കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അടുത്തത് കെജ്രിവാള്‍, രഘുറാം രാജന്‍ പോയി... പറയുന്നത് സ്വാമി

Google Oneindia Malayalam News

ദില്ലി: രഘുറാം രാജന്‍ ആയിരുന്നു കുറച്ച് നാളായിട്ട് സുബ്രഹ്ണ്യം സ്വാമിയുടെ ലക്ഷ്യങ്ങളില്‍ ഒന്ന്. താന്‍ എന്തായാലും റിസര്‍വ്വ് ബാങ്ക് ഗവര്‍ണര്‍ സ്ഥാനത്ത് രണ്ടാമൂഴത്തിനില്ലന്ന് രഘുറാം രാജന്‍ വ്യക്തമാക്കിക്കഴിഞ്ഞു. ഇത് തന്റെ വിജയമായിട്ടാണ് ഇപ്പോള്‍ സുബ്രഹ്മണ്യം സ്വാമി കരുതുന്നത് എന്നാണ് തോന്നുന്നത്.

രഘുറാം രാജന് ശേഷം താന്‍ ലക്ഷ്യമിടുന്നത് ദില്ലി മുഖ്യമന്ത്രി അരവിന്ദ് കെജ്രിവാളിനെ ആണെന്നാണ് ഇപ്പോള്‍ സ്വാമി പറയുന്നത്. കെജ്രിവാളിന്റെ വീടിന് മുന്നില്‍ ബിജെപി പ്രവര്‍ത്തകര്‍ നടത്തിയ പ്രതിഷേധ പരിപാടിയില്‍ സംസാരിയ്ക്കവേയാണ് സുബ്രഹ്മണ്യം സ്വാമിയുടെ 'ഭീഷണി'.

Subramanian Swamy

കെജ്രിവാള്‍ ഒരു പാട് തട്ടിപ്പുകള്‍ നടത്തിയിട്ടുള്ള ആളാണെന്നാണ് സുബ്രഹ്മണ്യം സ്വാമി പറയുന്നത്. കെജ്രിവാളിന്റെ ഐഐടി പ്രവേശനത്തെ കുറിച്ചും സ്വാമി ആക്ഷേപം ഉന്നയിച്ചു. കെജ്രിവാളിന് ഐഐടിയില്‍ പ്രവേശനം ലഭിച്ചത് എങ്ങനെയാണെന്ന് തനിയ്ക്കാറിയാമെന്നും അത് പത്രസമ്മേളനത്തില്‍ വെളിപ്പെടുത്തും എന്നുമാണ് പ്രസംഗത്തില്‍ സ്വാമി പറഞ്ഞത്.

ഇതുവരെ താന്‍ രഘുറാം രാജന്റെ പിറകേ ആയിരുന്നു. ഇപ്പോള്‍ അദ്ദേഹം പോയി എന്നായിരുന്നു സ്വാമി പ്രസംഗിച്ചത്. കെജ്രിവാളിന് ഐഐടിയില്‍ പ്രവേശനം ലഭിച്ചത് എങ്ങനെയാണ് എന്നത് സംബന്ധിച്ച് തന്റെ കൈവശം തെളിവുകളുണ്ടെന്നും സ്വാമി അവകാശവാദം ഉന്നയിക്കുന്നുണ്ട്.

രഘുറാം രാജനെതിരെ ട്വിറ്ററില്‍ ആയിരുന്നു സ്വാമിയുടെ യുദ്ധ പ്രഖ്യാപനം. പിന്നീട് രാജനെ തുടരാന്‍ അനുവദിയ്ക്കരുതെന്ന് ആവശ്യപ്പെട്ട് പ്രധാനമന്ത്രിയ്ക്ക് കത്തയയ്ക്കുകയും ചെയ്തു.

English summary
'Rajan Gone', Arvind Kejriwal Next: Subramanian Swamy Warns At BJP MP's Protest.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X