Click it and Unblock the Notifications
Just In
Don't Miss
-
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം -
IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക് -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
ഋഷി കപൂറിനെ അവസാനമായി കാണാന്‍ മകള്‍ എത്തും... 1400 കിമീ യാത്ര, വരവ് ഇങ്ങനെ, വിടപറഞ്ഞ് ബോളിവുഡ്!!
മുംബൈ: ബോളിവുഡിന്റെ കണ്ണീര്‍ ദിനങ്ങളിലേക്ക് ഇന്ന് കൂടി എഴുതി ചേര്‍ക്കപ്പെടുകയാണ്. ഇതിഹാസങ്ങളാണ് രണ്ട് ദിനം കൊണ്ട് നമ്മെ വിട്ടുപോയത്. ഇര്‍ഫാന്‍ ഖാന് പിന്നാലെ ഋഷി കപൂറും മരണത്തിന് കീഴടങ്ങിയിരിക്കുകയാണ്. ബോളിവുഡ് ലോകം അദ്ദേഹത്തിന് അന്ത്യാജ്ഞലി അര്‍പ്പിക്കാന്‍ ഒഴുകുകയാണ്. പക്ഷേ അദ്ദേഹത്തിന്റെ മകള്‍ ഇപ്പോഴും കണ്ണെത്താദൂരത്താണ്. തന്റെ നിസഹായാവസ്ഥ റിധിമ കപൂര്‍ സോഷ്യല്‍ മീഡിയയിലൂടെ അറിയിച്ചിട്ടുണ്ട്. പിതാവിന് മനോഹരമായൊരു കുറിപ്പും അവര്‍ പോസ്റ്റ് ചെയ്തിട്ടുണ്ട്. പാപ്പാ ഞാന്‍ നിങ്ങളെ എക്കാലവും ഇഷ്ടപ്പെടുന്നു. എന്റെ പ്രിയപ്പെട്ട പോരാളി നിങ്ങളിപ്പോള്‍ നിത്യതയില്‍ വിശ്രമിക്കുക. എന്നും ഞാന്‍ പപ്പയെ മിസ് ചെയ്യുമെന്നും ഇവര്‍ കുറിച്ചു.
ഋഷിക്കൊപ്പമുള്ള ചിത്രവും റിധിമ ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. പിതാവിന്റെ സംസ്‌കാര ചടങ്ങില്‍ മകള്‍ പങ്കെടുക്കില്ലെന്നായിരുന്നു നേരത്തെയുള്ള റിപ്പോര്‍ട്ടുകള്‍. രാജ്യത്ത് ലോക്ഡൗണ്‍ നിലനില്‍ക്കുന്നതിനാല്‍ ഇവര്‍ക്ക് മുംബൈയിലെത്താന്‍ സാധിക്കുമായിരുന്നു. റിധിക നേരത്തെ ദില്ലിയിലായിരുന്നു ഉണ്ടായിരുന്നത്. എന്നാല്‍ പിതാവിനെ അവസാനമായി ഒരു നോക്കുകാണാന്‍ 1400 താണ്ടിയാണ് അവര്‍ എത്തിയത്. റിധിമയ്ക്ക് പ്രത്യേകാനുമതിയും ലഭിച്ചിട്ടുണ്ട്. റോഡ് മാര്‍ഗം കാറിലൂടെയാണ് ഇവര്‍ മുംബൈയില്‍ എത്തിയത്. മുംബൈയിലെ ചന്ദന്‍വാഡി ശ്മശാനത്തിലാണ് ഋഷിയെ അടക്കം ചെയ്യുക. മകന്‍ രണ്‍ബീര്‍ കപൂര്‍ കര്‍മങ്ങള്‍ ചെയ്യുമെന്നാണ് റിപ്പോര്‍ട്ടുകള്‍.
ഋഷിയുടെ മരണം നേരത്തെ സഹോദരന്‍ രണ്‍ധീര്‍ കപൂറാണ് സ്ഥിരീകരിച്ചത്. ഋഷിയുടെ ഭാര്യ നീതു കപൂറും പ്രസ്താവന ഇറക്കിയിട്ടുണ്ട്. ഡോക്ടര്‍മാരെയും മെഡിക്കല്‍ സ്റ്റാഫുകളെയും അവസാന നിമിഷം വരെ അദ്ദേഹം ആസ്വദിപ്പിച്ചിരുന്നു. അവസാനം വരെ ജീവിതം ആഘോഷിക്കാനാണ് അദ്ദേഹം തീരുമാനിച്ചത്. കുടുംബം, സുഹൃത്തുക്കള്‍, ഭക്ഷണം, സിനിമകള്‍ എന്നും അദ്ദേഹം ശ്രദ്ധിച്ചിരുന്നു. അദ്ദേഹത്തെ അവസാന കാലത്ത് സന്ദര്‍ശിക്കാനെത്തിയവര്‍, രോഗത്തിന് കീഴടങ്ങാതെ അദ്ദേഹം പൊരുതുന്നത് കണ്ട് അമ്പരന്നിട്ടുണ്ട്. അദ്ദേഹത്തിന്റെ ആരാധകരോടും സുഹൃത്തുക്കളോടും ഈ അവസരത്തില്‍ നിയമം പാലിക്കാനാണ് ഞങ്ങള്‍ അഭ്യര്‍ത്ഥിക്കുന്നതെന്നും നീതു സിംഗ് പറഞ്ഞു.
Recommended Video
അതേസമയം ബോളിവുഡ് ലോകം അദ്ദേഹത്തിന്റെ മരണത്തില്‍ ആദരാഞ്ജലി അര്‍പ്പിക്കുകയാണ്. നീതു കപൂര്‍, രണ്‍ബീര്‍, ആലിയ ഭട്ട്, സെയ്ഫ് അലി ഖാന്, കരീന കപൂര്‍, രണ്‍ദീര്‍ കപൂര്‍, സഹോദരങ്ങളായ ആധാര്‍, അര്‍മാന്‍ ജെയിന്‍ എന്നിവരും സംസ്‌കാര ചടങ്ങിലുണ്ടായിരുന്നു. മുംബൈയിലെ ആശുപത്രിയില്‍ നിന്ന് സംസ്‌കാര ചടങ്ങുകള്‍ക്കായി സെയ്ഫും കരീനയും പോകുന്ന ചിത്രങ്ങളും പുറത്തുവന്നിട്ടുണ്ട്. ആശുപത്രിയില്‍ നടന്‍ അഭിഷേക് ബച്ചന്‍, അനില്‍ അംബാനി തുടങ്ങിയവരും എത്തിയിരുന്നു. ലോക്ഡൗണ്‍ കാരണം ഒരുപാട് പേര്‍ക്ക് ആശുപത്രിയില്‍ എത്താനോ സംസ്‌കാര ചടങ്ങുകളില്‍ പങ്കെടുക്കാനോ സാധിച്ചിട്ടില്ല.
