ശമ്പളം മൂന്നിരട്ടി വര്ധിപ്പിച്ചു; 1.11 ലക്ഷത്തില് നിന്ന് 3.45 ലക്ഷത്തിലേക്ക്, കൈയ്യടിച്ച് എംഎല്എമാര്
നിയമസഭാ അംഗങ്ങളുടെ പ്രതിമാസ ശമ്പളം മൂന്നിരട്ടി വര്ധിപ്പിച്ച് ഒഡീഷ. 1.11 ലക്ഷം രൂപയില് നിന്ന് 3.45 ലക്ഷം രൂപയാക്കിയാണ് വര്ധിപ്പിച്ചത്. രാജ്യത്ത് ഏറ്റവും ഉയര്ന്ന ശമ്പളം വാങ്ങുന്ന എംഎല്എമാര് ഇനി ഒഡീഷയില് ആയിരിക്കും. ഈ വര്ധന മുന്കാല പ്രാബല്യത്തോടെയാണ് എന്നതാണ് എടുത്തു പറയേണ്ട കാര്യം. അതായത്, 2024 ജൂണ് മുതല് മുന്കാല പ്രാബല്യം. കഴിഞ്ഞ ജൂണിലാണ് പുതിയ സര്ക്കാര് നിലവില് വന്നത്.
ബിജെപി ഭരിക്കുന്ന സംസ്ഥാനമാണ് ഒഡീഷ. ഏറെ കാലം ബിജു ജനതാദള് (ബിജെഡി) ആയിരുന്നു സംസ്ഥാനം ഭരിച്ചിരുന്നത്. കഴിഞ്ഞ വര്ഷം നടന്ന നിയമസഭാ തിരഞ്ഞെടുപ്പിലാണ് ബിജെപി അധികാരം പിടിച്ചത്. ശമ്പളം വര്ധിപ്പിക്കുന്ന ബില്ല് ഭരണ-പ്രതിപക്ഷ അംഗങ്ങള് ചേര്ന്ന് ഐക്യകണ്ഠ്യേന പാസാക്കിയെന്ന് പാര്ലമെന്ററി കാര്യ മന്ത്രി മുകേഷ് മഹാലിങ് പറഞ്ഞു.
മുഖ്യമന്ത്രി, പ്രതിപക്ഷ നേതാവ്, മന്ത്രിമാര്, സ്പീക്കര്, ഡെപ്യൂട്ടി സ്പീക്കര് എന്നിവരുടെ എല്ലാം ശമ്പളം മൂന്നിരട്ടി വര്ധിപ്പിച്ചിട്ടുണ്ട്. കൂടാതെ, മുന് എംഎല്എമാരുടെ പെന്ഷനും മൂന്നിരട്ടി കൂട്ടി. സിറ്റിങ് എംഎല്എ മരിച്ചാല് കുടുംബത്തിന് 25 ലക്ഷം രൂപ നല്കാനും പുതിയ ബില്ലില് വ്യവസ്ഥയുണ്ട്. ഓരോ അഞ്ച് വര്ഷത്തിലും എംഎല്എമാരുടെ ശമ്പളം ഇനി വര്ധിപ്പിക്കും.
ഓരോ അഞ്ച് വര്ഷത്തിലും ശമ്പളം വര്ധിപ്പിക്കുന്ന വേളയില് പുതിയ ബില്ല് ഇനി അവതരിപ്പിക്കില്ല. പകരം മന്ത്രിസഭാ ഓര്ഡിനന്സ് വഴിയാകും ശമ്പളം കൂട്ടുന്ന തീരുമാനം കൈകൊള്ളുക എന്നും മന്ത്രി വിശദീകരിച്ചു. ശമ്പളം, അലവന്സ്, മറ്റു ധനസഹായങ്ങള് എന്നിവയെല്ലാം ചേര്ത്ത് നിലവില് പ്രതിമാസം 1.11 ലക്ഷം രൂപയാണ് എംഎല്എമാര്ക്ക് കിട്ടുന്നത്. ഇത് 3.45 ലക്ഷമായി ഉയരും.
മുഖ്യമന്ത്രിയുടെ ശമ്പളം 3.74 ലക്ഷം
ശമ്പളം മാത്രം 90000 രൂപയാണ് കിട്ടുക. മണ്ഡല അലവന്സ് ആയി 75000 രൂപയും ഗതാഗത അലവന്സ് ആയി 50000 രൂപയും പുസ്തകം വാങ്ങുന്നതിന് 10000 രൂപയും വൈദ്യുതി അലവന്സ് ആയി 20000 രൂപയും യാത്രാ അലവന്സ് ആയി 50000 രൂപയും വൈദ്യസഹായമായി 35000 രൂപയും ടെലിഫോണ് അലവന്സ് ആയി 15000 രൂപയുമാണ് കിട്ടുക.
മുന് എംഎല്എമാര്ക്ക് 1.17 ലക്ഷം രൂപയാണ് പെന്ഷന്. ഇതില് 80000 രൂപ പെന്ഷന് മാത്രമായും 25000 രൂപ മെഡിക്കല് അലവന്സ് ആയും 12500 രൂപ യാത്രാ അലവന്സ് ആയുമാണ് നല്കുക. ഓരോ അഞ്ച് വര്ഷവും കണക്കാക്കി 3000 രൂപ അധികം ലഭിക്കുകയും ചെയ്യും. 2007 മുതല് എംഎല്എമാര് ശമ്പള വര്ധനവ് ആവശ്യപ്പെട്ടുവരികയാണ്. ഇതുമായി ബന്ധപ്പെട്ട നാല് ബില്ലുകളാണ് നിയമസഭ ഇപ്പോള് പാസാക്കിയത്. എല്ലാ എംഎല്എമാരും മുഖ്യമന്ത്രിക്ക് നന്ദി പറഞ്ഞു.
മുഖ്യമന്ത്രിയുടെ ശമ്പളം 3.74 ലക്ഷം രൂപയായി വര്ധിക്കും. സ്പീക്കര്ക്ക് 3.68 ലക്ഷം രൂപയും ഡെപ്യൂട്ടി സ്പീക്കര്ക്ക് 3.56 ലക്ഷം രൂപയും കിട്ടും. മന്ത്രിമാര്ക്കും പ്രതിപക്ഷ നേതാവിനും 3.62 ലക്ഷം രൂപയാണ് പ്രതിമാസം ലഭിക്കുക. സര്ക്കാരിന്റെ ചീഫ് വിപ്പിനും ഇതേ തുക അക്കൗണ്ടിലെത്തും. ഡെപ്യൂട്ടി വിപ്പിന് 3.50 ലക്ഷം രൂപയാണ് കിട്ടുക.
-
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ്
Click it and Unblock the Notifications
Sign in with Google