അടുത്ത അഞ്ച് വർഷത്തിനുള്ളിൽ അസമിൽ 50,000 കോടി രൂപ നിക്ഷേപിക്കും; മുകേഷ് അംബാനി

ഡൽഹി: അടുത്ത അഞ്ച് വർഷത്തിനുള്ളിൽ അസമിൽ 50,000 കോടി രൂപ നിക്ഷേപിക്കാൻ തീരുമാനിച്ചിട്ടുണ്ടെന്ന് റിലയൻസ് ഇൻഡസ്ട്രീസ് ലിമിറ്റഡ് (ആർഐഎൽ) ചെയർമാനും മാനേജിങ് ഡയറക്ടറുമായ മുകേഷ് അംബാനി. ​ഗുവാഹത്തിൽ നടന്ന അഡ്വാന്റേജ് അസം 2.0 ഇൻവെസ്റ്റ്മെന്റ് ആന്റ് ഇൻഫ്രാസ്ട്രക്ച്ചർ ഉച്ചകോടി 2025 അഭിസംബോധന ചെയ്ത് കൊണ്ട് മുകേഷ് അംബാനി സംസ്ഥാനത്തിന്റെ വികസനത്തിന് പ്രത്യേകിച്ച് സാങ്കേതിക, ഡിജിറ്റൽ മേഖലകളിൽ റിലയൻസ് ​ഗ്രൂപ്പിന്റെ ദീർഘകാല പ്രതിബദ്ധതയെക്കുറിച്ച് അദ്ദേഹം പറഞ്ഞു.

വരും വർഷങ്ങളില്‌ റിലയൻസ് അസമിലെ നിക്ഷേപം നാലിരട്ടിയാക്കി 50000 കോടി രൂപയായി ഉയർത്തുമെന്ന് മുകേഷ് അംബാനി പറഞ്ഞു. സംസ്ഥാനത്തെ ടെലികോം ഇൻഫ്രാസ്ട്രക്ചർ നവീകരിക്കുന്നതിലും 2 ജിയിൽ നിന്ന് മോചിപ്പിച്ചതിലും 5 ജി നെറ്റ് വർക്ക് ഉപയോ​ഗിച്ച് ശാക്തീകരിക്കുന്നതിലും ജിയോ പ്രധാന പങ്കുവഹിച്ചതായി മുകേഷ് അംബാനി പറഞ്ഞു. 2018 ഉച്ചകോടിയിൽ കമ്പനി മുൻപ് 5000 കോടിയുടെ നിക്ഷേപം നടത്തിയതെങ്ങനെയെന്ന് മുകേഷ് അംബാനി പറഞ്ഞു.

" റിലയൻസ് അസമിൽ ഒര എഐ റെഡി ഡാറ്റ സെന്റർ സ്ഥാപിക്കും. ഇതോടെ വിദ്യാർത്ഥികൾക്ക് എ ഐ അധ്യാപകരിൽ നിന്ന് പ്രയോജനം ലഭിക്കും. രോ​ഗികൾക്ക് എ ഐ സഹായത്തോടെയുള്ള ഡോക്ടർമാരിൽ നിന്നും പ്രയോജനം ലഭിക്കും. കൃഷിക്ക് എ ഐ സഹായത്തോടെയുള്ള കർഷകരിൽ നിന്ന് പ്രയോജനം ലഭിക്കും. കൂടാതെ എ ഐ അസമിലെ യുവാക്കളെ വീട്ടിൽ നിന്ന് പഠിക്കാനും വീട്ടിൽ നിന്ന് സമ്പാദിക്കാനും സഹായിക്കും" മുകേഷ് അംബാനി പറഞ്ഞു.

കൂടാതെ ​ഗവൺമെന്റിന്റെ പുതിയ നയത്തിന് അനുസൃതമായി അസമിനെ ശുദ്ധവും ഹരിതവുമായ ഊർജ്ജത്തിന്റെ കേന്ദ്രമാക്കി മാറ്റുന്നതിന് റിലയൻസ് ​ഗ്രൂപ്പും സംഭാവന നൽകും. സംസ്ഥാനത്തെ തരിശ്ഭൂമിയിൽ തന്റെ കമ്പനി കംപ്രസ്ഡ് ബയോഗ്യാസ് (സിബിജി)യുടെ രണ്ട് മികച്ച ഹബ്ബുകൾ നിർമ്മിക്കുമെന്ന് അദ്ദേഹം പറഞ്ഞു. " ഇവ പ്രതിവർഷം 8 ലക്ഷം ടൺ ശുദ്ധമായ ബയോ​ഗ്യാസ് ഉത്പാദിപ്പിക്കും. ഇത് പ്രതിദിനം 2 ലക്ഷം പാസഞ്ചർ വാഹനങ്ങൾക്ക് ഇന്ധനം നൽകും, " മുകേഷ് അംബാനി പറഞ്ഞു.

‍അസമിലെ വിപുലമായ കൃഷി, ഹോർട്ടികൾച്ചർ രീതികളിൽ നിന്നുള്ള ഉൽ‌പന്നങ്ങളുടെ മൂല്യം കൂട്ടുക എന്ന ലക്ഷ്യത്തോടെ സംസ്ഥാനത്ത് ഒരു മെ​ഗാ ഫുഡ് പാർക്ക് സ്ഥാപിക്കും. ഞങ്ങൾ ഇതിനകം തന്നെ അസമിൽ കാമ്പയ്ക്കായി ഒരു ലോകോത്തര ബോട്ടിലിം​ഗ് പ്ലാന്റും പാക്കേജുചെയ്ത കുടിവെള്ളത്തിന്റെ ഒരു സ്വതന്ത്ര ശ്രേണിയും സ്ഥാപിച്ചിട്ടുണ്ട്, മുകേഷ് അംബാനി പറഞ്ഞു.
‌
അസമിന്റെ ഹോസ്പിറ്റിലിറ്റി മേഖലയെ സമനിലയിലാക്കാൻ സംസ്ഥാനത്തിന്റെ ഹൃദയഭാ​ഗത്ത് ഒരു സെവൻ സ്റ്റാർ ഒബ്‌റോയ് ഹോട്ടൽ നിർമ്മിക്കുമെന്നും അദ്ദേഹം പറഞ്ഞു. ഇതിനെല്ലാം ഉപരിയായി അടുത്ത അഞ്ച് വർഷത്തിനുള്ളിൽ രാജ്യത്തെ റിലയൻസ് റീട്ടെയിൽ സ്റ്റോറുകളുടെ എണ്ണം ഏകദേശം 400 ൽ നിന്ന് 800 സ്റ്റോറുകളായി ഇരട്ടിയാക്കും.

പ്രധാനമന്ത്രി നരേന്ദ്ര മോദിയുടെ ഭരണത്തിന്റെ കീഴിൽ സംസ്ഥാനം സാക്ഷ്യം വഹിച്ച പരിവർത്തനത്തെയാണ് ഉച്ചകോടിയുടെ പ്രമേയം പ്രതിഫലിക്കുന്നതെന്ന് മുകേഷ് അംബാനി പറഞ്ഞു. അദ്ദേഹത്തിൻ്റെ നേതൃത്വത്തെ പ്രശംസിച്ചു. പ്രധാനമന്ത്രി മോദി അസമിൽ കൊണ്ടുവന്ന നാല് പ്രധാന നേട്ടങ്ങൾ മുകേഷ് അംബാനി പറഞ്ഞു. വികസനത്തിന്റെ പ്രധാന ചാലകമെന്ന നിലയിൽ സാങ്കേതിക വിദ്യയ്ക്ക് ഊന്നൽ നൽകിയതാണ് നാലാമത്തെയും ഏറ്റവും പ്രധാനപ്പെട്ടതുമായ നേട്ടനമെന്ന് മുകേഷ് അംബാനി പറഞ്ഞു. വരും ദശകങ്ങളിൽ സംസ്ഥാനം സാങ്കേതിക പറുദീസയായി മാറുമെന്നും മുകേഷ് അംബാനി പറഞ്ഞു.