സച്ചിന് പാര്ലമെന്റില് വട്ടപ്പൂജ്യം
ദില്ലി: മൈതാനത്തിറങ്ങിയാല് ക്രിക്കറ്റിന്റെ ദൈവമാണെന്നൊക്കെ പറയാമെങ്കിലും രാഷ്ട്രതന്ത്രത്തിന്റെ മൈതാനത്തില് സച്ചിന് ടെണ്ടുല്ക്കര് ഒരു സാധാരണ പഞ്ചായത്തംഗം പോലും അല്ല. വെറുതേ പറയുന്നതല്ല. നമ്മുടെ പാര്ലമെന്റിലെ കണക്കുകള് പരിശോധിച്ചാല് ആര്ക്കും ഇതൊക്കെ മനസ്സിലാവും.
സച്ചിന് ടെണ്ടുല്ക്കര് പാര്ലമെന്റ് അംഗമായിട്ട് വര്ഷം രണ്ട് കഴിഞ്ഞു. പക്ഷേ പുള്ളി ഇതുവരെ 10 പൈസ പോലും എംപി ഫണ്ടില് നിന്ന് ചെലവഴിച്ചിട്ടില്ല. പാര്ലമെന്റില് താന് ഉണ്ടായിരുന്നു എന്നതിന് തെളിവ് ഹാജര് പുസ്തകത്തിലെ ഒപ്പ് മാത്രം ആയിരിക്കും.
ഇക്കാര്യത്തില് സച്ചിന് ഒറ്റക്കല്ലകെട്ടോ... സിനിമയില് നിന്നും ഒരു മുന്കാല നായിക കൂടിയുണ്ട്. രേഖ. രണ്ട് പേരും ഇതുവരെ പാര്ലമെന്റിന്റെ ഒരു പ്രവര്ത്തനങ്ങളിലും പങ്കാളികളായിട്ടില്ല.
രണ്ട് വര്ഷം കൊണ്ട് രണ്ട് പേര്ക്കും പത്ത് കോടി രൂപ വീതം എംപിയുടെ പ്രാദേശിക വികസന ഫണ്ടില് നിന്ന് ഉപയോഗിക്കാമായിരുന്നു. ഈ തുക പക്ഷേ ലാപ്സ് ആയി പോയി. നമ്മുടെ നാട്ടിലെ പല എംപിമാരും പണ്ടിലെ തുക തികയാതെ കഷ്ടപ്പെടുമ്പോഴാണ് ഇതെന്ന് ഓര്ക്കണം.
പണം ചെലവാക്കുന്നത് പോകട്ടെ. പാര്ലമെന്റില് ഇതുവരെ ഒരു ചോദ്യം ചോദിക്കാന് പോലും ഇവര് എഴുന്നേറ്റ് നിന്നിട്ടില്ല. സര്ക്കാരിന് നിന്ന് ഇതുവരെ ഒരു ഉറപ്പും നേടിയെടുക്കാനും കഴിഞ്ഞിട്ടില്ല. ഒരു ചര്ച്ചയില് പോലും സച്ചിനും രേഖയും പങ്കെടുത്തിട്ടില്ല.
എന്തായാലും ഒരു കാര്യത്തില് സമാധാനിക്കാം. രണ്ട് പേരും ഏതെങ്കിലും രാഷ്ട്രീയ പാര്ട്ടിയുടെ ഓരം പറ്റി ഇതുവരെ നടന്ന് തുടങ്ങിയിട്ടില്ല.