സാനിയയ്ക്ക് 1 കോടി; തന്റെ 50 ലക്ഷം എവിടെയെന്ന് സൈന
ഹൈദരാബാദ്: തെലങ്കാനയുടെ ബ്രാന്ഡ് അംബാസിഡറായി നിയമിക്കപ്പെട്ട സാനിയ മിര്സയ്ക്ക് ഒരു കോടി രൂപ നല്കിയപ്പോള് തനിക്ക് രണ്ടുവര്ഷം മുന്പ് പ്രഖ്യാപിച്ച 50 ലക്ഷം രൂപ എവിടെയെന്ന് ഇന്ത്യയുടെ ഒളിമ്പിക് ബാഡ്മിന്റണ് താരം സൈന നേഹ്വാള്. തന്റെ ട്വിറ്ററിലൂടെയാണ് സൈന രണ്ടുവര്ഷം മുന്പ് പ്രഖ്യാപിച്ച പാരിതോഷികം ലഭിച്ചില്ലെന്നറിച്ചത്.
2012 ലണ്ടന് ഒളിമ്പിക്സ് ബാഡ്മിന്റണില് സൈന വെങ്കലം നേടിയ ഉടനെയാണ് അന്നത്തെ ആന്ധ്ര പ്രദേശ് സര്ക്കാര് 50 ലക്ഷം രൂപ സമ്മാനം പ്രഖ്യാപിച്ചത്. എന്നാല് 2 വര്ഷം കഴിഞ്ഞിട്ടും തന്റെ പണം ലഭിച്ചില്ലെന്ന് സൈന പറഞ്ഞു. തെലങ്കാനയുടെ ബ്രാന്ഡ് അംബാസിഡറായി സാനിയയെ നിയമിക്കുകയും ഒരു കോടി രൂപയുടെ ചെക്ക് കൈമാറുകയും ചെയ്ത സാഹചര്യത്തിലാണ് സൈന ആരോപണവുമായി രംഗത്തെത്തിയത്.
വര്ഷംതോറും 1 കോടി രൂപയാണ് സാനിയയുടെ പ്രതിഫലം. ആദ്യ പ്രതിഫലം മുഖ്യമന്ത്രി ചന്ദ്രശേഖര റാവു കൈമാറുകയും ചെയ്തു. സാനിയയെ തെലങ്കാനയുടെ ബ്രാന്റ് അംബാസിഡറാക്കിയതിലും ഒരു കോടി രൂപ പ്രതിഫലം നല്കുന്നതിലും തനിക്ക് സന്തോഷം മാത്രമേ ഉള്ളൂവെന്ന് സൈന പറഞ്ഞു. എന്നാല് ഒളിമ്പിക്സില് ബ്രോണ്സ് മെഡല് നേടിയപ്പോള് പ്രഖ്യാപിച്ച 50 ലക്ഷം രൂപ ഇതുവരെ ലഭിച്ചില്ലെന്നും സൈന പറഞ്ഞു.
2012ല് അന്നത്തെ മുഖ്യമന്ത്രി കിരണ്കുമാര് റെഡ്ഡിയാണ് സൈനയ്ക്ക് 50 ലക്ഷം രൂപ പാരിതോഷികം പ്രഖ്യാപിച്ചത്. സാനിയയെ ബ്രാന്ഡ് അംബാസിഡറാക്കുന്നതിനെതിരെ ബിജെപി വിവാദം ഉയര്ത്തിയിരുന്നു. സാനിയ പാക്കിസ്ഥാന്റെ മരുമകളാണെന്നായിരുന്നു തെലങ്കാനയിലെ ബിജെപി നേതാക്കള് ആരോപിച്ചിരുന്നത്. എന്നാല് താന് ഇന്ത്യക്കാരിയാണെന്നും മരണംവരെ അങ്ങിനെ ആയിരിക്കുമെന്നുമായിരുന്നു സാനിയയുടെ പ്രതികരണം.
-
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
ബെംഗളൂരുവില് രണ്ടാമതൊരു വിമാനത്താവളം യാഥാര്ത്ഥ്യമാകുമോ? ഡികെ ശിവകുമാറിന് കേന്ദ്രത്തിന്റെ മറുപടി -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
ബെംഗളുരുവിന്റെ തലവര മാറ്റുന്ന ബിദാദി ടൗൺഷിപ്പ് പദ്ധതി; 7400 ഏക്കർ ഭൂമി ഏറ്റെടുക്കാൻ നടപടിയുമായി സർക്കാർ -
വിജയ് സ്വത്തുക്കള് വിറ്റഴിക്കുന്നു; നടന്റെ നീക്കത്തിന് പിന്നില് എന്ത്? സംഗീതയുടെ വിവാഹ മോചനം ചര്ച്ച -
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
സബ്സ്ക്രിപ്ഷന് വീഡിയോകള് ലീക്കാക്കി; യൂട്യൂബര്മാര്ക്കെതിരേ നിയമനടപടിയുമായി രേണു സുധി
Click it and Unblock the Notifications
Sign in with Google