വെജിറ്റേറിയന് ഭക്ഷണമെന്നാല് റെയില്വേയ്ക്ക് 'നോണ്വെജാണ് '
ബാംഗ്ലൂര്: വെജിറ്റേറിയന് ഭക്ഷണവും നോണ്വെജിറ്റേറിയന് ഭക്ഷണവും തിരിച്ചറിയാന് ഇന്ത്യന് റെയില്വേയ്ക്ക് അറിയില്ലേ. അല്ലെങ്കില് പിന്നെ പച്ചക്കറിയില് എല്ലിന് കഷ്ണങ്ങള് ചേര്ത്ത് വിളമ്പുമോ. അല്ല ഈ ഭക്ഷണത്തിനെ വെജിറ്റേറിയന് എന്ന് പറയുമോ നോണ്വെജിറ്റേറിയന് എന്ന് പറയുമോ. ബാംഗഌര് സ്വദേസിയായ ഒരു ബിസിനസുകാരന്റെ സംശയമാണിത്. വെറുതെയുള്ള സംശയമൊന്നുമല്ല ട്രെയിനില് നിന്ന് ഭക്ഷണം കഴിയ്ക്കേണ്ടി വന്നതിനെത്തുടര്ന്ന് ചോദിയ്ക്കേണ്ടി വന്നതാണ്.
ദില്ലിയില് നിന്ന് ഗുവാഹട്ടിയിലേയ്ക്കുള്ള രാജാധാനി എക്സ്പ്രസിലെ യാത്രയ്ക്കിടെയാണ് 65 കാരനായ ബിസിനസുകാരന് ദുരനുഭവം ഉണ്ടായത്. ജീവിതത്തില് ഇതുവരെ നോണ്വെജ് ഭക്ഷണത്തിന്റെ രുചി അറിയാത്ത അദ്ദേഹം വെജിറ്റേറിയന് ഭക്ഷണമാണ് ആവശ്യപ്പെട്ടത്. എന്തായാവും ബ7ണം ആസ്വദിച്ച് കഴിയ്ക്കുന്നതിനിടെ വെജിറ്റബിള് കറിയില് നിന്നതാ കിട്ടുന്നു എല്ലിന് കഷ്ണങ്ങളും മാംസവും. തുടര്ന്ന് യാത്രക്കാരന് കംപാര്ട്ട്മെന്റ് മാനേജറിനോട് പരാതിപ്പെട്ടു. എന്നാല് താന് പറയുന്നത് കേള്ക്കാന് പോലും അദ്ദേഹം തയ്യാറായില്ലെന്നും യാത്രക്കാരന്.
കഴിച്ച കറിയുടെ ബാക്കി ഉള്പ്പടെ പാന്ട്രി കാര് മാനേജരെ കാട്ടിയെങ്കിലും ആദ്യം അയാളും തനിയ്ക്ക് നേരെ തട്ടിക്കയറുകയായിരുന്നെന്ന് യാത്രക്കാരന് പറയുന്നു. തുടര്ന്ന് മാധ്യമങ്ങളെ വിവരം അരിയിക്കുകയും ഗവാഹട്ടിയില് എത്തിയപ്പോള് കാര്യങ്ങള് വിശദീകരിയ്ക്കുകയും ചെയ്തു. തുടര്ന്ന് പാന്ട്രികാര് മാനേജര് തങ്ങള്ക്ക് തെറ്റ് പറ്റിയതാണെന്നും പറഞ്ഞു.