Click it and Unblock the Notifications
Just In
Don't Miss
-
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത് -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
യുദ്ധഭീതിയില്‍ കുതിച്ചുയര്‍ന്ന് എണ്ണവില; രൂപ തകര്‍ന്നടിഞ്ഞു, സെന്‍സെക്‌സിലും ഇടിവ്, സ്വര്‍ണം കൂടി
മുംബൈ: പശ്ചിമേഷ്യയില്‍ ഇറാനും അമേരിക്കയും മുഖാമുഖം നില്‍ക്കവെ യുദ്ധഭീതിയില്‍ സാമ്പത്തിക രംഗം തകര്‍ന്നടിയുന്നു. ഇന്ത്യന്‍ ഓഹരി വിപണിയില്‍ കനത്ത ഇടിവ് രേഖപ്പെടുത്തി. രൂപയുടെ മൂല്യം താഴ്ന്നു. എണ്ണവില കുതിച്ചുകയറി. സ്വര്‍ണവിലയും കൂടി. വരുംദിവസങ്ങളിലും സാമ്പത്തിക രംഗത്ത് ആശങ്ക വര്‍ധിക്കുമെന്നാണ് സൂചന.
ഡോളറിനെതിരെ രൂപ 31 പൈസ താഴ്ന്ന് 72.11 എന്ന നിലയിലാണ് ഇന്ന് രാവിലെ വ്യാപാരം തുടങ്ങിയത്. ഇറാന്‍ തിരിച്ചടിച്ചാല്‍ ശക്തമായ ആക്രമണം നടത്തുമെന്നാണ് അമേരിക്കന്‍ പ്രസിഡന്റ് ട്രംപിന്റെ ഭീഷണി. ഇറാഖിനെതിരെ ഉപരോധം ചുമത്തുമെന്നും ട്രംപ് മുന്നറിയിപ്പ് നല്‍കിയിട്ടുണ്ട്. ഇന്ത്യ പ്രധാനമായും എണ്ണ ഇറക്കുന്ന രാജ്യമാണ് ഇറാഖ്. യുദ്ധമുണ്ടാകുമെന്നാണ് ആഗോള തലത്തിലെ ചര്‍ച്ചകള്‍.
ഈ സാഹചര്യത്തില്‍ എണ്ണവില കുതിച്ചുയരുകയാണ്. മൂന്ന് ശതമാനം ഉയര്‍ച്ചയാണ് എണ്ണവിലയില്‍ രേഖപ്പെടുത്തിയത്. ബാരലിന് 70.59 ഡോളറാണ് പുതിയ വില. കേരളത്തിലും ആനുപാതികമായി വില ഉയര്‍ന്നു.
ഓഹരി വിപണികളില്‍ കനത്ത ഇടിവാണ് രേഖപ്പെടുത്തുന്നത്. സെന്‍സെക്‌സ് 477 പോയന്റ് താഴ്ന്നു. നിഫ്റ്റിലിയും ഇടിവ് രേഖപ്പെടുത്തി. എണ്ണവില കുതിച്ചുയരുന്നത് ഇന്ത്യയുടെ വളര്‍ച്ചയെ സാരമായി ബാധിക്കും. ഇന്ത്യന്‍ ധനകമ്മി വര്‍ധിക്കുമെന്നാണ് ആശങ്ക. രാജ്യത്തിന്റെ വരവ് കുറവും ചെലവ് കൂടുതലുമാകുന്ന സാഹചര്യം കനത്ത പ്രതിസന്ധിക്ക് ഇടയാക്കും. അതിനിടെ സ്വര്‍ണവില ഉയര്‍ന്നു. കേരളത്തില്‍ പവന് 30200 രൂപയാണ് തിങ്കളാഴ്ചത്തെ വില. ആദ്യമായിട്ടാണ് സ്വര്‍ണം പവന് 30000 രൂപ കടക്കുന്നത്.
