Click it and Unblock the Notifications
Just In
-
-
-
Don't Miss
-
ഭൂമിക്കരികില് ഭീമന് തമോഗര്ത്തം; സൂര്യനേക്കാള് 33 മടങ്ങ് വലുത്, കണ്ടെത്തിയതില് ഏറ്റവും വലുത് -
ഞാനാണ് ദൈവം; ഇത്രയൊക്കെയായിട്ടും രക്തം റീ പ്രൊഡ്യൂസ് ചെയ്യാൻ പറ്റിയിട്ടില്ലല്ലോ; ഉണ്ണി മുകുന്ദൻ -
ഇതൊരു ബൂം ചിക്കാ വാവ മൊമെന്റ്; കേരളത്തിന് ആദ്യമായി ഡബിൾ ഡക്കർ ട്രെയിൻ -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
IPL 2024: ബട്ലറല്ല, ആര്ആറിനെ ജയിപ്പിച്ചത് പവല്! ടീം തന്ത്രം വെളിപ്പെടുത്തി വിന്ഡീസ് താരം -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ഭൂരിപക്ഷത്തിന്റെ വീക്ഷണം അടിച്ചമര്‍ത്താന്‍ ശ്രമിക്കുന്നു; ഷഹീന്‍ബാഗ് സമരത്തിനെതിരെ കേന്ദ്രമന്ത്രി
ദില്ലി: പൗരത്വ ഭേദഗതി നിയമത്തിനെതിരെ ഷഹീന്‍ബാഗിലെ വീട്ടമ്മമാര്‍ നടത്തുന്ന സമരത്തിനെതിരെ കേന്ദ്ര നിയമ മന്ത്രി രവിശങ്കര്‍ പ്രസാദ്. ഭൂരിപക്ഷ വീക്ഷണത്തെ അടിച്ചര്‍മത്താനാണ് ഷഹീന്‍ബാഗിലെ സമരക്കാര്‍ ശ്രമിക്കുന്നതെന്ന് അദ്ദേഹം കുറ്റപ്പെടുത്തി. കോണ്‍ഗ്രസ് നേതാവ് രാഹുല്‍ ഗാന്ധിയും ദില്ലി മുഖ്യമന്ത്രി അരവിന്ദ് കെജ്രിവാളും ടുക്‌ഡെ ടുക്‌ഡെ ഗ്യാങിനൊപ്പം നില്‍ക്കുകയാണെന്നും അദ്ദേഹം ആരോപിച്ചു.
സമാധാനപ്രിയരായ ഭൂരിപക്ഷത്തെ അടിച്ചമര്‍ത്തണമെന്ന് ആവശ്യപ്പെടുകയാണ് ഷഹീന്‍ബാഗിലെ ചിലര്‍. ഇതാണ് ഷഹീന്‍ബാഗിലെ യഥാര്‍ഥ മുഖം. രാജ്യത്തിന് മുമ്പില്‍ ഇക്കാര്യം തുറന്നുകാണിക്കല്‍ പ്രധാനമാണ്. രാഹുലും കെജ്രിവാളും ഈ വിഷയത്തില്‍ മൗനം പാലിക്കുകയാണെന്നും രവിശങ്കര്‍ പ്രസാദ് കുറ്റപ്പെടുത്തി. ഷഹീന്‍ബാഗില്‍ നടക്കുന്ന സമരം പൗരത്വ നിമയത്തിനെതിരെ അല്ല. മോദിക്കെതിരെയാണെന്നും കേന്ദ്ര മന്ത്രി പറഞ്ഞു.
പൗരത്വ നിയമത്തിനെതിരെ തെക്കന്‍ ദില്ലിയിലെ ഷഹീന്‍ ബാഗില്‍ സമരം തുടങ്ങിയത് കഴിഞ്ഞ ഡിസംബര്‍ 15നാണ്. പ്രദേശത്തെ വീട്ടമ്മമാരും കുട്ടികളുമാണ് സമരം നടത്തുന്നത്. കഴിഞ്ഞദിവസം ദളിത് നേതാവ് ചന്ദ്രശേഖര്‍ ആസാദ് ഇവിടെ എത്തി സമരത്തിന് പിന്തുണ പ്രഖ്യാപിച്ചിരുന്നു. മാത്രമല്ല, രാജ്യത്ത് 500 ഷഹീന്‍ ബാഗ് മോഡല്‍ സമരം ആരംഭിക്കുമെന്നും അദ്ദേഹം പ്രഖ്യാപിച്ചിരുന്നു.
ദശലക്ഷക്കണക്കിന് ആളുകള്‍ മൗനം പാലിക്കുകയാണ്. എന്നാല്‍ ഷഹീന്‍ബാഗിലെ ചിലര്‍ അനാവശ്യമായ വിവാദമുണ്ടാക്കുന്നു. കെജ്രിവാളും മനീഷ് സിസോദിയയും അവര്‍ക്കൊപ്പം നില്‍ക്കുന്നുവെന്നും രവിശങ്കര്‍ പ്രസാദ് പറഞ്ഞു.
അതേസമയം, കേന്ദ്രമന്ത്രിക്ക് മറുപടിയുമായി കെജ്രിവാള്‍ രംഗത്തുവന്നു. ഷഹീന്‍ബാഗ് സമരം മൂലം ഒട്ടേറെ പേര്‍ പ്രതിസന്ധി നേരിടുന്നുണ്ട്. ബിജെപിക്ക് റോഡ് ഗതാഗത യോഗ്യമാക്കണമെന്നില്ല. അവര്‍ രാഷ്ട്രീയം കളിക്കുകയാണ്. ബിജെപി നേതാക്കള്‍ എത്രയും വേഗം ഷഹീന്‍ബാഗിലെ സമരക്കാരുമായി ചര്‍ച്ച നടത്തി റോഡ് ഗതാഗത യോഗ്യമാക്കണമെന്നും കെജ്രിവാള്‍ ആവശ്യപ്പെട്ടു.
