കര്ണാടക തിരഞ്ഞെടുപ്പ്; ആര്ആര് നഗറില് കോണ് - ദള് ധാരണയില്ല
തിരിച്ചറിയല് കാര്ഡുകള് പിടിച്ചെടുത്തതിനെ തുടര്ന്ന് തിരഞ്ഞെടുപ്പ് മാറ്റിവച്ച ബംഗളൂരുവിലെ ആര്.ആര് നഗര് നിയമസഭ മണ്ഡലത്തില് കോണ്ഗ്രസും ജനതാദള് സെക്കുലറും തനിച്ചു മത്സരിക്കും. ഇവര് തമ്മില് സഖ്യധാരണയുണ്ടാക്കുമെന്ന് നേരത്തെ വാര്ത്തയുണ്ടായിരുന്നു.എന്നാല് ആര്.ആര് നഗറിലെ സഖ്യം സംബന്ധിച്ച് അവസാനനിമിഷം വരെ ചര്ച്ച നടന്നെങ്കിലും ഫലം കാണാതായതോടെയാണ് ഇരു പാര്ട്ടികളും തനിച്ച് മത്സരിക്കാന് തീരുമാനിച്ചത്.
ഇവിടെ തിങ്കളാഴ്ചയാണ് വോട്ടെടുപ്പ്.ആര്.ആര് നഗറിലെ ഒരു അപ്പാര്ട്ട്മെന്റില്നിന്ന് 10,000ത്തോളം തിരിച്ചറിയല് കാര്ഡുകള് കണ്ടെത്തിയതിനെ തുടര്ന്ന് തെരഞ്ഞെടുപ്പ് കമീഷന് വോെട്ടടുപ്പ് മാറ്റിവെക്കുകയായിരുന്നു. സംഭവത്തില് കോണ്ഗ്രസിന്റെ സിറ്റിങ് എം.എല്.എ മുനിരത്നയടക്കം 14 പേര്ക്കെതിരെ കേസെടുത്തിരുന്നു. മുനിരത്ന തന്നെയാണ് കോണ്ഗ്രസിന്റെ സ്ഥാനാര്ഥി. ദള് സ്ഥാനാര്ഥിയായി ജി.എച്ച്. രാമചന്ദ്രയും ബി.ജെ.പി സ്ഥാനാര്ഥിയായി മുനിരാജ ഗൗഡയും ജനവിധി തേടുന്നു.
അതുപോലെ ബിജെപി സ്ഥാനാര്ത്ഥിയുടെ വിര്യാണത്തെ തുടര്ന്ന് തിരഞ്ഞെടുപ്പ് മാറ്റിവച്ച ജയനഗറിലും കോണ്ഗ്രസും ദളും തമ്മിലും ഒന്നിക്കുന്ന കാര്യത്തില് തീരുമാനമായില്ല.ജൂണ് 11 നാണ് ഇവിടെ തിരഞ്ഞെടുപ്പ് നടക്കുന്നത്.ജയനഗറില് കോണ്ഗ്രസിനും ആര്.ആര് നഗറില് ജെ.ഡി.എസിനും പരസ്പരം പിന്തുണ നല്കാമെന്നായിരുന്നു കോഒാഡിനേഷന് കമ്മിറ്റി യുടെ നിര്ദേശം. ഇതിനായി മുനിരത്നയുമായി കോണ്ഗ്രസിന്റെ തെരഞ്ഞെടുപ്പ് കമ്മിറ്റി കണ്വീനര് ഡി.കെ. ശിവകുമാറും കെ.പി.സി.സി അധ്യക്ഷന് ജി. പരമേശ്വരയും ചര്ച്ച നടത്തിയെങ്കിലും മുനിരത്ന നിര്ദേശം അംഗീകരിച്ചില്ല.ഇതോടെ ഇവിടെ ത്രികോണ മല്സരത്തിനുള്ള സാധ്യത തെളിഞ്ഞിരിക്കുകയാണ്.കഴിഞ്ഞതവണ ജെ.ഡി.എസ് സ്ഥാനാര്ഥി രണ്ടും ബി.ജെ.പി മൂന്നും സ്ഥാനത്തായിരുന്നു