• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഐപിഎല്‍ മത്സരങ്ങള്‍ കേരളത്തിലേക്കില്ല, ചെന്നൈ ചെപ്പോക്കില്‍ തന്നെ കളിക്കുമെന്ന് രാജീവ് ശുക്ല!!

മുംബൈ: മലയാളി സ്വപ്‌നം കണ്ടതൊക്കെ വെറുതെയായി. ഐപിഎല്‍ മത്സരങ്ങള്‍ കേരളത്തില്‍ നടക്കില്ലെന്ന് ഉറപ്പായിരിക്കുകയാണ്. ഐപിഎല്‍ ഷെഡ്യൂള്‍ പ്രകാരം ചെന്നെ സൂപ്പര്‍ കിംഗ്‌സിന്റെ മത്സരം ഹോം ഗ്രൗണ്ടായ ചെപ്പോക്കില്‍ തന്നെ നടക്കുമെന്ന് ഐപിഎല്‍ ചെയര്‍മാന്‍ രാജീവ് ശുക്ല പറഞ്ഞു. ഇതോടെ മത്സരം മാറ്റാനുള്ള എല്ലാ സാധ്യതയും അവസാനിച്ചിരിക്കുകയാണ്. നേരത്തെ തങ്ങളുടെ പ്രിയപ്പെട്ട താരങ്ങള്‍ തിരുവനന്തപുരത്ത് കളിക്കാനിറങ്ങുമെന്നായിരുന്നു മലയാളികളുടെ പ്രതീക്ഷ. മുന്‍ ഇന്ത്യന്‍ ക്യാപ്റ്റന്‍ മഹേന്ദ്ര സിംഗ് ധോണി ചെന്നൈ ക്യാപ്റ്റനായതിനാലും ബെംഗളൂരുവില്‍ വിരാട് കോഹ്ലി ഉള്ളതിനാലും ഇവരെല്ലാം കേരളത്തില്‍ കളിക്കാന്‍ എത്തുന്നു എന്നതായിരുന്നു കേരളത്തെ സംബന്ധിച്ച് പ്രതീക്ഷ നല്‍കിയിരുന്ന കാര്യം.

കാവേരിയില്‍ പ്രതിഷേധം; ഐപിഎല്‍ മത്സരങ്ങള്‍ കേരളത്തിലേക്ക്!! ചെന്നൈയുടെ മത്സരം തിരുവനന്തപുരത്ത്?

കേരള ക്രിക്കറ്റ് അസോസിയേഷന്‍ മത്സരം തിരുവനന്തപുരത്ത് നടത്താന്‍ തയ്യാറാണെന്നും അറിയിച്ചിരുന്നു. എന്നാല്‍ രാജീവ് ശുക്ലയുടെ പരാമര്‍ശത്തോടെ ഇതെല്ലാം കാറ്റില്‍ പറന്നിരിക്കുകയാണ്. രാഷ്ട്രീയ വിവാദങ്ങളെ ഐപിഎല്ലിലേക്ക് വലിച്ചിഴക്കരുതെന്നും ശുക്ല പറഞ്ഞു. മത്സരത്തിനാവശ്യമായ സുരക്ഷാ ക്രമീകരണങ്ങള്‍ എര്‍പ്പെടുത്തുമെന്നും അദ്ദേഹം വ്യക്തമാക്കിയിട്ടുണ്ട്. അതേസമയം കാവേരി നദീജല തര്‍ക്കത്തിനെ തുടര്‍ന്നാണ് ചെന്നൈയുടെ ഹോം മത്സരങ്ങള്‍ കേരളത്തിലേക്ക് മാറ്റാന്‍ തീരുമാനിച്ചത്. ഈ വിഷയത്തില്‍ കേന്ദ്ര സര്‍ക്കാരിനെതിരെ സുപ്രീം കോടതി രൂക്ഷ വിമര്‍ശനമുന്നയിച്ചിട്ടുണ്ട്. അതും ഇക്കാര്യത്തില്‍ പ്രതിഫലിച്ചെന്നാണ് സൂചന. ചെന്നൈ സൂപ്പര്‍ കിംഗ്‌സ് അധികൃതര്‍ക്ക് മത്സരം ചെന്നൈയില്‍ തന്നെ നടത്താനാണ് താല്‍പര്യമെന്നാണ് സൂചന.

ചൊവ്വാഴ്ച്ച കൊല്‍ക്കത്ത നൈറ്റ് റൈഡേഴ്‌സിനെതിരെയാണ് ചെന്നൈയുടെ രണ്ടാമത്തെ മത്സരം. ചെപ്പോക്കില്‍ തന്നെ മത്സരം നടക്കുമെന്ന് ഉറപ്പായതോടെ ചെന്നൈ ടീമിന്റെ ആരാധകരും സന്തോഷത്തിലാണ്. മത്സരങ്ങള്‍ ചെന്നൈയില്‍ നടത്താന്‍ അനുവദിക്കില്ലെന്ന് പ്രതിപക്ഷ കക്ഷികള്‍ ഒരേ സ്വരത്തില്‍ പറയുന്നത്. നേരത്തെ സൂപ്പര്‍ താരങ്ങളായ രജനീകാന്തും കമല്‍ഹാസനും ഐപിഎല്‍ മത്സരങ്ങള്‍ക്കെതിരെ രംഗത്തുവന്നിരുന്നു. ഇത് ഐപിഎല്‍ കളിക്കേണ്ട സമയമല്ലെന്ന് രജനീകാന്ത് പറഞ്ഞിരുന്നു. ചെന്നൈ താരങ്ങള്‍ കറുത്ത ബാന്‍ഡ് അമിഞ്ഞ് കളത്തില്‍ ഇറങ്ങണമെന്നും അദ്ദേഹം ആവശ്യപ്പെട്ടിരുന്നു.

ഹര്‍ത്താല്‍ തകര്‍ക്കാന്‍ ആസൂത്രിതശ്രമം, മുസ്ലിം സമുദായം കൂടെയുള്ളത് അഭിമാനം, നസ്‌റുദ്ദീന്‍ സാംസ്‌കാരിക കേരളത്തിന് അപമാനം: രാംദാസ് വേങ്ങേരി

സുരേഷ് ഗോപിയേയും വഴിയില്‍ തടഞ്ഞു; ദളിത് ഹര്‍ത്താല്‍ ശക്തം, അങ്ങിങ്ങ് അക്രമം

English summary
Rajeev Shukla confirms CSK to play IPL 2018 matches in Chennai
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more