പീഡനക്കേസിലെ കുറ്റക്കാരന് ഗാംഗുലി?
ദില്ലി: ജൂനിയര് അഭിഭാഷകയെ ലൈംഗികമായി പീഡിപ്പിച്ചത് സുപ്രീം കോടതിയിലെ മുന് ജഡ്ജിയായിരുന്ന എ കെ ഗാംഗുലിയെന്ന് വിവരം. സുപ്രീം കോടതി നിയോഗിച്ച മൂന്നംഗ സമിതിക്ക് മുന്നില് അഭിഭാഷകയാണ് ഇക്കാര്യം വെൡപ്പെടുത്തിയത്. എന്നാല് ഇക്കാര്യം നിഷേധിച്ച ഗാംഗുലി താന് സാഹചര്യത്തെളിവികളുടെ ഇരയാണ് എന്നാണ് പ്രതികരിച്ചത്.
സുപ്രീം കോടതി സ്ഥാനത്ത് നിന്നും വിരമിച്ച എ കെ ഗാംഗുലി നിലവില് ബാംഗാള് മനുഷ്യാവകാശ കമ്മീഷന് ചെയര്മാനാണ്. ആരോപണം ഉന്നയിച്ച പെണ്കുട്ടി, ജസ്റ്റിസ് ഗാംഗുലി എന്നിരുടെ മൊഴിയെടുത്ത ശേഷമാണ് ആര് എം ലോധയുടെ നേതൃത്വത്തിലുള്ള സമിതി ചീഫ് ജസ്റ്റിസ് പി സദാശിവത്തിന് റിപ്പോര്ട്ട് സമര്പ്പിച്ചത്.
വിവാദമായ ഒരു വെളിപ്പെടുത്തലിലൂടെ മുന് സുപ്രീം കോടതി ജഡ്ജി തന്നെ ലൈംഗികമായി പീഡിപ്പിച്ചു എന്നാണ് യുവ അഭിഭാഷക പരാതി ഉന്നയിച്ചത്. ആദ്യം ഒരു ബ്ലോഗ് പോസ്റ്റിലൂടെയാണ് ഈ വിവരം പുറത്തുവന്നത്. പരമോന്നത കോടതിയില് പരിശീലനത്തിന് വന്ന കാലത്തായിരുന്നു സംഭവം എന്നും ഇവര് പറയുന്നു. രാജ്യത്തെ പിടിച്ചുകുലുക്കിയ ദില്ലി കൂട്ടബലാത്സംഗത്തിന്റെ പ്രതിഷേധം നടന്നുവരുന്ന നാളുകള് കൂടിയായിരുന്നു അത്.
സാഹചര്യത്തെളിവുകളുടെ ഇരയാണ് താനെന്നാണ് സുപ്രീം കോടതിയിലെ മുന് ജഡ്ജിയായിരുന്ന എ കെ ഗാംഗുലി പറയുന്നത്. സംഭവം നടന്നത് സത്യമാണെങ്കില് എന്തിനാണ് പെണ്കുട്ടി ഒരു വര്ഷം പരാതി പറയാനായി കാത്തുനിന്നത്. എങ്ങിനെയാണ് തനിക്കെതിരെ ഒരു ആരോപണം ഉണ്ടായത് എന്ന് പോലും തനിക്കറിയില്ല. പരാതിക്കാരിയായ പെണ്കുട്ടിയെ തനിക്കറിയാം. ഒരു മകളെപ്പോലെയാണ് താന് അവരെ കാണുന്നത്. - ഗാംഗുലി പറയുന്നു.
Click it and Unblock the Notifications
Sign in with Google