തോല്വിയുടെ ഉത്തരവാദിത്വം ഏറ്റെടുക്കുന്നു: രാഹുല്
ദില്ലി: ചരിത്രത്തിലെ ഏറ്റവും മോശപ്പെട്ട പരാജയം വാങ്ങി കോണ്ഗ്രസ് അധികാരത്തില് നിന്നും ഒഴിയുന്നു. തോല്വിയുടെ ഉത്തരവാദിത്വം ഏറ്റെടുക്കുന്നുവെന്ന് പാര്ട്ടി അദ്ധ്യക്ഷ സോണിയാ ഗാന്ധിയും ഉപാദ്ധ്യക്ഷന് രാഹുല് ഗാന്ധിയും മാധ്യമങ്ങളോട് പറഞ്ഞു.
രാഷ്ട്രീയത്തില് പരാജയങ്ങള് സര്വ്വ സാധാരണമാണെന്ന് രാഹുല് ഗാന്ധി പ്രതികരിച്ചു. പ്രതീക്ഷിച്ച പിന്തുണ ജനങ്ങളില് നിന്ന് ലഭിച്ചില്ല. തിരഞ്ഞെടുപ്പില് കോണ്ഗ്രസ് വളരെ മോശം പ്രകടനമാണ് കാഴ്ച വച്ചതെന്നും ജനവികാരം മനസ്സിലാക്കുന്നുവെന്നും അദ്ദേഹം പറഞ്ഞു.
തത്വത്തില് മാറ്റം വരുത്താന് തയ്യാറല്ലെന്നായിരുന്നു സോണിയയുടെ പ്രതികരണം. തോല്വിയുടെ ഉത്തരവാദിത്തം ഏറ്റെടുക്കുന്നെന്നും തിരഞ്ഞെടുപ്പില് പ്രതീക്ഷിച്ച ഫലമല്ല ഉണ്ടായതെന്നും സോണിയ ഗാന്ധിയും പറഞ്ഞു.
രാജ്യത്തിന്റെ മതനിരപേക്ഷതയില് പുതിയ സര്ക്കാര് വിട്ടുവീഴ്ച ചെയ്യില്ലെന്ന് ആശിക്കുന്നു. പുതിയ സര്ക്കാരിന് എല്ലാവിധ ആശംസകളും നേരുന്നു. പാര്ട്ടിക്കായി പ്രവര്ത്തിച്ച എല്ലാ പ്രവര്ത്തകര്ക്കും നന്ദി -സോണിയ മാധ്യമപ്രവര്ത്തകരോട് പറഞ്ഞു.