സാക്ഷി ധോണിയുടെ ഫേസ്ബുക്ക് ഹാക്ക് ചെയ്തു

റാഞ്ചി: ക്രിക്കറ്റ് താരങ്ങളുടെ ഭാര്യമാരുടെ കൂട്ടത്തില്‍ അതിപ്രശസ്തയാണ് സാക്ഷി ധോണി. ഏറ്റവും കൂടുതല്‍ ആരാധകരുള്ള ഇന്ത്യന്‍ ക്യാപ്റ്റന്റെ ഭാര്യ എന്നത് മാത്രമല്ല, ഗ്യാലറിയിലും പുറത്തും ആവേശമായും അല്‍പസ്വല്‍പം വിവാദത്തില്‍പ്പെട്ടും സാക്ഷി ധോണി തന്റേതായ ഒരിടം സൃഷ്ടിച്ചിട്ടുണ്ട്.

ഓണ്‍ലൈന്‍ ലോകത്തും വളരെ സജീവമാണ് സാക്ഷി ധോണി. ഫേസ്ബുക്ക്, ട്വിറ്റര്‍ തുടങ്ങി സോഷ്യല്‍ നെറ്റ് വര്‍ക്കിംഗ് സൈറ്റുകളിലും സാക്ഷിയെ കാണാം. സാക്ഷിയുടെ ഫേസ്ബുക്ക് അക്കൗണ്ട് ആരോ ഹാക്ക് ചെയ്തു എന്നാണ് ഓണ്‍ലൈന്‍ ലോകത്തുനിന്നുള്ള വാര്‍ത്ത. റിപ്പോര്‍ട്ടുകള്‍ ശരിയാണെങ്കില്‍ ഒക്ടോബര്‍ 9 നാണ് സാക്ഷിയുടെ ഫേസ്ബുക്ക് പേജ് ഹാക്ക് ചെയ്യപ്പെട്ടത്.

ഫേസ്ബുക്ക് പേജിലെ കവര്‍ ചിത്രം മാറ്റുക, അശ്ലീല ചിത്രങ്ങളും വീഡിയോകളും പോസ്റ്റ് ചെയ്യുക എന്നിങ്ങനെയായിരുന്നു ഹാക്കറുടെ ആദ്യകാല വിനോദങ്ങള്‍. പിന്നീട് മറ്റുള്ളവരോട് ചാറ്റിംഗ് ചെയ്യുന്നതിലേക്ക് ആള്‍ ശ്രദ്ധ കേന്ദ്രീകരിച്ചു. പെണ്‍കുട്ടികളടക്കമുള്ള കൂട്ടുകാര്‍ സാക്ഷിയുടെ ഐ ഡി യില്‍ നിന്നും ചൂടന്‍ ചാറ്റിംഗ് അനുഭവിച്ചതോടെയാണ് സംഗതി കാര്യമായത്. രാത്രി വൈകിയും ഇക്കാലങ്ങളില്‍ സാക്ഷിയെ ഓണ്‍ലൈനില്‍ കാണാമായിരുന്നെന്നും കൂട്ടുകാര്‍ പറയുന്നു.

ഫേസ്ബുക്കില്‍ ഏതാണ്ട ഒരുലക്ഷത്തോളം ആളുകള്‍ സാക്ഷി ധോണിയുമായി ബന്ധപ്പെടുന്നുണ്ട്. നേരത്തെ സാക്ഷി ധോണിയുടെ സ്വകാര്യ ചിത്രങ്ങള്‍ ഫേസ്ബുക്കില്‍ ഷെയര്‍ ചെയ്യപ്പെട്ടതിന് വന്‍ പ്രശസ്തിയാണ് ലഭിച്ചത്. സാക്ഷി ധോണി കൂട്ടുകാര്‍ക്കൊപ്പം സിഗരറ്റ് വലിക്കുന്ന ചിത്രങ്ങളും, കോളേജ് കൂട്ടുകാര്‍ക്കൊപ്പം പോസ് ചെയ്ത ചിത്രങ്ങളും ഓണ്‍ലൈനില്‍ വന്‍ ഹിറ്റായിരുന്നു.

English summary

Indian cricket team’s skipper Mahendra Singh Dhoni’s wife Sakshi's Facebook page being reportedly hacked.