ലൈംഗിക ചൂഷണം; ബിജെപി നേതാവിന്റെ മകനെതിരെ യുവതിയുടെ പരാതി
ജോധ്പുര്: ബിജെപി നേതാവിന്റെ മകന് ലൈംഗികമായി പീഡിപ്പിച്ചെന്നു കാട്ടി യുവതി പോലീസില് പരാതി നല്കി. കൊല്ക്കത്തയില് സ്ത്രീകളുടെ വസ്ത്രാലയം നടത്തുന്ന യുവതിയാണ് പരാതിക്കാരി. രാജസ്ഥാനിലെ ജോധ്പുരില് ബിജെപി കൗണ്സിലര് ഹരിഗോപാലിന്റെ മകനായ ഗോപാല് രതി രണ്ടുവര്ഷമായി തന്നെ വിവാഹ വാഗ്ദാനം നല്കി ലൈംഗികമായി പീഡിപ്പിച്ചുവരിയാണെന്ന് യുവതിയുടെ പരാതിയില് പറയുന്നു.
2013ലാണ് യുവതിയും ഗോപാലും ആദ്യമായി കണ്ടുമുട്ടുന്നത്. കടയില് വസ്ത്രങ്ങള് വാങ്ങാനെത്തിയതായിരുന്നു ഗോപാല്. അവിടെവച്ചുണ്ടായ പരിചയം പിന്നീട് പ്രണയമായിവളര്ന്നു. വിവാഹവാഗ്ദാനം നല്കിയ ഗോപാല് ഇതിനിടെ യുവതിയെ ജോധ്പുരിലേക്ക് വിളിച്ചുവരുത്തി. അവിടെവച്ച് ഗോപാല് തന്നെ ബലാത്സംഗം ചെയ്തെന്ന് യുവതി പറഞ്ഞു.
പിന്നീട് രണ്ടുവര്ഷത്തിനിടെ പലയിടങ്ങളിലും വച്ച് പലസ്ഥലത്തും വച്ച് ഗോപാല് പീഡനത്തിന് ഇരയാക്കി. എന്നാല്, ഇപ്പോള് വിവാഹ വാഗ്ദാനത്തില് നിന്നും പിന്മാറിയിരിക്കുകയാണ്. വിവാഹവാഗ്ദാനം നല്കിയത് ലൈംഗികമായി പീഡിപ്പിക്കാനുള്ള ഉദ്ദേശത്തോടു കൂടിയുള്ളതായിരുന്നെന്ന് യുവതി ആരോപിക്കുന്നു.
അതേസമയം, തന്റെ മകനെതിരായ ആരോപണം കെട്ടിച്ചമച്ചതാണെന്ന് ഹരിഗോപാല് വ്യക്തമാക്കി. യുവതി രണ്ടുവര്ഷമായി മകനെ ബ്ലാക്ക്മെയില് ചെയ്യുകയാണ്. പണം ആവശ്യപ്പെട്ടായിരുന്നു ബ്ലാക്ക്മെയില്. ഇത് നല്കാത്തതിനെ തുടര്ന്നാണ് ഇപ്പോള് പരാതി നല്കിയിരിക്കുന്നതെന്ന് അദ്ദേഹം പറഞ്ഞു. കേസ് പോലീസ് അന്വേഷിച്ചുവരികയാണ്.