രാഹുൽ ഗാന്ധി അധ്യക്ഷ സ്ഥാനത്ത് തുടരും... മോത്തിലാല് വോറയെ അധ്യക്ഷനാക്കിയെന്ന വാർത്ത തെറ്റെന്ന്...
ദില്ലി: രാഹുൽ ഗാന്ധി തന്നെ കോൺഗ്രസ് അധ്യക്ഷനായി തുടരുമെന്ന് പിടിഐ റിപ്പോർട്ട് ചെയ്യുന്നു. കോണ്ഗ്രസ് പ്രവര്ത്തക സമിതി രാഹുലിന്റെ രാജി സ്വീകരിക്കുന്നത് വരെ അദ്ദേഹം അധ്യക്ഷ സ്ഥാനത്ത് തുടരുമെന്നും നേതാക്കള് പറഞ്ഞു.
ഒമാൻ എയർ വിമാനം അടിയന്തിരമായി മുംബൈയിൽ തിരിച്ചിറക്കി; യന്ത്ര തകരാറെന്ന് റിപ്പോർട്ട്!
കോണ്ഗ്രസ് അധ്യക്ഷ സ്ഥാനത്ത് നിന്നുള്ള രാഹുല്ഗാന്ധിയുടെ പരസ്യമായ രാജി പ്രഖ്യാപനത്തിന് പിന്നാലെ മോത്തിലാല് വോറയെ തെരഞ്ഞെടുത്തതായി റിപ്പോര്ട്ടുകളുണ്ടായിരുന്നു. എന്നാൽ ഇക്കാര്യത്തിൽ സ്ഥിരീകരണം ഒന്നും വന്നിട്ടില്ല.
അതേസമയം തന്നെ ഇടക്കാല അധ്യക്ഷനാക്കിയെന്ന വാര്ത്തകള് സംബന്ധിച്ച് തനിക്ക് അറിവൊന്നുമില്ലെന്ന് മോത്തിലാല് വോറ പ്രതികരിച്ചിട്ടുമുണ്ട്. ലോക്സഭാ തെരഞ്ഞെടുപ്പ് തോല്വിയുടെ ഉത്തരവാദിത്തം തനിക്കാണെന്ന് രാഹുല് കത്തില് പറയുന്നു. കോണ്ഗ്രസിന്റെ നിര്ണായകമായ ഭാവിയിലും വളര്ച്ചയിലും തനിക്ക് ഉത്തരവാദിത്തമുണ്ട്. അതുകൊണ്ടാണ് രാജിവെക്കുന്നതെന്നും വ്യക്തമാക്കിയിട്ടുണ്ട്.
രാഷ്ട്രീയ അധികാരത്തിനായുള്ള ലളിതമായ ഒരു പോരാട്ടമല്ലായിരുന്നു തന്റേതെന്നും തനിക്ക് ബിജെപിയോട് വിദ്വേഷമോ പകയോ ഇല്ല. എന്നാല് തന്റെ ശരീരത്തിലെ എല്ലാ കോശങ്ങളും ആര്എസ്എസിന്റെയും ബിജെപിയുടെയും ആശയങ്ങളെ വ്യക്തമായി പ്രതിരോധിക്കുമെന്നും രാഹുല് പറയുന്നു.