• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സച്ചിനും രേഖയും രാജ്യസഭയില്‍ ഹാജരാകണമെന്ന് പിജെ കുര്യന്‍

  • By Gokul

ദില്ലി: രാജ്യസഭയിലെത്തിയിട്ട് രണ്ടുവര്‍ഷമായെങ്കിലും വിരലിലെണ്ണാവുന്ന ദിവസംമാത്രം സഭയില്‍ ഹാജരായ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറും ബോളിവുഡ് താരം രേഖയും സഭയിലെത്തണമെന്ന് രാജ്യസഭാ ഉപാദ്ധ്യക്ഷന്‍ പിജെ കുര്യന്‍ അറിയിച്ചു. ഇരുവരും സഭയില്‍ ഹാജരാകാത്തത് വിവാദമായതിനെ തുടര്‍ന്നാണ് പിജെ കുര്യന്‍ അംഗങ്ങളോട് സഭയിലെത്തണമെന്ന് അഭ്യര്‍ത്ഥിച്ചത്.

എംപി സ്ഥാനം നല്‍കിയത് രാജ്യം ഇവരെ ആദരിക്കുന്നതുകൊണ്ടാണ്. ആ ആദരവ് തിരിച്ചു നല്‍കണമെന്ന് പിജെ കുര്യന്‍ പറഞ്ഞു. തിങ്കളാഴ്ച സഭ ചേരുമ്പോള്‍ ഇരുവരും സഭയിലെത്തുമെന്നാണ് പ്രതീക്ഷയെന്നും അദ്ദേഹം വ്യക്തമാക്കി. രണ്ടുപേരും സഭയില്‍ തുടര്‍ച്ചയായി ഹാജരാകുന്നില്ലെന്ന് കഴിഞ്ഞദിവസം പി. രാജീവ് എംപി ചൂണ്ടിക്കാട്ടിയിരുന്നു.

അതേസമയം, ഹാജരാകാത്തതിന് ഇവര്‍ക്കെതിരെ നടപടിയെടുക്കാനാകില്ലെന്ന് രാജ്യസഭാ ഉപാദ്ധ്യക്ഷന്‍ പറഞ്ഞിരുന്നു. തുടര്‍ച്ചയായി 60 ദിവസം കാരണമൊന്നും കൂടാതെ സഭയില്‍ ഹാജരാകാത്തവര്‍ക്കെതിരെ മാത്രമേ ചട്ടപ്രകാരം നടപടിയെടുക്കാന്‍ സാധിക്കൂ. സച്ചിന്‍ 40 ദിവസം സഭയില്‍ ഹാജരായില്ല, രേഖ അതില്‍ കുറവു ദിവസവും സഭയില്‍ എത്തിയില്ല.

സഹോദരന്റെ ശസ്ത്രക്രിയയുമായി ബന്ധപ്പെട്ടാണ് സഭയില്‍ എത്താന്‍ കഴിയാതിരുന്നതെന്നാണ് സച്ചിന്റെ വാദം. സഭയില്‍ സജീവമാകുമെന്നും അദ്ദേഹം അറിയിച്ചിരുന്നു. അതിനിടെ, രേഖയെയും സച്ചിനെയും എംപിമാരാക്കിയത് രാഷ്ട്രീയ താത്പര്യങ്ങള്‍ക്ക് വേണ്ടിയാണെന്ന് എഎപി ആരോപിച്ചു. ഗൗരവകരമായ വിഷയങ്ങള്‍ സഭയില്‍ ചര്‍ച്ച ചെയ്യുമ്പോള്‍ ഇരുവരും ഒരു ചോദ്യം പോലും ചോദിച്ചില്ലെന്നും ആം ആദ്മി പാര്‍ട്ടി കുറ്റപ്പെടുത്തി.

English summary
Sachin Tendulkar, Rekha from Rajya Sabha absence
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more