ആര്‍എസ്എസ് ന്യൂജനറേഷനാകുന്നോ? നിക്കര്‍ മാറ്റി പാന്റിലേക്ക്

ദില്ലി: യുവാക്കളെ ആകര്‍ഷിക്കാന്‍ ആര്‍എസ്എസ് പുതിയ യൂണിഫോം ഇറക്കുന്നു. ആര്‍എസ്എസ് കാക്കി നിക്കര്‍ മാറ്റി പാന്റ്‌സ് ആക്കുന്നുവെന്നാണ് പുതിയ വാര്‍ത്ത. അപ്പോള്‍ ആര്‍എസ്എസും ന്യൂജനറേഷനാകുകയാണോ..? രാജ്യത്ത് യുവാക്കളെ ആകര്‍ഷിക്കാനുള്ള ആര്‍എസ്എസിന്റെ പുതിയ തന്ത്രമാണെന്നാണ് റിപ്പോര്‍ട്ടുകള്‍.

ഇപ്പോഴുള്ള കാക്കി നിക്കര്‍ യൂണിഫോം യുവാക്കളെ മാറിനില്‍ക്കാന്‍ പ്രേരിപ്പിക്കുന്നുവെന്നാണ് പറയുന്നത്. അതുകൊണ്ടാണത്രേ പുതിയ പരിഷ്‌കരണം. പാന്റ്‌സ് ധരിച്ച് ആര്‍എസ്എസ് റിഹേഴ്‌സലും നടത്തിയെന്നാണ് റിപ്പോര്‍ട്ടുകള്‍.

മാറ്റം അനിവാര്യം

എല്ലാറ്റിനും മാറ്റം സംഭവിക്കുന്നതു പോലെ ആര്‍എസ്എസിനും ഒരു മാറ്റം അനിവാര്യമാണ്. നിക്കര്‍ മാറ്റി പാന്റ്‌സിലേക്ക് മാറുന്ന ആര്‍എസ്എസിനെ കളിയാക്കി സോഷ്യല്‍ മീഡിയ വിമര്‍ശകരും രംഗത്തെത്തിയിട്ടുണ്ട്.

നിക്കറില്‍ നിന്ന് പാന്റ്‌സിലേക്ക്

യൂണിഫോം പാന്റ്‌സാക്കുന്നതോടെ യുവാക്കളെ സംഘടനയില്‍ ചേര്‍ക്കാന്‍ ആകുമെന്നാണ് വിലയിരുത്തല്‍. ഇപ്പോഴുള്ള കാക്കി നിക്കര്‍ യുവാക്കളെ സംഘടനയില്‍ ചേരുന്നതില്‍ നിന്നും മാറിനില്‍ക്കാന്‍ പ്രേരിപ്പിക്കുന്നുണ്ടെന്നും പറയുന്നു

ന്യൂജനറേഷന്‍ സ്റ്റൈല്‍

ആര്‍എസ്എസും ന്യൂജനറേഷന്‍ സ്റ്റൈലിലേക്ക് മാറുകയാണോ എന്ന പരിഹാസങ്ങള്‍ ഉയരുന്നുണ്ട്. രണ്ടു തരം യൂണിഫോമാണ് പരിഗണിക്കുന്നത്. വെള്ള ടീ ഷര്‍ട്ടും കറുത്ത പാന്റ്‌സും തൊപ്പിയും, വെള്ള ഫുള്‍ കൈ ഷര്‍ട്ടും കാക്കിയോ ബ്ലൂ പാന്റ്‌സോ ആയിരിക്കും മറ്റൊന്ന്.

മുതിര്‍ന്ന നേതാക്കളുടെ അഭിപ്രായം

ഇതുവരെ കാക്കി നിക്കര്‍ ധരിച്ച മുതിര്‍ന്ന നേതാക്കളില്‍ ചിലര്‍ക്ക് യൂണിഫോം മാറ്റത്തോട് അതൃപ്തിയുണ്ടെന്നാണ് കേള്‍ക്കുന്നത്.

English summary

RSS to get rid of khakhi chaddi; plans to replace shorts with trousers