഡോ യാത്ര തെലങ്കാനയിലെത്തി; മൂന്ന് ദിവസം രാഹുല് ദല്ഹിയില്
ബെംഗളൂരു: കോണ്ഗ്രസ് നേതാവ് രാഹുല് ഗാന്ധിയുടെ ഭാരത് ജോഡോ യാത്ര കര്ണാടകയിലെ പര്യടനം പൂര്ത്തിയാക്കി തെലങ്കാനയില് പ്രവേശിച്ചു. മെഹബൂബ് നഗറിലെ ഗുഡെബല്ലൂര് വഴിയാണ് യാത്ര തെലങ്കാനയിലേക്ക് പ്രവേശിച്ചത്. തമിഴ്നാട്ടിലെ കന്യാകുമാരിയില് നിന്ന് ആരംഭിച്ച് യാത്ര കേരളത്തിലെ പര്യടനം പൂര്ത്തിയാക്കിയാണ് കര്ണാടകയിലേക്ക് പ്രവേശിച്ചത്.
അതേസമയം തെലങ്കാനയിലെ ഭാരത് ജോഡോ യാത്ര മക്തല്, നാരായണ്പേട്ട്, കൊടംഗല്, പര്ഗി, വികാരാബാദ്, സദാശിവപേട്ട്, ശങ്കരംപേട്ട്, മധൂര് എന്നിവിടങ്ങളിലൂടെ 16 ദിവസം 376 കിലോമീറ്റര് സഞ്ചരിക്കും. അതിന് ശേഷം നന്ദേഡ് ജില്ല വഴി മഹാരാഷ്ട്രയില് പ്രവേശിക്കും. സെപ്തംബര് ഏഴിന് ആണ് രാഹുല് ഗാന്ധിയും സംഘവും പദയാത്ര ആരംഭിച്ചത്.
സെപ്തംബര് 30 ന് ആയിരുന്നു കര്ണാടകയില് പ്രവേശിച്ചത്. വിദ്വേഷം പരത്തുന്ന വിഘടന ശക്തികള്ക്കെതിരെ രാജ്യത്തെ ഒന്നിപ്പിക്കുകയാണ് തന്റെ ഭാരത് ജോഡോ യാത്രയുടെ ലക്ഷ്യമെന്ന് രഹുല് ഗാന്ധ കഴിഞ്ഞ ദിവസം പറഞ്ഞു. അതിനിടെ ദീപാവലി പ്രമാണിച്ച് ഭാരത് ജോഡോ യാത്രക്ക് താല്ക്കാലിക ഇടവേള അനുവദിക്കുന്നുണ്ട്. മൂന്ന് ദിവസത്തേക്ക് രാഹുല് ഗാന്ധി ദല്ഹിയിലേക്കെത്തും.
കോണ്ഗ്രസ് ലോക്സഭാംഗവും തെലങ്കാനയിലെ പാര്ട്ടി കാര്യങ്ങളുടെ ചുമതലക്കാരനുമായ മാണിക്കം ടാഗോര്, സംസ്ഥാന കോണ്ഗ്രസ് അധ്യക്ഷന് എ രേവന്ത് റെഡ്ഡി തുടങ്ങി നിരവധി പാര്ട്ടി നേതാക്കള് രാഹുല് ഗാന്ധിയെ സ്വാഗതം ചെയ്തു. ഒക്ടോബര് 26 ന് മല്ലികാര്ജ്ജുന് ഖര്ഗെ കോണ്ഗ്രസ് അധ്യക്ഷനായി ചുമതലയേല്ക്കുന്ന ചടങ്ങില് രാഹുല് ഗാന്ധി പങ്കെടുക്കുന്നുണ്ട്.
അതിന് ശേഷം ഒക്ടോബര് 27 ന് യാത്ര വീണ്ടും തുടങ്ങുമെന്ന് ജയറാം രമേശ് അറിയിച്ചു. ഒക്ടോബര് 27ന് രാവിലെ ഗുഡെബെല്ലൂരില് നിന്ന് യാത്ര തെലങ്കാനയിലെ യാത്ര പുനരാരംഭിക്കും. 19 നിയമസഭാ മണ്ഡലങ്ങളും ഏഴ് പാര്ലമെന്റ് മണ്ഡലങ്ങളും ആണ് തെലങ്കാനയില് പിന്നിടുന്നത്. ദിവസവും 20-25 കിലോമീറ്ററാണ് പദയാത്ര സംസ്ഥാനത്ത് പിന്നിടുക.
സംസ്ഥാനത്തെ വിവിധ സമുദായ നേതാക്കള്, രാഷ്ട്രീയക്കാര്, കായിക, ബിസിനസ്, സിനിമാ രംഗത്തെ പ്രമുഖര് എന്നിവരുമായി അദ്ദേഹം കൂടിക്കാഴ്ച നടത്തും. അതിനിടെ കോണ്ഗ്രസ് പ്രസിഡണ്ട് തെരഞ്ഞെടുപ്പില് ശക്തമായ പ്രകടനം കാഴ്ചവച്ച ശശി തരൂരിനെ പ്രവര്ത്തക സമിതിയില് ഉള്പ്പെടുത്തുന്നത് സംബന്ധിച്ച ചര്ച്ചകള് നാളെ നടന്നേക്കുമെന്ന് സൂചനയുണ്ട്.
കൂടാതെ നിയുക്ത പ്രസിഡണ്ട് മല്ലികാര്ജ്ജുന് ഖര്ഗെ, ഗാന്ധി കുടുംബവുമായി നാളെ ചര്ച്ച നടത്തും. കോണ്ഗ്രസ് പ്രവര്ത്തക സമിതിയില് ശശി തരൂരിനെ ഉള്പ്പെടുത്താന് നേതൃത്വത്തിന് മേല് കടുത്ത സമ്മര്ദ്ദമുണ്ട് എന്നാണ് വിവരം. കോണ്ഗ്രസ് അധ്യക്ഷ തെരഞ്ഞെടുപ്പില് പന്ത്രണ്ട് ശതമാനത്തോളം വോട്ടാണ് ശശി തരൂര് നേടിയത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google