Click it and Unblock the Notifications
Just In
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മാസ്റ്റേഴ്സ് ഡിഗ്രിയില്ലാതെ എംഫിൽ; സ്മൃതി ഇറാനിക്ക് പിന്തുണ, തിരിച്ചടിച്ച് ബിജെപി
Recommended Video
ദില്ലി: 2014ലെ തോൽവിക്ക് ഇക്കുറി അമേഠിയിൽ മറുപടി പറയാമെന്ന പ്രതീക്ഷയിലാണ് കേന്ദ്ര മന്ത്രി സ്മൃതി ഇറാനി. അമേഠിക്ക് വേണ്ടി ഒന്നും ചെയ്യാത്ത എംപിയാണ് രാഹുൽ ഗാന്ധിയെന്നാണ് തിരഞ്ഞെടുപ്പ് പ്രചാരണ യോഗങ്ങളിൽ സ്മൃതി ഇറാനി ആഞ്ഞടിക്കുന്നത്. രാഹുലിനെക്കാൾ കൂടുതൽ അമേഠി സന്ദർശിച്ച നേതാവാണ് സ്മൃതി ഇറാനിയെന്നാണ് ബിജെപി പ്രചാരണം. അഞ്ച് വർഷത്തിനിടെ അമേഠിയിൽ സ്വാധീനം വർദ്ധിപ്പിക്കാൻ സ്മൃതി ഇറാനിക്ക് സാധിച്ചിട്ടുണ്ടെന്നത് കോൺഗ്രസ് കേന്ദ്രങ്ങളും അംഗീകരിക്കുന്നുണ്ട്.
സ്മൃതി ഇറാനിയുടെ വിദ്യാഭ്യാസ യോഗ്യതയെച്ചൊല്ലിയാണ് കോൺഗ്രസും ബിജെപിയും തമ്മിൽ അടുത്തിടെ കൊമ്പുകോർത്തത്. വിദ്യാഭ്യാസ യോഗ്യതയെ പറ്റി സ്മൃതി ഇറാനി തെറ്റായ വിവരങ്ങൾ നൽകിയെന്ന പ്രതിപക്ഷത്തിന്റെ ആരോപണങ്ങളെ പ്രതിരോധിക്കാൻ രാഹുൽ ഗാന്ധിയുടെ വിദ്യാഭ്യാസ യോഗ്യതയുമായി ബന്ധപ്പെട്ട് നേരത്തെ ഉയർന്ന ആരോപണങ്ങളെ പൊടി തട്ടിയെടുക്കുകയാണ് കേന്ദ്രമന്ത്രി അരുൺ ജെയ്റ്റ്ലി.
വിദ്യാഭ്യാസ യോഗ്യത
സ്മൃതി ഇറാനിയുടെ വിദ്യാഭ്യസ യോഗ്യത ഇതിന് മുമ്പും വലിയ ചര്‍ച്ചകള്‍‍ക്ക് ഇടയാക്കിയിരുന്നു. 2004-ലെ ലോക്സഭാ തെരഞ്ഞെടുപ്പില്‍ ദല്‍ഹിയിലെ ചാന്ദ്നി ചൗക്കില്‍നിന്ന് മത്സരിച്ചപ്പോൾ നല്‍കിയ സത്യവാങ്മൂലത്തില്‍, താന്‍ ദല്‍ഹി സര്‍വകലാശാലയുടെ വിദൂരവിദ്യാഭ്യാസംവഴി ബിഎ പൂര്‍ത്തിയാക്കിയെന്നായിരുന്നു വ്യക്തമാക്കിയിരുന്നത്.
2014ൽ യോഗ്യത മാറി
എന്നാൽ 2014ൽ സമർപ്പിച്ച സത്യവാങ്മൂലത്തിൽ ദില്ലി സർവകലാശാലയുടെ വിദൂര വിദ്യാഭ്യാസ പദ്ധതി പ്രകാരം 1994-ല്‍ കോമേഴ്സ് ബിരുദത്തിന്റെ ഒന്നം വർഷം പൂർത്തിയാക്കിയതായാണ് സൂചിപ്പിച്ചിരുന്നത്. ഇതിനു പുറമെ യുഎസിലെ യാലെ യൂണിവേഴ്സിറ്റിയിൽ നിന്ന് ഡിഗ്രി നേടിയെന്നും. ഇതോടെ സ്മൃതി ഇറാനിയുടെ വിദ്യാഭ്യാസ യോഗ്യതയെച്ചൊല്ലി വലിയ വിവാദങ്ങളും ഉണ്ടായി.
അമേഠിയിൽ പറഞ്ഞത്
കഴിഞ്ഞ ദിവസം അമേഠിയിൽ സമർപ്പിച്ച സത്യവാങ്മൂലത്തിൽ താൻ ബിരുദം പൂർത്തിയാക്കിയിട്ടില്ലെന്നാണ് സ്മൃതി ഇറാനി പറഞ്ഞത്. 1991-ല്‍ സെക്കന്‍ഡറി വിദ്യാഭ്യാസവും 1993 സീനിയര്‍ സെക്കന്‍ഡറി സ്‌കൂള്‍ വിദ്യാഭ്യാസവും പൂര്‍ത്തിയാക്കിയെന്നാണ് വിദ്യാഭ്യാസ യോഗ്യതയായി കാണിച്ചത്. ഇതോടെ പരസ്പര വിരുദ്ധമായ സത്യവാങ്മൂലങ്ങൾ കമ്മീഷന് മുമ്പിൽ സമർപ്പിട്ട സ്മൃതി ഇറാനിയെ തിരഞ്ഞെടുപ്പിൽ മത്സരിക്കുന്നതിൽ നിന്ന് അയോഗ്യയാക്കണമെന്ന് കോൺഗ്രസ് ആവശ്യപ്പെടുകയായിരുന്നു.
തിരിച്ചടിച്ച് ജെയ്റ്റ്ലി
രാഹുൽ ഗാന്ധിയുടെ വിദ്യാഭ്യാസ യോഗ്യതയെ ചോദ്യം ചെയ്താണ് കേന്ദ്രമന്ത്രി അരുൺ ജെയ്റ്റ്ലി രംഗത്തെത്തിയിരിക്കുന്നത്. മാസ്റ്റേഴ്സ് ഡിഗ്രിയില്ലാതെയാണ് രാഹുൽ എംഫിൽ നേടിയതെന്നാണ് ആരോപണം. രാഹുൽ ഗാന്ധിയുടെ വിദ്യാഭ്യാസ യോഗ്യതയുമായി ബന്ധപ്പെട്ട് ഒരു പരസ്യ ഓഡിറ്റിംഗ് നടത്തിയാൽ കൂടുതൽ കാര്യങ്ങൾ പുറത്ത് വരുമെന്നും ജെയ്റ്റ്ലി കൂട്ടിച്ചേർത്തു.
2009ൽ
2009ൽ രാഹുൽ ഗാന്ധിയുടെ വിദ്യാഭ്യാസ യോഗ്യത സംബന്ധിച്ച് ആരോപണം ഉയർന്നിരുന്നു. രാഹുൽ ഗാന്ധി ട്രിനിറ്റി കോളേജിലെ വിദ്യാർത്ഥി ആയിരുന്നുവെന്നും 1995ൽ ഡെവലപ്മെന്റൽ സ്റ്റഡീസിൽ എംഫിൽ പൂർത്തിയാക്കിയിട്ടുണ്ടെന്നും കേം ബ്രിഡ്ജ് യൂണിവേഴ്സിറ്റി സ്ഥിരീകരിക്കുകയായിരുന്നു.
ലോക്സഭ തിരഞ്ഞെടുപ്പ് 2019: വൺ ഇന്ത്യ ഇലക്ഷൻ സ്പെഷൽ പേജ് കാണൂ
