• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

രാജ്യസഭാംഗം അമര്‍ സിങ് അന്തരിച്ചു; ഉത്തര്‍ പ്രദേശ് രാഷ്ട്രീയത്തിലെ കരുത്തനായ നേതാവ്

ദില്ലി: രാജ്യസഭാംഗവും സമാജ്‌വാദി പാര്‍ട്ടി മുന്‍ നേതാവുമായ അമര്‍ സിങ് (64) അന്തരിച്ചു. സിംഗപ്പൂരില്‍ ചികില്‍സയിലുള്ള അദ്ദേഹം ശനിയാഴ്ച ഉച്ചയ്ക്ക് ശേഷമാണ് മരിച്ചതെന്ന് കുടുംബാംഗങ്ങള്‍ അറിയിച്ചു. ഏറെ കാലമായി ചികില്‍സയിലാണ് അദ്ദേഹം. ഏഴ് മാസത്തിലധികമായി സിംഗപ്പൂരിലെ ചകില്‍സ തുടങ്ങിയിട്ട്. 2013 മുതല്‍ വൃക്ക രോഗമുണ്ട് അമര്‍ സിങിന്. അദ്ദേഹം ഐസിയുവിലാണെന്ന് അടുത്തിടെ ചില മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

സിംഗപ്പൂരിലെ മൗണ്ട് എലിസബത്ത് ആശുപത്രിയിലായിരുന്നു ചികില്‍സ. നേരത്തെ വൃക്ക മാറ്റിവച്ചിരുന്നു. ഇന്ന് രാവിലെ സ്വാതന്ത്ര്യ സമര സേനാനി ബാല ഗംഗാദര തിലകന്റെ ഓര്‍മ പങ്കുവച്ച് ട്വീറ്റ് ചെയ്തിരുന്നു. ബാല ഗംഗാദര തിലകന്റെ ചരമ വാര്‍ഷികമാണിന്ന്. കൂടാതെ അമര്‍സിങ് ബലി പെരുന്നാള്‍ ആശംസകളും നേര്‍ന്നിരുന്നു. രോഗം മൂര്‍ച്ഛിക്കുന്നത് വരെ അദ്ദേഹം സോഷ്യല്‍ മീഡിയയില്‍ സജീവമായിരുന്നു എന്നാണ് അദ്ദേഹത്തിന്റെ സമൂഹ മാധ്യമ അക്കൗണ്ടുകള്‍ പരിശോധിച്ചാല്‍ വ്യക്തമാകുക.

അദ്വാനിയെയും ജോഷിയെയും വിളിച്ചില്ല... അയോധ്യയില്‍ മോദിയും യോഗിയും സ്‌റ്റേജില്‍, ഷാ എത്തിയേക്കും

cmsvideo
    Masks that can be used to get rid of Corona | Oneindia Malayalam

    കഴിഞ്ഞ മാര്‍ച്ച് 22ന് ആശുപത്രി കിടക്കയില്‍ നിന്ന് ഒരു വീഡിയോ സന്ദേശം അദ്ദേഹം ട്വീറ്റ് ചെയ്തിരുന്നു. കൊറോണ രോഗ പ്രതിരോധ രംഗത്ത് എല്ലാവരും പ്രധാനമന്ത്രി നരേന്ദ്ര മോദിയെ പിന്തുണയ്ക്കണമെന്നായിരുന്നു വീഡിയോ സന്ദേശം. മാര്‍ച്ച് ആദ്യത്തില്‍ ഇദ്ദേഹം മരിച്ചുവെന്ന് അഭ്യൂഹങ്ങള്‍ പരന്നിരുന്നു. എന്നാല്‍ അത് വ്യാജ വിവരങ്ങളാണെന്ന് വ്യക്തമക്കി അമര്‍ സിങ് മാര്‍ച്ച് രണ്ടിന് മറ്റൊരു വീഡിയോയും ചെയ്തിരുന്നു. കടുവ ജീവനോടെയുണ്ട് എന്ന വാചകത്തോടൊപ്പമായിരുന്നു വീഡിയോ.

    'പഴയ വീഞ്ഞ് പുതിയ കുപ്പിയില്‍'; കോണ്‍ഗ്രസ് നീക്കത്തില്‍ ബിജെപിക്ക് അമ്പരപ്പ്, ഇനി വന്‍ മുന്നേറ്റം

    നേരത്തെ സമാജ്‌വാദി പാര്‍ട്ടിയുടെ ശക്തനായ നേതാവിയിരുന്നു അമര്‍ സിങ്. പാര്‍ട്ടി നേതാവ് മുലായം സിങ് യാദവിന്റെ വലംകൈ ആയിട്ടാണ് അറിയപ്പെട്ടിരുന്നത്. പിന്നീട് അഭിപ്രായ ഭിന്നതകള്‍ കാരണം രാജിവച്ച് സ്വന്തമായി പാര്‍ട്ടി രൂപീകരിച്ചു. ഒരിക്കലും സമാജ്‌വാദി പാര്‍ട്ടിയിലേക്ക് തിരിച്ചുപോകില്ലെന്നാണ് അമര്‍ സിങ് അടുത്തിടെ പറഞ്ഞത്. പാര്‍ട്ടിയില്‍ നിന്ന് പുറത്താക്കപ്പെട്ട ശേഷം അതുവരെ പാര്‍ട്ടിയില്‍ വഹിച്ചിരുന്ന എല്ലാ പദവികളും 2010ല്‍ രാജിവച്ചിരുന്നു.

    ബംഗാളില്‍ രാഷ്ട്രീയ 'ഭൂകമ്പം' നിലച്ചു: ബിജെപിക്ക് അപ്രതീക്ഷിത തിരിച്ചടി; ബിപ്ലബ് മിത്ര രാജിവച്ചു

    English summary
    Rajya Sabha member and former Samajwadi Party leader Amar Singh died
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X