മുസ്ലീം വിരുദ്ധത മാറ്റാന് ആര്എസ്എസ്..... ഈദ് മിലാന് സംഘടിപ്പിക്കുന്നു... ലക്ഷ്യം വോട്ട് തന്നെ!!
ആര്എസ്എസ് ഈദ് മിലാന് സംഘടിപ്പിക്കുന്നു
ലഖ്നൗ: കടുത്ത മുസ്ലീം വിരുദ്ധതരെന്ന പ്രതിച്ഛായ ആര്എസ്എസിന് എക്കാലവുമുണ്ട്. ബിജെപി അധികാരത്തിലെത്തിയ ശേഷം ഇത് വര്ധിച്ചിട്ടേ ഉള്ളൂ. കഴിഞ്ഞ ദിവസം അഫ്താര് ചടങ്ങ് പോലും അവര് വേണ്ടെന്ന് പ്രഖ്യാപിച്ചിരുന്നു. എന്നാല് ആ നിലപാടില് മാറ്റം വരുത്താന് ഒരുങ്ങുകയാണ് ആര്എസ്എസ്. മുസ്ലീങ്ങളുമായി സൗഹൃദം പുതുക്കുന്നതിന് അവര്ക്ക് ഇഫ്താര് ചടങ്ങ് ഒരുങ്ങുകയാണ് ആര്എസ്എസിന്റെ നേതൃത്വത്തിലുള്ള മുസ്ലീം രാഷ്ട്രീയ മഞ്ച്. തങ്ങള് കടുത്ത മുസ്ലീം വിരുദ്ധരാണെന്ന പ്രതിച്ഛായ മാറ്റുന്നതിനാണ് ആര്എസ്എസ് ഇഫ്താര് ചടങ്ങ് സംഘടിപ്പിക്കുന്നത്.
ഈദ് മിലാന് ചടങ്ങായിട്ടാണ് ഇത് നടത്തുന്നത്. അതേസമയം ബിജെപിയെ കൂടി രക്ഷിക്കുക എന്നതാണ് ഇത് കൊണ്ട് ആര്എസ്എസ് ഉദ്ദേശിക്കുന്നത്. ലോക്സഭാ തിരഞ്ഞെടുപ്പ് അടുത്ത് വരവേ മുസ്ലീം വോട്ടുകള് ലക്ഷ്യമിട്ടാണ് ആര്എസ്എസ് ഇഫ്താര് നടത്തുന്നതെന്നാണ് റിപ്പോര്ട്ട്. അതേസമയം മുസ്ലീം രാഷ്ട്രീയ മഞ്ച് ഇതില് രാഷ്ട്രീയം കലര്ത്തേണ്ടതില്ലെന്ന് വ്യക്തമാക്കിയിരിക്കുകയാണ്. മാസം 2000 മുസ്ലീം കുട്ടികളുടെ വിദ്യാഭ്യാസ ചെലവുകള് സ്പോണ്സര് ചെയ്യുന്നുണ്ട്. മുസ്ലീം രാഷ്ട്രീയ മഞ്ച്. തലാഖ് ചൊല്ലപ്പെട്ട് മുസ്ലീം സ്ത്രീകള്ക്ക് 1000 രൂപ പെന്ഷനും സംഘടനം നല്കുന്നുണ്ട്. അതേസമയം ചടങ്ങില് മുസ്ലീം പണ്ഡിതരും ആര്എസ്എസ് നേതാക്കളും പങ്കെടുക്കുമെന്ന് മുസ്ലീം രാഷ്ട്രീയ മഞ്ച് പറഞ്ഞു.
ജൂണ് 19നാണ് ഈദ് മിലാന് ചടങ്ങ് ദില്ലിയില് സംഘടിപ്പിക്കുന്നത്. വിദേശ രാജ്യങ്ങളിലെ അംബാസിഡര്മാരും മറ്റ് മുഖ്യാതിഥികളും ചടങ്ങില് പങ്കെടുക്കുന്നുണ്ട്. അതേസമയം ചടങ്ങില് ആര്എസ്എസ് അധ്യക്ഷന് മോഹന് ഭാഗവത് പങ്കെടുക്കില്ല. അദ്ദേഹത്തിനെ ക്ഷണിച്ചിരുന്നു എന്നാണ് റിപ്പോര്ട്ട്. എന്നാല് മുസ്ലീങ്ങളോടുള്ള എതിര്പ്പ് മാറാത്തതിനാലാണ് ഭാഗവത് വരാതിരിക്കുന്നതെന്നാണ് വിമര്ശനം. രാജ്യത്തിന്റെ വിവിധ ഭാഗങ്ങളില് തങ്ങളുടെ സംഘടന ഇഫ്താര് പാര്ട്ടികള് സംഘടിപ്പിക്കുന്നുണ്ടെന്ന് മുസ്ലീം രാഷ്ട്രീയ മഞ്ച് ദേശീയ കണ്വീനര് മുഹമ്മദ് അഫ്സല് പറഞ്ഞു. നേരത്തെ പശുക്കളെ സംരക്ഷിക്കേണ്ടതിന്റെ ആവശ്യകതയെ കുറിച്ച് ഇവര് മുസ്ലീങ്ങള്ക്കിടയില് ബോധവത്കരണം നടത്തിയിരുന്നു.
ആരാണ് ഹെഡ്ഗേവാര്? പ്രണബ് പുകഴ്ത്തിയ വീരപുത്രനല്ല... മുസ്ലീങ്ങളെ ദേശവിരുദ്ധരാക്കിയ ചരിത്രം!!
മുംബൈയിലെത്തിയത് സല്മാന് ഖാനെ കൊല്ലാന്... രണ്ട് ദിവസം പിന്തുടര്ന്നു, ഭീകരന്റെ വാക്കുകള്...