Click it and Unblock the Notifications
Just In
Don't Miss
-
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
ഫാഷൻ ലോകത്തെ താര റാണി; കൈയിലെത്തുന്നത് കോടികൾ; മാളവികയുടെ സമ്പാദ്യം; റിപ്പോർട്ട് -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
രാജീവ് ഗാന്ധി വധം: 26 വര്‍ഷത്തിന് ശേഷം പേരറിവാളന് പരോള്‍.. അമ്മയുടെ കണ്ണീരിന് അറുതി...
ചെന്നൈ: രാജീവ് ഗാന്ധി വധക്കേസില്‍ ജീവപര്യന്തം തടവ് ശിക്ഷ അനുഭവിക്കുന്ന പേരറിവാളന് നീണ്ട 26 വര്‍ഷങ്ങള്‍ക്ക് ശേഷം പുറത്തേക്ക്. പേരറിവാളന് ഒരു മാസത്തെ പരോളാണ് തമിഴ്നാട് സര്‍ക്കാര്‍ അനുവദിച്ചിരിക്കുന്നത്. പേരറിവാളന്റെ അമ്മ അര്‍പ്പുത അമ്മാളിന്റെ അപേക്ഷ പരിഗണിച്ചാണ് തമിഴ്നാട് സര്‍ക്കാരിന്റെ തീരുമാനം. പേരറിവാളന്റെ പിതാവിന്റെ ചികിത്സയുമായി ബന്ധപ്പെട്ടാണ് പരോള്‍ അനുവദിച്ചിരിക്കുന്നത്. സര്‍ക്കാര്‍ ഉത്തരവ് പ്രകാരം കഴിഞ്ഞ ദിവസം രാത്രി വെല്ലൂര്‍ ജയിലില്‍ നിന്നും 26 വര്‍ഷങ്ങള്‍ക്കിടെ ആദ്യമായി പേരറിവാളന് പുറത്തിറങ്ങി. സ്വീകരിക്കാനെത്തിയ വീട്ടുകാര്‍ക്കൊപ്പം പേരറിവാളന് ജോലാര്‍പേട്ടിലെ സ്വവസതിയിലേക്ക് പോയി. കനത്ത സുരക്ഷയാണ് പേരറിവാളന് ഒരുക്കിയിരിക്കുന്നത്.
രാജീവ് ഗാന്ധി വധക്കേസില്‍ പ്രതി ചേര്‍ക്കപ്പെട്ട് പത്തൊന്‍പതാമത്തെ വയസ്സിലാണ് പേരറിവാളന് ജയിലായത്. ഇപ്പോള്‍ 45 വയസ്സുണ്ട് പേരറിവാളന്. എല്‍എടിടിഇ പ്രവര്‍ത്തകര്‍ക്ക് രാജീവ് ഗാന്ധിയെ കൊലപ്പെടുത്താനുള്ള ബോംബുണ്ടാക്കാന്‍ ബാറ്ററി വാങ്ങി നല്‍കി സഹായിച്ചുവെന്നതാണ് പേരറിവാളന് മേല്‍ ചുമത്തിയ കുറ്റം. എന്നാല്‍ സിബിഐ അന്വേഷണ ഉദ്യോഗസ്ഥനായ മുന്‍ എസ് പി ത്യാഗരാജന്‍ പേരറിവാളനെ കുടുക്കിയതാണെന്ന് പിന്നീട് വെളിപ്പെടുത്തിയിരുന്നു. പേരറിവാളന്റെ അമ്മ അര്‍പ്പുത അമ്മാള്‍ മകന് വേണ്ടി വര്‍ഷങ്ങളായി നടത്തുന്ന പോരാട്ടം ദേശീയ ശ്രദ്ധ ആകര്‍ഷിച്ചതാണ്. അര്‍പ്പുത അമ്മാളിന്റെ പ്രാര്‍ത്ഥനകള്‍ക്കാണ് ഇപ്പോള്‍ ചെറിയമട്ടിലെങ്കിലും, ഫലമുണ്ടായിരിക്കുന്നത്.
