കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നടി ശ്രീദേവിക്ക് എന്തിനായിരുന്നു സംസ്ഥാന ബഹുമതിയോടെ യാത്രയയപ്പ്... ഒടുവില്‍ ഉത്തരം കിട്ടി

  • By Desk
Google Oneindia Malayalam News

Recommended Video

cmsvideo
ശ്രീദേവിയുടെ മരണാനന്തര ചടങ്ങുകൾക്ക് പിന്നിൽ ഒരു കാരണമുണ്ട് | Oneindia Malayalam

ശ്രീദേവിയുടെ മരണം തികച്ചും അപ്രതീക്ഷിതമായിരുന്നു. ദുബായില്‍ ഭര്‍ത്താവ് ബോണികപൂറിന്‍റെ സഹോദരിയുടെ മകന്‍റെ വിവാഹത്തില്‍ പങ്കെടുക്കാന്‍ പോയപ്പോഴായിരുന്നു അവര്‍ മരിച്ചത്. മരണത്തിന് പിന്നാലെ ദുരൂഹതയും ഏറി. ഹൃദയാഘാതം മൂലമായിരുന്നു മരണം എന്നായി ആദ്യ വാര്‍ത്ത. പിന്നീട് അത് കൊലപാതകമാണെന്ന രീതിയില്‍ വാര്‍ത്ത വന്നു. എന്നാല്‍ അവരുടേത് സ്വാഭാവിക മരണമാണെന്ന് പോസ്റ്റ്മാര്‍ട്ടം റിപ്പോര്‍ട്ട് വന്നതോടെ അത് കെട്ടടങ്ങി.

എന്നാല്‍ വിവാദങ്ങള്‍ അവിടം കൊണ്ട് തീര്‍ന്നില്ല. അവരുടെ ഭൗതികശരീരം അടക്കം ചെയ്തപ്പോള്‍ ത്രിവര്‍ണ പതാക പുതപ്പിച്ചതിനേയും അവര്‍ക്ക് സംസ്ഥാന ബഹുമതികളോടെ യാത്രയയപ്പ് നല്‍കിയതുമെല്ലാം വിവാദമായി. എന്നാല്‍ എല്ലാ വിവാദങ്ങള്‍ക്കുമുള്ള മറുപടിയുമായി രംഗത്തെത്തിയിരിക്കുകയാണ് മഹാരാഷ്ട്രാ സര്‍ക്കാര്‍. ശ്രീദേവിക്ക് എന്തിന് സ്റ്റേറ്റ് ഫ്യൂണറല്‍ എന്ന ആര്‍ടിഎ പ്രകാരമുള്ള ചോദ്യത്തിനാണ് സര്‍ക്കാര്‍ മറുപടി നല്‍കിയിരിക്കുന്നത്.

ആര്‍ടിഎ

ആര്‍ടിഎ

മഹാരാഷ്ട്ര മുഖ്യമന്ത്രി ദേവേന്ദ്ര ഫട്നാവിസിന്‍റെ കീഴിലുള്ള ജെനറല്‍ അഡ്മിനിസ്ട്രേഷന്‍ ഡിപ്പാര്‍ട്ട്മെന്‍റിനോടാണ് എന്തിനാണ് ശ്രീദേവിക്ക് സ്റ്റേറ്റ് ഫ്യൂണറല്‍ എന്ന ചോദ്യം ചോദിച്ചത്. സാമൂഹ്യ പ്രവര്‍ത്തകനായ അനില്‍ ഗാല്‍ഗലിയാണ് വിവരാവകാശ നിയമ പ്രകാരം ചോദ്യങ്ങള്‍ ചോദിച്ചത്. ആര്‍ക്കാണ് സ്റ്റേറ്റ് ഫ്യൂണറല്‍ നല്‍കാനുള്ള അധികാരം, എന്തിനായിരുന്നു ശ്രീദേവിക്ക് എന്നിങ്ങനെയായിരുന്നു ചോദ്യം. എന്നാല്‍ മുഖ്യമന്ത്രിയ്ക്കാണ് അതിനുള്ള അധികാരം എന്നായിരുന്നു വകുപ്പില്‍ നിന്നുള്ള മറുപടി. മരിച്ചവര്‍ക്ക് പദ്മ പുരസ്കാരം ലഭിച്ചിട്ടുണ്ടോയെന്നത് പരിഗണിക്കാറില്ലെന്നും മറിച്ച് മുഖ്യമന്ത്രിയുടെ നിര്‍ദ്ദേശം ലഭിച്ചാല്‍ തിരുമാനമെടുക്കുമെന്നും വകുപ്പ് വ്യക്തമാക്കി.

നിര്‍ദ്ദേശം ലഭിച്ചത് ഫിബ്രവരി 25 ന്

നിര്‍ദ്ദേശം ലഭിച്ചത് ഫിബ്രവരി 25 ന്

ഫിബ്രവരി 25 നാണ് മുഖ്യമന്ത്രിയുടെ ഓഫീസില്‍ നിന്ന് ഇത് സംബന്ധിച്ച നിര്‍ദ്ദേശം ലഭിച്ചത്. ഇതനുസരിച്ചാണ് ഔദ്യോഗിക ബഹുമതികളോടെ സംസ്കാരം നടത്തിയത്. മുംബൈ സബര്‍ബന്‍ ജില്ലാ കളക്ടര്‍, മുംബൈ പോലീസ് കമ്മീഷ്ണര്‍ എന്നിവര്‍ക്കായിരുന്നു ഇതിന്‍റെ ചുമതല. കഴിഞ്ഞ ആറ് വര്‍ഷത്തിനിടയില്‍ ശിവസേന തലവന്‍ ബാല്‍ താക്കറെ ഉള്‍പ്പെടെ 41 പേര്‍ക്ക് ഔദ്യോഗിക ബഹുമതികളോടെ അന്തിമോപചാരം നല്‍കിയിട്ടുണ്ടെന്നും വകുപ്പ് നല്‍കിയ മറുപടിയില്‍ വ്യക്തമാക്കി.

വിമര്‍ശനവുമായി രാജ് താക്കറെ

വിമര്‍ശനവുമായി രാജ് താക്കറെ

ശ്രീദേവിക്ക് സംസ്ഥാന ബഹുമതികളോടെ യാത്രയയപ്പ് നല്‍കിയതിനും അവരുടെ ഭൗതിക ശരീരം ത്രിവര്‍ണ പതാകയില്‍ പുതപ്പിച്ചതിനെതിരേയും നവനിര്‍മ്മാണ്‍ സേന തലവന്‍ രാജ് താക്കറെ രംഗത്തെത്തിയിരുന്നു. എന്ത് ചെയ്തിട്ടാണ് നടി ശ്രീദേവിയുടെ ഭൗതികശരീരം ത്രിവര്‍ണ പതാകയില്‍ പുതപ്പിച്ചതെന്നായിരുന്നു രാജ് താക്കറെ ചോദിച്ചത്. മുംബൈയില്‍ പ്രവര്‍ത്തകരുടെ റാലിയില്‍ പങ്കെടുക്കവേയാണ് രാജ് താക്കറെ ഇക്കാര്യം പറഞ്ഞത്. പിഎന്‍ബി തട്ടിപ്പ് വീരന്‍ നീരവ് മോദിയുടെ വിഷയത്തില്‍ നിന്ന് ശ്രദ്ധ തിരിച്ചുവിടാനുള്ള ബിജെപി സര്‍ക്കാരിന്‍റെ അടവായിരുന്നു ഇത് എന്നായിരുന്നു താക്കറെയുടെ വിമര്‍ശനം. വാര്‍ത്ത പൊലിപ്പിക്കാന്‍ സംസ്ഥാന സര്‍ക്കാരിന് മേല്‍ കേന്ദ്ര സര്‍ക്കാര്‍ സമ്മര്‍ദ്ദം ചെലുത്തിയിരുന്നെന്നും താക്കറെ ആരോപിച്ചിരുന്നു.

English summary
Sridevi was given a state funeral on Chief Minister Devendra Fadnavis' instructions
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X