Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വൻ ട്വിസ്റ്റ്, നടി റിയ ചക്രവര്‍ത്തി അറസ്റ്റില്‍, മൂന്ന് ദിവസത്തെ ചോദ്യം ചെയ്യൽ, സഹോദരന് പിന്നാലെ!
മുംബൈ: നടി റിയ ചക്രവര്‍ത്തി അറസ്റ്റില്‍. മയക്കുമരുന്ന് ഇടപാടുകളുമായി ബന്ധപ്പെട്ട കേസിലാണ് റിയയെ നാര്‍കോട്ടിക്‌സ് കണ്‍ട്രോള്‍ ബ്യൂറോ അറസ്റ്റ് ചെയ്തിരിക്കുന്നത്. മൂന്ന് ദിവസമായി റിയയെ ചോദ്യം ചെയ്ത് വരികയായിരുന്നു. ഇതിനൊടുവിലാണ് നടി അറസ്റ്റിലായിരിക്കുന്നത്. റിയയുടെ സഹോദരനായ ഷൗവിക് ചക്രവര്‍ത്തിയെ കഴിഞ്ഞ ദിവസം നാര്‍ക്കോട്ടിക്‌സ് കണ്‍ട്രോള്‍ ബ്യൂറോ അറസ്റ്റ് ചെയ്തിരുന്നു.
Recommended Video
എന്‍ഡിപിഎസ് നിയമത്തിലെ 8(സി), 20(ബി), 27(എ), 28, 29 വകുപ്പുകള്‍ ചുമത്തിയാണ് റിയ ചക്രവര്‍ത്തിയെ അറസ്റ്റ് ചെയ്തിരിക്കുന്നത്. ലഹരി മരുന്ന് ഇടപാടുകാരുമായി റിയ ചക്രവര്‍ത്തിക്ക് ബന്ധമുണ്ട് എന്നത് വ്യക്തമായിട്ടുണ്ടെന്നും അതിനാലാണ് അറസ്റ്റ് ചെയ്തിരിക്കുന്നത് എന്നും ബീഹാര്‍ ഡിജിപി ഗുപ്‌തേശ്വര്‍ പാണ്ഡെ പ്രതികരിച്ചു.
വെള്ളിയാഴ്ച രാവിലെയാണ് റിയ ചക്രവര്‍ത്തിയുടെ സഹോദരനായ ഷൗവിക് ചക്രവര്‍ത്തിയെ നാര്‍കോട്ടിക്‌സ് കണ്‍ട്രോള്‍ ബ്യൂറോ കസ്റ്റഡിയില്‍ എടുത്തത്. ലഹരി മരുന്ന് ഇടപാടുകാരനായ സയീദ് വിലാത്രയുമായി ഷൗവികിന് ബന്ധമുണ്ട് എന്ന് കണ്ടെത്തിയതിനെ തുടര്‍ന്നായിരുന്നു ഇത്. ഷൗവികിന്റെ മുംബൈയിലെ വീട്ടില്‍ എന്‍സിബി റെയ്ഡ് നടത്തിയിരുന്നു. ഷൗവികിന്റെ ലാപ് ടോപ്പും പിടിച്ചെടുത്തിട്ടുണ്ട്.
നടന്‍ സുശാന്ത് സിംഗ് രാജ് പുത്തിന്റെ കേസുമായി ബന്ധപ്പെട്ടാണ് ലഹരി ഇടപാടുകൾ നാര്‍ക്കോട്ടിക്‌സ് കണ്‍ട്രോള്‍ ബ്യൂറോ അന്വേഷിക്കുന്നത്. റിയ ചക്രവര്‍ത്തി ലഹരി ഇടപാടുകാരുമായി നടത്തിയ വാട്‌സ്ആപ്പ് സന്ദേശങ്ങള്‍ നേരത്തെ എന്‍സിബിക്ക് ലഭിച്ചിരുന്നു. ഇത് സോഷ്യൽ മീഡിയയിലും പ്രചരിക്കുകയുണ്ടായി. സുശാന്തിന് റിയ ലഹരിമരുന്ന് നല്‍കിയിരുന്നതായി നടന്റെ കുടുംബം അടക്കം ആരോപിച്ചിരുന്നു. എന്നാൽ താൻ ജീവിതത്തിൽ ഒരിക്കലും ലഹരി ഉപയോഗിച്ചിട്ടില്ലെന്നും സുശാന്തിന് ലഹരി നൽകിയിട്ടില്ലെന്നുമാണ് റിയ ചക്രവർത്തി അവകാശപ്പെടുന്നത്.
അതേസമയം റിയയുടെ അറസ്റ്റില്‍ പ്രതികരിച്ച് അവരുടെ അഭിഭാഷകയായ ശിവാംഗി ടാക്കൂര്‍ രംഗത്ത് വന്നിട്ടുണ്ട്. റിയയുടെ കാര്യത്തില്‍ നീതി നിഷേധമാണ് നടന്നത് എന്നാണ് ശിവാംഗി ടാക്കൂര്‍ പ്രതികരിച്ചിരിക്കുന്നത്. മാനസികാരോഗ്യ പ്രശ്‌നങ്ങള്‍ക്കായി 5 സെക്യാട്രിസ്റ്റുകളുടെ അടുത്ത് നിന്നും വര്‍ഷങ്ങളായി ചികിത്സ തേടിയിരുന്ന ലഹരിക്ക് അടിമയായിരുന്ന ഒരാളെ സ്‌നേഹിച്ച കുറ്റത്തിന് ഒരു സ്ത്രീയെ മൂന്ന് കേന്ദ്ര ഏജന്‍സികള്‍ വേട്ടയാടുകയാണ് എന്നാണ് ശിവാംഗി ടാക്കൂര്‍ ട്വീറ്റ് ചെയ്തിരിക്കുന്നത്.
