Click it and Unblock the Notifications
Just In
Don't Miss
-
ഇന്ന് ചിക്കനാണോ, കുരുമുളകിട്ട് കിടിലന് ടേസ്റ്റില് വറുത്തെടുക്കാം -
ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ? -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ചെയ്യാത്ത കുറ്റത്തിന് അശോക് കുമാര്‍ പ്രതിയായി! പോലീസിന്റെ മൂന്നാംമുറ കാരണം കുറ്റം സമ്മതിച്ചു...
രണ്ടാം ക്ലാസ് വിദ്യാര്‍ത്ഥിയായ പ്രത്യുമന്‍ താക്കൂറിനെ കൊലപ്പെടുത്തിയത് അതേ സ്‌കൂളിലെ പ്ലസ് വണ്‍ വിദ്യാര്‍ത്ഥിയാണെന്നാണ് സിബിഐ കണ്ടെത്തി.
ദില്ലി: റയാന്‍ സ്‌കൂളില്‍ ഏഴു വയസുകാരനെ കൊലപ്പെടുത്തിയ കേസില്‍ യഥാര്‍ഥ പ്രതിയെ പിടികൂടിയെങ്കിലും വിവാദങ്ങള്‍ അവസാനിക്കുന്നില്ല. സിബിഐ ഏറ്റെടുക്കുന്നതിന് മുന്‍പ് കേസ് അന്വേഷിച്ച സംസ്ഥാന പോലീസിനെതിരെ ഗുരുതരമായ ആരോപണങ്ങളാണ് ഇപ്പോള്‍ ഉയര്‍ന്നിരിക്കുന്നത്.
ഏഴു വയസുകാരനെ കൊലപ്പെടുത്തിയത് ബസ് കണ്ടക്ടറായ അശോക് കുമാറാണെന്നായിരുന്നു പോലീസിന്റെ അന്വേഷണത്തില്‍ കണ്ടെത്തിയത്. കുട്ടിയെ പീഡിപ്പിക്കാന്‍ ശ്രമിക്കുന്നതിനിടെ കൊല്ലപ്പെട്ടുവെന്നാണ് പോലീസ് അവകാശപ്പെട്ടത്. സംഭവത്തില്‍ അശോക് കുമാര്‍ കുറ്റസമ്മതം നടത്തിയതായും പോലീസ് പറഞ്ഞിരുന്നു.
എന്നാല്‍ കേസ് സിബിഐ ഏറ്റെടുത്തതോടെ സംഭവത്തിന് പിന്നിലെ യഥാര്‍ഥ വസ്തുതകള്‍ പുറത്തുവന്നു. രണ്ടാം ക്ലാസ് വിദ്യാര്‍ത്ഥിയായ പ്രത്യുമന്‍ താക്കൂറിനെ കൊലപ്പെടുത്തിയത് അതേ സ്‌കൂളിലെ പ്ലസ് വണ്‍ വിദ്യാര്‍ത്ഥിയാണെന്നാണ് സിബിഐ കണ്ടെത്തി. 16 വയസുകാരനായ പ്രതിയെ സിബിഐ കഴിഞ്ഞദിവസം പിടികൂടുകയും ചെയ്തിരുന്നു.
സംഭവത്തില്‍ അശോക് കുമാര്‍ നിരപരാധിയാണെന്ന് തെളിഞ്ഞതോടെയാണ് അദ്ദേഹത്തിന്റെ കുടുംബം സംസ്ഥാന പോലീസിനെതിരെ രംഗത്തെത്തിയത്. കേസില്‍ അറസ്റ്റിലായ അശോക് കുമാറിനെ ക്രൂരമായി മര്‍ദ്ദിച്ചാണ് പോലീസ് കുറ്റം സമ്മതിപ്പിച്ചതെന്നാണ് ബന്ധുക്കളുടെ ആരോപണം. പോലീസിന്റെ പീഡനത്തെ തുടര്‍ന്ന് അശോക് കുമാര്‍ കുറ്റം ഏല്‍ക്കാന്‍ നിര്‍ബന്ധിതനാകുകയാരിുന്നുവെന്നും അവര്‍ ആരോപിക്കുന്നു. തന്റെ മകനെ മര്‍ദ്ദിച്ച് അവശനാക്കി കൊലക്കേസില്‍ പ്രതിയാക്കിയ പോലീസ് ഉദ്യോഗസ്ഥര്‍ക്കെതിരെ പരാതി നല്‍കുമെന്ന് അശോക് കുമാറിന്റെ പിതാന് അമിര്‍ചന്ദ് മാധ്യമങ്ങളോട് വ്യക്തമാക്കി.
കേസ് അന്വേഷിച്ച സിബിഐയും ആദ്യഘട്ടത്തില്‍ അശോക് കുമാറിന്റെ കസ്റ്റഡിയിലെടുത്ത് ചോദ്യം ചെയ്തിരുന്നു. എന്നാല്‍ പിന്നീട് നടത്തിയ പരിശോധനകളില്‍ അശോക് കുമാറിന് സംഭവവുമായി ബന്ധമില്ലെന്നും തെളിഞ്ഞു. സ്‌കൂളിലെ കുട്ടികളെയടക്കം ചോദ്യം ചെയ്തതിലൂടെയാണ് പ്ലസ് വണ്‍ വിദ്യാര്‍ത്ഥിയാണ് കൊലപാതകത്തിന് പിന്നിലെന്ന് സിബിഐ കണ്ടെത്തിയത്.
