രാജീവ് കുമാർ പുതിയ ധനകാര്യ സെക്രട്ടറി; നിയമനം സുഭാഷ് ചന്ദ്രഗാർഗിനെ മാറ്റിയതിന് പിന്നാലെ
ദില്ലി: കേന്ദ്ര ധനകാര്യ സെക്രട്ടറിയായി രാജീവ് കുമാറിനെ നിയമിച്ചു. ധനകാര്യ സെക്രട്ടറി ആയിരുന്ന സുഭാഷ് ചന്ദ്ര ഗാർഗിനെ ഊർജ്ജ മന്ത്രാലയത്തിലേക്ക് മാറ്റിയതിന് പിന്നാലെയാണ് നടപടി. സ്ഥാന ചലനത്തിന് പിന്നാലെ സുഭാഷ് ചന്ദ്ര ഗാർഗ് സ്വയം വിരമിക്കലിനുള്ള അപേക്ഷ സമർപ്പിച്ചിരുന്നു.
ധനമന്ത്രാലയത്തിലെ 5 സെക്രട്ടറിമാരിൽ ഏറ്റവും സീനിയറാണ് രാജീവ് കുമാർ. 1984 ബാച്ചിലെ സിവിൽ സർവ്വീസ് ഉദ്യോഗസ്ഥനാണ് അദ്ദേഹം. ബുധനാഴ്ചയാണ് ധനമന്ത്രാലയത്തിന്റെ ചുമതലയിൽ നിന്നും ഗാർഗിനെ മാറ്റിക്കൊണ്ടുള്ള ഉത്തരവ് പുറത്തിറങ്ങിയത്.
എക്കണോമിക് അഫയേഴ്സ് ഡിപ്പാർട്ട്മെന്റിലും അദ്ദേഹം സേവനം അനുഷ്ഠിച്ചിട്ടുണ്ട്. ധനമന്ത്രാലയത്തെ അപേക്ഷിച്ച് പ്രധാന്യം കുറഞ്ഞ വകുപ്പായാണ് ഊർജ്ജ വകുപ്പിനെ കണക്കാക്കുന്നത്. 12 മന്ത്രാലയങ്ങളിടെ ഉന്നത ഉദ്യോഗസ്ഥർക്ക് കഴിഞ്ഞ ദിവസം കേന്ദ്ര സർക്കാർ സ്ഥാന ചലനം നൽകിയിരുന്നു.
Click it and Unblock the Notifications
Sign in with Google