നടി ശ്രീദേവിക്ക് എന്തിനായിരുന്നു സംസ്ഥാന ബഹുമതിയോടെ യാത്രയയപ്പ്... ഒടുവില് ഉത്തരം കിട്ടി
Recommended Video
ശ്രീദേവിയുടെ മരണം തികച്ചും അപ്രതീക്ഷിതമായിരുന്നു. ദുബായില് ഭര്ത്താവ് ബോണികപൂറിന്റെ സഹോദരിയുടെ മകന്റെ വിവാഹത്തില് പങ്കെടുക്കാന് പോയപ്പോഴായിരുന്നു അവര് മരിച്ചത്. മരണത്തിന് പിന്നാലെ ദുരൂഹതയും ഏറി. ഹൃദയാഘാതം മൂലമായിരുന്നു മരണം എന്നായി ആദ്യ വാര്ത്ത. പിന്നീട് അത് കൊലപാതകമാണെന്ന രീതിയില് വാര്ത്ത വന്നു. എന്നാല് അവരുടേത് സ്വാഭാവിക മരണമാണെന്ന് പോസ്റ്റ്മാര്ട്ടം റിപ്പോര്ട്ട് വന്നതോടെ അത് കെട്ടടങ്ങി.
എന്നാല് വിവാദങ്ങള് അവിടം കൊണ്ട് തീര്ന്നില്ല. അവരുടെ ഭൗതികശരീരം അടക്കം ചെയ്തപ്പോള് ത്രിവര്ണ പതാക പുതപ്പിച്ചതിനേയും അവര്ക്ക് സംസ്ഥാന ബഹുമതികളോടെ യാത്രയയപ്പ് നല്കിയതുമെല്ലാം വിവാദമായി. എന്നാല് എല്ലാ വിവാദങ്ങള്ക്കുമുള്ള മറുപടിയുമായി രംഗത്തെത്തിയിരിക്കുകയാണ് മഹാരാഷ്ട്രാ സര്ക്കാര്. ശ്രീദേവിക്ക് എന്തിന് സ്റ്റേറ്റ് ഫ്യൂണറല് എന്ന ആര്ടിഎ പ്രകാരമുള്ള ചോദ്യത്തിനാണ് സര്ക്കാര് മറുപടി നല്കിയിരിക്കുന്നത്.
ആര്ടിഎ
മഹാരാഷ്ട്ര മുഖ്യമന്ത്രി ദേവേന്ദ്ര ഫട്നാവിസിന്റെ കീഴിലുള്ള ജെനറല് അഡ്മിനിസ്ട്രേഷന് ഡിപ്പാര്ട്ട്മെന്റിനോടാണ് എന്തിനാണ് ശ്രീദേവിക്ക് സ്റ്റേറ്റ് ഫ്യൂണറല് എന്ന ചോദ്യം ചോദിച്ചത്. സാമൂഹ്യ പ്രവര്ത്തകനായ അനില് ഗാല്ഗലിയാണ് വിവരാവകാശ നിയമ പ്രകാരം ചോദ്യങ്ങള് ചോദിച്ചത്. ആര്ക്കാണ് സ്റ്റേറ്റ് ഫ്യൂണറല് നല്കാനുള്ള അധികാരം, എന്തിനായിരുന്നു ശ്രീദേവിക്ക് എന്നിങ്ങനെയായിരുന്നു ചോദ്യം. എന്നാല് മുഖ്യമന്ത്രിയ്ക്കാണ് അതിനുള്ള അധികാരം എന്നായിരുന്നു വകുപ്പില് നിന്നുള്ള മറുപടി. മരിച്ചവര്ക്ക് പദ്മ പുരസ്കാരം ലഭിച്ചിട്ടുണ്ടോയെന്നത് പരിഗണിക്കാറില്ലെന്നും മറിച്ച് മുഖ്യമന്ത്രിയുടെ നിര്ദ്ദേശം ലഭിച്ചാല് തിരുമാനമെടുക്കുമെന്നും വകുപ്പ് വ്യക്തമാക്കി.
നിര്ദ്ദേശം ലഭിച്ചത് ഫിബ്രവരി 25 ന്
ഫിബ്രവരി 25 നാണ് മുഖ്യമന്ത്രിയുടെ ഓഫീസില് നിന്ന് ഇത് സംബന്ധിച്ച നിര്ദ്ദേശം ലഭിച്ചത്. ഇതനുസരിച്ചാണ് ഔദ്യോഗിക ബഹുമതികളോടെ സംസ്കാരം നടത്തിയത്. മുംബൈ സബര്ബന് ജില്ലാ കളക്ടര്, മുംബൈ പോലീസ് കമ്മീഷ്ണര് എന്നിവര്ക്കായിരുന്നു ഇതിന്റെ ചുമതല. കഴിഞ്ഞ ആറ് വര്ഷത്തിനിടയില് ശിവസേന തലവന് ബാല് താക്കറെ ഉള്പ്പെടെ 41 പേര്ക്ക് ഔദ്യോഗിക ബഹുമതികളോടെ അന്തിമോപചാരം നല്കിയിട്ടുണ്ടെന്നും വകുപ്പ് നല്കിയ മറുപടിയില് വ്യക്തമാക്കി.
വിമര്ശനവുമായി രാജ് താക്കറെ
ശ്രീദേവിക്ക് സംസ്ഥാന ബഹുമതികളോടെ യാത്രയയപ്പ് നല്കിയതിനും അവരുടെ ഭൗതിക ശരീരം ത്രിവര്ണ പതാകയില് പുതപ്പിച്ചതിനെതിരേയും നവനിര്മ്മാണ് സേന തലവന് രാജ് താക്കറെ രംഗത്തെത്തിയിരുന്നു. എന്ത് ചെയ്തിട്ടാണ് നടി ശ്രീദേവിയുടെ ഭൗതികശരീരം ത്രിവര്ണ പതാകയില് പുതപ്പിച്ചതെന്നായിരുന്നു രാജ് താക്കറെ ചോദിച്ചത്. മുംബൈയില് പ്രവര്ത്തകരുടെ റാലിയില് പങ്കെടുക്കവേയാണ് രാജ് താക്കറെ ഇക്കാര്യം പറഞ്ഞത്. പിഎന്ബി തട്ടിപ്പ് വീരന് നീരവ് മോദിയുടെ വിഷയത്തില് നിന്ന് ശ്രദ്ധ തിരിച്ചുവിടാനുള്ള ബിജെപി സര്ക്കാരിന്റെ അടവായിരുന്നു ഇത് എന്നായിരുന്നു താക്കറെയുടെ വിമര്ശനം. വാര്ത്ത പൊലിപ്പിക്കാന് സംസ്ഥാന സര്ക്കാരിന് മേല് കേന്ദ്ര സര്ക്കാര് സമ്മര്ദ്ദം ചെലുത്തിയിരുന്നെന്നും താക്കറെ ആരോപിച്ചിരുന്നു.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം -
ഇറാന്റെ പുതിയ പരമോന്നത നേതാവായി മൊജ്തബ ഖാംനഇ അധികാരമേറ്റു; ഉറ്റുനോക്കി ലോകം
Click it and Unblock the Notifications
Sign in with Google