Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പക്വത ഉണ്ടാകാന്‍ രാഹുല്‍ ഗാന്ധി ബാബ രാംദേവിന്റെ ശിഷ്യത്വം സ്വീകരിക്കണമെന്ന് ബിജെപി
ദില്ലി: കോണ്‍ഗ്രസ് വൈസ് പ്രസിഡന്റ് രാഹുല്‍ ഗാന്ധിയെ പരിഹസിച്ച് ബിജെപി നേതാവും കേന്ദ്ര മന്ത്രിയുമായ മുക്താര്‍ അബ്ബാസ് നഖ്വി രംഗത്ത്. മോദിയെ തനിക്ക് പേടിയില്ലെന്നും, ജയിലില്‍ പോകാന്‍ താന്‍ തയ്യാറാണെന്നും പറഞ്ഞ രാഹുല്‍ പക്വതയില്ലാത്തയാളാണെന്ന് വിമര്‍ശിച്ചാണ് നഖ്വി രംഗത്തെത്തിയത്. രാഹുല്‍ ഗാന്ധി പക്വതയില്ലെതെയാണ് പ്രവര്‍ത്തിക്കുന്നതും സംസാരിക്കുന്നതുമെന്നാണ് അദ്ദേഹം ആരോപിച്ചത്.
പക്വത ഉണ്ടാക്കാന്‍ ഒരു മാര്‍ഗവും നഖ്വി നിര്‍ദ്ദേശിച്ചു. യോഗ ഗുരു ബാബ രാംദേവിന്റെ ആശ്രമം രാഹുല്‍ സന്ദര്‍ശിക്കണമെന്നാണ് അദ്ദേഹം പറഞ്ഞത്. പക്വത പഠിക്കാന്‍ രാഹുല്‍ ബാബ രാംദേവിന്റെ ശിഷ്യത്വം സ്വീകരിക്കുന്നത് നല്ലതായിരിക്കും. കോണ്‍ഗ്രസ് പാര്‍ട്ടിയെക്കുറിച്ചുള്ള ചരിത്രം രാഹുലിനറിയില്ലെന്നും സോണിയ ഗാന്ധി മകന് പറഞ്ഞു കൊടുക്കണമെന്നും നഖ്വി ഉപദേശിക്കുന്നു.
രാഹുല്‍ ഗാന്ധിക്ക് ബ്രിട്ടീഷ് പൗരത്വം ഉണ്ടെന്നും ഇന്ത്യന്‍ പൗരത്വം റദ്ദാക്കണമെന്നും കഴിഞ്ഞദിവസം ബിജെപി നേതാവ് സുബ്രഹ്മണ്യന്‍ സ്വാമി പ്രസ്താവിച്ചിരുന്നു. ആരോപണങ്ങളില്‍ അന്വേഷണം വേണമെന്ന് മോദി സര്‍ക്കാരും വ്യക്തമാക്കിയിരുന്നു. എന്നാല്‍, തനിക്കെതിരെ ഉയരുന്ന ആരോപണങ്ങള്‍ അടിസ്ഥാന രഹിതമാണെന്നും അന്വേഷണം നടക്കട്ടേയെന്നും രാഹുല്‍ വെല്ലുവിളിക്കുകയാണുണ്ടായത്.
ഇതിനു പിന്നാലെയാണ് രാഹുലിനെതിരെ വിമര്‍ശനവുമായി നഖ്വി രംഗത്തെത്തിയത്. തനിക്ക് മോദിയെ പേടിയില്ലെന്നും, ജയിലില്‍ പോകാന്‍ തയ്യാറാണെന്നുമാണ് ഇതിനോട് രാഹുല്‍ പ്രതികരിച്ചത്. തനിക്കും കുടംബത്തിനുംനേരെ ചെളി വാരിയെറിയുകയാണ് ബിജെപിയെന്നും രാഹുല്‍ പറഞ്ഞിരുന്നു. ബിജെപിയുടെ മാര്‍ഗദര്‍ശികളാണ് ആര്‍എസ്എസ്സെന്നും, ഇവര്‍ രാജ്യത്തിന് മോശം പേര് ഉണ്ടാക്കുകയാണെന്നും രാഹുല്‍ വിമര്‍ശിച്ചിരുന്നു.
