ഗാന്ധിയെ കൊന്ന് ആര്എസ്എസ് മധുരം നല്കി: ഖുര്ഷിദ്
താനെ: മഹാത്മഗാന്ധിയെ കൊന്നത് ആര് എസ് എസ് തന്നെയാണെന്ന നിലപാടില് ഉറച്ചു നില്ക്കുകയാണ് കോണ്ഗ്രസ്. തിരഞ്ഞെടുപ്പ് പ്രചാരണങ്ങളില് ഒന്നും അതു തന്നെ. ഇപ്പോഴിതാ രാഹുല് ഗന്ധിക്ക് പിന്നാലെ കേന്ദ്രമന്ത്രി സല്മാന് ഖുര്ഷിദും ആവര്ത്തിക്കുന്നു, ഗാന്ധിജിയെ കൊന്നത് ആര് എസ് എസ്സുകാര് തന്നെയെന്ന്.
മഹാത്മ ഗാന്ധിയെ ആര് എസ് എസ് പ്രവര്ത്തകര് കൊന്നത് കൂടാതെ കൊല്ലപ്പെട്ടതിന് ശേഷം മധുരം വിതരണം ചെയ്യുകയും ചെയ്തെന്നാണ് സല്മാന് ഖുര്ഷിദ് പറയുന്നത്.
താനയില് തിരഞ്ഞെടുപ്പ് പ്രചരണ റാലിയില് സംസാരിക്കുകയായിരുന്നു ഖര്ഷിദ്. ആര് എസ് എസ് പ്രവര്ക്കര് ഗാന്ധിയെ കൊന്നു. അതിന് ശേഷം അവര് വീടുകളില് മാധുരം വിതരണം ചെയ്തു. മാത്രമല്ല, സര്ദ്ദാര് വല്ലഭായ് പട്ടേല് ആര് എസ് എസ്സിനെ നിരോധിക്കുകയുണ്ടായെന്നും അദ്ദേഹം പറഞ്ഞു.
നേരത്തെ ഗാന്ധിയെ കൊന്നത് ആര് എസ് എസ് കാരാണെന്ന് കോണ്ഗ്രസ് ഉപാദ്ധ്യക്ഷന് രാഹുല് ഗാന്ധിയും ആരോപിച്ചിരുന്നു. ഗാന്ധിയെ കൊന്നതും എന്നാല് ഇപ്പോള് ഗാന്ധിയെ കുറിച്ച് സംസാരിക്കുന്നതും ബി ജെ പിക്കാരാണ്. സര്ദ്ദാര് വല്ലഭായ് പട്ടേലിനെയും ഗാന്ധിയെയും അന്നെതിര്ത്തവര് ഇന്ന് പ്രശംസിക്കുന്നെന്നും രാഹുല് ഗാന്ധി പറഞ്ഞിരുന്നു. ഇതിനെതിരെ ആര് എസ് എസ് പ്രവര്ത്തകര് രംഗത്തിറങ്ങുകയും ചെയ്തു.