Click it and Unblock the Notifications
Just In
Don't Miss
-
IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
ജാസ്മിനും ഗബ്രിയും ഫേക്ക് ആണ്, അവരുടെ ബന്ധം സത്യമല്ല! ബിഗ് ബോസിലെ അവസ്ഥകളെ പറ്റി യമുന റാണി -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി -
ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കുംഭമേളയ്ക്ക് സ്‌പെഷ്യല്‍ പോലീസ് ഓഫീസര്‍മാരായി ആര്‍എസ്എസുകാര്‍; നിയമിച്ചത് പോലീസ്, ഇങ്ങനെ ആദ്യം
ഡെറാഡൂണ്‍: കുംഭമേളയ്ക്ക് ആര്‍എസ്എസുകാരെ സ്‌പെഷ്യല്‍ പോലീസ് ഓഫീസര്‍മാരായി നിയമിച്ച് ഉത്തരാഖണ്ഡ് പോലീസ്. 1553 ആര്‍എസ്എസുകാരെയാണ് ഇങ്ങനെ നിയമിച്ചത്. ഇവര്‍ പോലീസുകാര്‍ക്കൊപ്പം ചേര്‍ന്ന് പ്രവര്‍ത്തിക്കുന്നു. കുംഭമേളയ്ക്ക് എത്തിയവര്‍ക്ക് വേണ്ട നിര്‍ദേശങ്ങളും മറ്റും നല്‍കുന്നു. ആര്‍എസ്എസുകാരെ പോലീസ് നേരിട്ട് നിയമിക്കുന്നത് ആദ്യമാണെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. ആളുകള്‍ക്ക് വഴി പറഞ്ഞുകൊടുക്കുന്നതും മാസ്‌ക് ധരിക്കേണ്ട രീതി പറഞ്ഞുകൊടുക്കുന്നതുമെല്ലാം ആര്‍എസ്എസുകാരാണ്. ഓരോ ആര്‍എസ്എസ് പ്രവര്‍ത്തകരും ഏപ്രില്‍ ഏഴ് മുതല്‍ ദിവസം 12 മണിക്കൂര്‍ കുംഭമേള സ്ഥലത്ത് പ്രവര്‍ത്തിക്കുന്നുണ്ട്.
ആര്‍എസ്എസുകാര്‍ക്ക് പ്രത്യേക തിരിച്ചറിയല്‍ കാര്‍ഡും തൊപ്പിയും ജാക്കറ്റും പോലീസ് നല്‍കിയിട്ടുണ്ട്. ആര്‍എസ്എസ് സഹായം മുമ്പും കുംഭമേളയുടെ വേളയില്‍ ആവശ്യപ്പെട്ടിരുന്നുവെന്നും ഇത്തവണയാണ് അവര്‍ക്ക് തിരിച്ചറിയല്‍ കാര്‍ഡ് നല്‍കിയതെന്നും ഡെപ്യൂട്ടി എസ്പി ബിരേന്ദ്ര പ്രസാദ് ദബ്രാല്‍ പറഞ്ഞു. വാഹനങ്ങള്‍ വഴിതിരിച്ചുവിടുന്നതിലും ആള്‍ത്തിരക്ക് ഒഴിവാക്കുന്നതിലും ആര്‍എസ്എസുകാരുടെ സഹായം ഉപകാരപ്രദമാണെന്ന് അദ്ദേഹം പറഞ്ഞു. ആര്‍എസ്എസുകാര്‍ മാത്രമല്ല, കോണ്‍ഗ്രസ് സേവാദളിന്റെ സഹായവും ഈ വര്‍ഷം തേടിയിരുന്നുവെന്നും ദബ്രാല്‍ പറഞ്ഞു.
കുംഭമേളയ്ക്ക് നിയോഗിക്കപ്പെട്ട ഐജി സഞ്ജയ് ഗുണ്‍ജ്യാല്‍ ആണ് ആര്‍എസ്എസിനെയും പ്രത്യേക പോലീസ് സേനയുടെ ഭാഗമാക്കിയതെന്ന് ആര്‍എസ്എസ് ഉത്തരാഖണ്ഡ് പ്രാന്ത ശാരീരിക് പ്രമുഖ് സുനില്‍ പറഞ്ഞു. തുടര്‍ന്ന് താന്‍ എല്ലാ ജില്ലാ നേതാക്കള്‍ക്കും കത്തയച്ചു. 18നും 50നുമിടയില്‍ പ്രായമുള്ള പ്രവര്‍ത്തകരെ വോളണ്ടിയര്‍മാരായി അയച്ചുതരാന്‍ ആവശ്യപ്പെട്ടു.
Recommended Video
ആര്‍എസ്എസ് ശാഖകളില്‍ ഉപയോഗിക്കുന്ന യൂണിഫോം ധരിച്ചാണ് കുംഭമേളയിലും പ്രവര്‍ത്തിക്കുന്നത്. ആരും കൂലി വാങ്ങുന്നില്ലെന്നും സുനില്‍ പറഞ്ഞു. ഹരിദ്വാര്‍ സിറ്റി, ഗംഗാ തീരം, റെയില്‍വെ സ്റ്റേഷന്‍, ഋഷികേഷ് അതിര്‍ത്തി, തെഹ്രി, പൗരി, യുപി അതിര്‍ത്തി എന്നിവിടങ്ങളിലാണ് ആര്‍എസ്എസ് പ്രവര്‍ത്തകരെ നിയോഗിച്ചിട്ടുള്ളത്. ഓരോ സ്ഥലത്തും ചുരുങ്ങിയത് ആറ് പേരാണ് പ്രവര്‍ത്തിക്കുന്നത്. ഏപ്രില്‍ 30നാണ് കുംഭമേള അവസാനിക്കുക.
