കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബച്ചന്റെ മുന്‍ കാമുകി രേഖയും സഞ്ജയ് ദത്തും വിവാഹിതരായിരുന്നു; ബോളിവുഡില്‍ വിവാദം

  • By Anwar Sadath
Google Oneindia Malayalam News

മുംബൈ: അമിതാഭ് ബച്ചന്റെ മുന്‍ കാമുകിയും ബോളിവുഡിലെ സ്വപ്‌ന സുന്ദരിയുമായിരുന്ന രേഖയും നടന്‍ സഞ്ജത് ദത്തും വിവാഹിതരായിരുന്നെന്ന് വാര്‍ത്ത പരന്നു. യാസില്‍ ഉസ്മാന്‍ പുറത്തിറക്കുന്ന രേഖയെ കുറിച്ചുള്ള ദി അണ്‍ടോള്‍ഡ് സ്‌റ്റോറി എന്ന പുസ്തകത്തില്‍ ഇക്കാര്യം സൂചിപ്പിക്കുന്നുണ്ടെന്നായിരുന്നു ഞായറാഴ്ച വൈകിട്ടോടെ റൂമറുകള്‍ പരന്നത്.

എന്നാല്‍, വാര്‍ത്ത പരന്നതോടെ ഇക്കാര്യം നിഷേധിച്ച് യാസിര്‍ രംഗത്തെത്തി. രേഖയുമായി ദത്തിന്റെ വിവാഹം നടന്നിരുന്നില്ലെന്നാണ് യാസിര്‍ പറയുന്നത്. 1984ല്‍ ഇരുവരും സമീന്‍ ആസ്മാന്‍ എന്ന സിനിമയില്‍ ഒരുമിച്ച് അഭിനയിച്ചിരുന്നു. അന്ന് സെറ്റില്‍ ഇരുവരും അടുത്ത സുഹൃത്തുക്കളുമായിരുന്നു. ഇതേ തുടര്‍ന്ന് സെറ്റിലുള്ളവരാണ് ഇവരുടെ വിവാഹം കഴിഞ്ഞെന്ന വാര്‍ത്ത പ്രചരിപ്പിച്ചത്.

rekhaandsanjaydutt

എന്നാല്‍, അന്നുതന്നെ സഞ്ജയ് ദത്ത് ഇക്കാര്യം നിഷേധിച്ചിട്ടുള്ളതാണെന്ന് യാസിര്‍ സൂചിപ്പിക്കുന്നു. സഞ്ജയ് ദത്തിന്റെ മോശം കാലത്ത് അയാളെ അതില്‍ നിന്നും രക്ഷപ്പെടുത്താന്‍ രേഖ സഹായിച്ചിട്ടുണ്ട്. ഇതല്ലാതെ ഇവര്‍ തമ്മില്‍ മറ്റു ബന്ധങ്ങളൊന്നുമുണ്ടായിട്ടില്ല. ഇപ്പോള്‍ നടക്കുന്നത് മോശം പത്രപ്രവര്‍ത്തനമാണെന്നും യാസിര്‍ വിമര്‍ശിച്ചു.

അതേസമയം, ശൈലേന്ദ്ര സിങ്, കമല്‍ ഹാസന്‍, നിര്‍മാതാവ് രാജീവ് കുമാര്‍ തുടങ്ങിയവരുമായുള്ള രേഖയുടെ അടുപ്പത്തെക്കുറിച്ച് യാസിര്‍ തന്റെ ബുക്കില്‍ സൂചിപ്പിക്കുന്നുണ്ടെന്നാണ് വിവരം. എന്നാല്‍, രേഖയുടെ ജീവചരിത്രമെഴുതുന്നയാള്‍ തന്നെയാണ് തന്റെ പുസ്തകത്തിനുവേണ്ടി ഇപ്പോള്‍ വ്യാജ പ്രചരണം നടത്തുന്നതെന്നും ആരോപണമുണ്ട്.

English summary
Rekha married to Sanjay Dutt? Her biographer denies rumours
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X