മായാവതി വിരട്ടി; കോണ്ഗ്രസ് വീണു, മധ്യപ്രദേശില് കേസുകള് പിന്വലിക്കും!! സര്ക്കാര് നടപടി തുടങ്ങി
ഭോപ്പാല്: മധ്യപ്രദേശ് സര്ക്കാരില് സമ്മര്ദ്ദം ചെലുത്തി തന്റെ ആദ്യ ലക്ഷ്യം നേടി ബിഎസ്പി അധ്യക്ഷ മായാവതി. ഭാരത് ബന്ദുമായി ബന്ധപ്പെട്ട് ദളിതുകള്ക്കെതിരെ എടുത്ത കേസുകള് പിന്വലിക്കണമെന്ന മായാവതിയുടെ ആവശ്യം മധ്യപ്രദേശ് സര്ക്കാര് അംഗീകരിച്ചു. കേസ് പിന്വലിക്കുന്നതിന് നടപടികള് ആരംഭിക്കുകയും ചെയ്തു.
ദളിതുകള്ക്കെതിരെ മാത്രമല്ല, കോണ്ഗ്രസ് നേതാക്കള്ക്കും പ്രവര്ത്തകര്ക്കുമെതിരെ കഴിഞ്ഞ ബിജെപി സര്ക്കാരിന്റെ കാലത്തെടുത്ത എല്ലാ കേസുകളും പിന്വലിക്കാനും തത്വത്തില് തീരുമാനിച്ചു. ദളിതുകള്ക്കെതിരായ കേസ് റദ്ദാക്കിയില്ലെങ്കില് പിന്തുണ പിന്വലിക്കുമെന്ന് മായാവതി മുന്നറിയിപ്പ് നല്കിയിരുന്നു. മണിക്കൂറുകള് പിന്നിടുമ്പോള് തന്നെ കോണ്ഗ്രസ് സര്ക്കാര് നടപടി സ്വീകരിച്ചു. തീരുമാനങ്ങള് ഇങ്ങനെ....
മായാവതിയുടെ ആവശ്യം
ദളിത് സമരത്തിനിടെ മധ്യപ്രദേശ്, രാജസ്ഥാന്, ഉത്തര് പ്രദേശ് സംസ്ഥാനങ്ങളില് വ്യാപകമായി സംഘര്ഷമുണ്ടായിരുന്നു. ഇതുമായി ബന്ധപ്പെട്ട് ഒട്ടേറെ ദളിതുകള്ക്കെതിരെയാണ് കേസെടുത്തിട്ടുള്ളത്. എല്ലാം കള്ളക്കേസാണെന്നും പിന്വലിക്കണമെന്നുമാണ് മായാവതി തിങ്കളാഴ്ച ആവശ്യപ്പെട്ടത്.
നടപടി തുടങ്ങിയെന്ന് മന്ത്രി
മായാവതിയുടെ ആവശ്യം മധ്യപ്രദേശ് സര്ക്കാര് അംഗീകരിച്ചു. ദളിത് പ്രക്ഷോഭത്തിനിടെ എടുത്ത എല്ലാ രാഷ്ട്രീയ കേസുകളും പിന്വലിക്കാന് നടപടി തുടങ്ങിയതായി നിയമമന്ത്രി പിസി ശര്മ പറഞ്ഞു. ഇതുമായി ബന്ധപ്പെട്ട് ഉദ്യോഗസ്ഥര്ക്ക് നിര്ദേശം നല്കി.
ദളിതുകള്ക്കെതിരെ മാത്രമല്ല
ദളിതുകള്ക്കെതിരെ മാത്രമല്ല, ബിജെപി സര്ക്കാരിന്റെ കാലത്ത് കോണ്ഗ്രസ് നേതാക്കള്ക്കും പ്രവര്ത്തകര്ക്കുമെതിരെ ഒട്ടേറെ കേസെടുത്തിരുന്നു. ഈ കേസുകളെല്ലാം പിന്വലിക്കാന് കോണ്ഗ്രസ് സര്ക്കാര് തീരുമാനിച്ചു. കൂടെയാണ് ദളിതുകള്ക്കെതിരായ കേസും പിന്വലിക്കുക.
ജീവനക്കാരും രക്ഷപ്പെടും
ബിജെപി സര്ക്കാരിന്റെ കാലത്ത് സര്ക്കാര് ജീവനക്കാരുടെ പ്രക്ഷോഭം നടന്നിരുന്നു. സര്ക്കാരിന്റെ നയങ്ങളില് പ്രതിഷേധിച്ചായിരുന്നു സമരം. ഇതില് പങ്കെടുത്ത ജീവനക്കാര്ക്കെതിരെയും കേസെടുത്തിരുന്നു. ഈ കേസുകളും പിന്വലിക്കുന്ന കാര്യം കോണ്ഗ്രസ് സര്ക്കാരിന്റെ പരിഗണനയിലാണ്.
റിപ്പോര്ട്ട് മുഖ്യമന്ത്രിക്ക്
നിയമകാര്യ പ്രിന്സിപ്പല് സെക്രട്ടറിയുമായി മന്ത്രി വിഷയം ചര്ച്ച ചെയ്തു. വിശദമായ റിപ്പോര്ട്ട് സമര്പ്പിക്കാന് ആവശ്യപ്പെട്ടിട്ടുണ്ട്. റിപ്പോര്ട്ട് മുഖ്യമന്ത്രി കമല്നാഥിന് സമര്പ്പിക്കും. അതിന് ശേഷം കേസുകള് പിന്വലിക്കാന് നടപടി തുടങ്ങുമെന്നും മന്ത്രി ശര്മ വിശദീകരിച്ചു. അനാവശ്യമായി കേസെടുക്കുന്ന സാഹചര്യം ഇനിയുണ്ടാകില്ലെന്നും മന്ത്രി പറഞ്ഞു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google