• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സര്‍ക്കാര്‍ ഡോക്ടര്‍മാരുടെ വിരമിക്കല്‍ പ്രായം 65 ആക്കുമെന്ന് മോദി

  • By Pratheeksha

ലക്‌നൗ:രാജ്യത്തെ സര്‍ക്കാര്‍ ഡോക്ടര്‍മാരുടെ വിരമിക്കല്‍ പ്രായം 62 ല്‍ നിന്നും 65 വയസ്സായി ഉയര്‍ത്തുമെന്ന് പ്രധാനമന്ത്രി നരേന്ദ്രമോദി. രാജ്യത്ത് ഡോക്ടര്‍മാരുടെ ക്ഷാമം പരിഹരിക്കുന്നതിന്റെ ഭാഗമായാണ് നടപടി. എന്‍.ഡി.എ. സര്‍ക്കാറിന്റെ രണ്ടാം വാര്‍ഷികത്തോടനുബന്ധിച്ച് ഉത്തര്‍പ്രദേശിലെ സഹാരന്‍പുരില്‍ നടന്ന റാലിയെ അഭിസംബോധനചെയ്യുകയായിരുന്നു അദ്ദേഹം.

രാജ്യത്ത് കേന്ദ്ര സംസ്ഥാന സര്‍വ്വീസ് ചട്ടങ്ങളനുസരിച്ച് ഡോക്ടര്‍മാരുടെ വിരമിക്കല്‍ പ്രായത്തില്‍ വ്യത്യാസങ്ങളുണ്ട്.

കഴിഞ്ഞ 60 വര്‍ഷത്തില്‍ രാജ്യത്ത് അവശ്യമായ ഡോക്ടര്‍മാര്‍ക്ക് പരിശീലനം നല്‍കാനുളള അടിസ്ഥാന സൗകര്യങ്ങള്‍ വികസിപ്പിക്കാന്‍ കഴിഞ്ഞിട്ടില്ല. പുതുതായി മെഡിക്കല്‍ കോളേജുകള്‍ സ്ഥാപിക്കാന്‍ പദ്ധതികളുമില്ല. ആ സാഹചര്യത്തില്‍ താത്ക്കാലിക പരിഹാരമെന്നനിലയിലാണ് ഡോക്ടര്‍മാരുടെ വിരമിക്കല്‍ പ്രായം ഉയര്‍ത്തുന്നതെന്നു പ്രധാനമന്ത്രി പറഞ്ഞു.

രാജ്യത്ത് ഗ്രാമീണ മേഖലയില്‍ സേവനത്തിന് തയ്യാറാവുന്ന ഡോക്ടര്‍മാരുടെ എണ്ണം വളരെ കുറവാണ്. ഗ്രാമീണ സേവനത്തിന് ഡോക്ടര്‍മാര്‍ മടിക്കുന്നതാണ് ഇതിന്റെ കാരണം.അതുകൊണ്ടുതന്നെ ഗ്രാമങ്ങളില്‍ ഡോക്ടര്‍മാരും രോഗികളും തമ്മിലുളള അനുപാതം വളരെ താഴ്ന്ന നിലയിലാണ്. രാജ്യത്ത് പാവപ്പെട്ട കുടുംബങ്ങളില്‍ നിന്നുളള ഗര്‍ഭിണികള്‍ക്ക് മാസത്തില്‍ ഒരിക്കലെങ്കിലും സൗജന്യ ചികിത്സ നല്‍കാന്‍ ഡോക്ടര്‍മാര്‍ തയ്യാറാവണം. ഇത് സാമ്പത്തികമായി പിന്നാക്കം നില്‍ക്കുന്നവര്‍ക്ക് ഏറെ പ്രയോജനപ്പെടുമെന്നും മോദി പറഞ്ഞു.

ഏകദേശം രണ്ടു ലക്ഷത്തോളം പേരാണ് പ്രധാനമന്ത്രിയുടേ നേതൃത്വത്തില്‍ നടന്ന റാലിയില്‍ പങ്കെടുത്തത്. സര്‍ക്കാരിന്റെ രണ്ടു വര്‍ഷത്തെ ജനക്ഷേമ പ്രവര്‍ത്തനങ്ങള്‍ ചൂണ്ടിക്കാട്ടിയായിരുന്നു പ്രസംഗം. അടുത്ത വര്‍ഷം നിയമസഭാ തിരഞ്ഞെടുപ്പ് നടക്കുന്ന ഉത്തര്‍പ്രദേശില്‍ റാലി സംഘടിപ്പിച്ചിരിക്കുന്നത് സംസ്ഥാനത്തെ മുസ്ലീം ഭൂരിപക്ഷമേഖലയിലാണെന്നതും ശ്രദ്ധേയമാണ്. സര്‍ക്കാറിന്റെ വാര്‍ഷികത്തോടനുബന്ധിച്ച് പ്രധാനമന്ത്രി അഭിസംബോധന ചെയ്യുന്ന ആദ്യറാലിയാണിത്. മേഘാലയ, കര്‍ണാടക, ഒഡിഷ, രാജസ്ഥാന്‍ എന്നിവിടങ്ങളില്‍ നടക്കുന്ന റാലികളിലും മോദി പങ്കെടുക്കുമെന്നാണ് സൂചന. വാര്‍ഷികാഘോഷ്ത്തിന്റെ ഭാഗമായി രാജ്യവ്യാപകമായി 198 റാലികള്‍ നടത്തുമെന്നാണ് അറിയിച്ചിട്ടുളളത്.

English summary
Prime Minister Narendra Modi today said the retirement age for government doctors will be increased from the current 62 to 65
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more