'രാജ്യം തല കുനിക്കുന്നു', വീരമൃത്യു വരിച്ച 20 സൈനികരുടേയും കുടുംബങ്ങൾക്ക് കത്തെഴുതി രാഹുൽ ഗാന്ധി
ദില്ലി: ലഡാക്കില് വീരമൃത്യു വരിച്ച 20 സൈനികര് രാജ്യത്തിന്റെ കണ്ണീരായി മാറിയിരിക്കുകയാണ്. മരണപ്പെട്ട 20 സൈനികരുടേയും കുടുംബങ്ങളെ രാജ്യം ചേര്ത്ത് പിടിക്കുന്നു. അതിനിടെ ഈ 20 സൈനികരുടേയും കുടുംബങ്ങളെ അനുശോചനം അറിയിച്ച് കത്തുകള് എഴുതി അയച്ചിരിക്കുകയാണ് കോണ്ഗ്രസ് അധ്യക്ഷന് രാഹുല് ഗാന്ധി.
സൈനികര് നടത്തിയ ത്യാഗത്തിന് മുന്നില് രാജ്യം തലകുനിക്കുന്നു എന്ന് കത്തില് രാഹുല് ഗാന്ധി പറയുന്നു. സൈനികരുടെ ദേശസ്നേഹം ഒരിക്കലും മറക്കില്ല. തന്റെ പ്രാര്ത്ഥന കുടുംബങ്ങള്ക്കൊപ്പം ഉണ്ടെന്നും കത്തില് രാഹുല് ഗാന്ധി പറയുന്നു.
Recommended Video
കൊല്ലപ്പെട്ട സൈനികന് തിരു കെ പളനിയുടെ ഭാര്യക്ക് രാഹുല് ഗാന്ധി എഴുതിയ കത്ത് ഇങ്ങനെയാണ്: ''താങ്കളുടെ ഭര്ത്താവ് തിരു കെ പളനിയുടെ മരണത്തില് അത്യന്തം ദുഖമുണ്ട്. അദ്ദേഹത്തിന്റെ ത്യാഗത്തിന് മുന്നില് രാജ്യം തല കുനിക്കുന്നു. അദ്ദേഹത്തിന്റെ രാജ്യസ്നേഹം നാം ഒരിക്കലും മറക്കില്ല. ഓരോ ഇന്ത്യക്കാരനും ശാന്തിയിയിലും സ്വാതന്ത്ര്യത്തിലും ജീവിക്കുന്നുവെന്ന് ഉറപ്പാക്കാന് അദ്ദേഹം ജീവന് രാജ്യത്തിന് സമര്പ്പിച്ചിരിക്കുകയാണ്.
രാജ്യത്തിന്റെ വീരപുത്രന്റെ വിയോഗത്തില് വേദനിക്കുമ്പോഴും ഈ ദുരന്തത്തെ അഭിമുഖീകരിക്കുന്ന താങ്കളുടെ ധൈര്യത്തെ അഭിവാദ്യം ചെയ്യുന്നു. ഈ വിഷമ ഘട്ടത്തിന്റെ എന്റെ പ്രാര്ത്ഥനയിലും ചിന്തയിലും നിങ്ങളും കുടുംബവും ഉണ്ട്'' എന്നാണ് രാഹുല് എഴുതിയിരിക്കുന്നത്. സൈനികരുടെ മരണത്തില് രാഹുല് ഗാന്ധി കേന്ദ്രത്തിനും പ്രധാനമന്ത്രിക്കും പ്രതിരോധ മന്ത്രിക്കും നേരെ ചോദ്യങ്ങള് ഉയര്ത്തിയിരുന്നു.
സര്വ്വകക്ഷി യോഗത്തില് പ്രധാനമന്ത്രിയുമായി നേര്ക്ക് നേര്, 7 ചോദ്യങ്ങള് തൊടുത്ത് സോണിയാ ഗാന്ധി
'എതു നിമിഷവും ഇല്ലാതാവാം, നിറഞ്ഞു തിങ്ങിയ കണ്ണീർ പൊട്ടി താഴെ വീണു'! അതിർത്തിയിലെ അനുഭവം പറഞ്ഞ് ദേവൻ!
നടൻ ശ്രീനിവാസനെതിരെ കേസ്, ശ്രീനിവാസൻ പറഞ്ഞത് പറയാൻ ലജ്ജയുണ്ടെന്ന് ഷാഹിദ കമാൽ!